EPFO New Rule: જો તમારો પગાર 25,000 રૂપિયા છે તો તરત કરો આ કામ! EPFના નવા નિયમથી થશે ડબલ ફાયદો

EPFO new rule 2026: નોકરી કરતા લોકો માટે EPFO તરફથી એક બહુ જ સારા સમાચાર આવ્યા છે. કર્મચારી ભવિષ્ય નિધિ સંગઠનના નવા નિયમથી નોકરીયાત વર્ગને અત્યાર સુધીનો સૌથી મોટો ફાયદો થવા જઈ રહ્યો છે. કેન્દ્ર સરકારે સામાજિક સુરક્ષા કવરેજ માટે પગારની મર્યાદા 15,000 રૂપિયાથી વધારીને 25,000 રૂપિયા પ્રતિ માસ કરી દીધી છે.

આ નવા ફેરફાર બાદ હવે 51 લાખથી વધુ નવા કર્મચારીઓ સીધા જ પ્રોવિડન્ટ ફંડ (PF), પેન્શન (EPS) અને ફ્રી ઇન્સ્યોરન્સ (EDLI) ના દાયરામાં આવી જશે. પરંતુ, શું માત્ર 25,000 રૂપિયા પગાર હોવાથી જ તમને લાભ મળી જશે? શું આનાથી તમારી ઇન-હેન્ડ સેલેરી (હાથમાં આવતો પગાર) ઘટી જશે? ચાલો આ નવા નિયમને એકદમ સરળ ભાષામાં સમજીએ.

નવા નિયમ હેઠળ કોને લાભ મળશે?

આ ફેરફારનો સૌથી મોટો ફાયદો એવા કર્મચારીઓને થશે જેઓ પહેલા EPF કવરેજથી માત્ર એટલે બહાર હતા કારણ કે તેમનો બેઝિક પગાર (Basic Salary + DA) 15,000 રૂપિયાથી વધારે હતો. શ્રમ મંત્રાલયના જણાવ્યા અનુસાર, જે કર્મચારીઓનો પગાર 15,000 રૂપિયાથી 25,000 રૂપિયાની વચ્ચે છે અને તેઓ EPFO ની શરતો પૂરી કરે છે, તેમને હવે ફરજિયાતપણે PF સ્કીમમાં સામેલ કરવામાં આવશે. જો તમે પહેલાથી જ EPF ના સભ્ય છો, તો તમારું કન્ટ્રિબ્યુશન નવા નિયમો મુજબ ગણાશે.

ધ્યાન રાખો કે, કોઈ પણ કર્મચારી જાતે જ આ યોજનાઓમાં સીધું રજીસ્ટ્રેશન કરી શકતો નથી. આ કામ તમારા એમ્પ્લોયર (કંપની) એ જ કરવાનું હોય છે. તમારે માત્ર આટલા સ્ટેપ્સ ફોલો કરવાના છે:

પાત્રતા ચેક કરો: સૌથી પહેલા એ કન્ફર્મ કરો કે તમારો બેઝિક પગાર 25,000 રૂપિયાથી વધુ નથી ને.

HRનો સંપર્ક કરો: તમારી કંપનીની HR અથવા પેરોલ ટીમ પાસે જાવ અને તેમને કહો કે નવા નિયમ મુજબ તમારું PF એકાઉન્ટ ઓપન કરવાની પ્રોસેસ શરૂ કરે.

ડોક્યુમેન્ટ્સ આપો: તમારું આધાર કાર્ડ, પાન કાર્ડ, બેંક એકાઉન્ટની વિગતો અને ઓળખપત્ર કંપનીમાં જમા કરાવો.

કન્ટ્રિબ્યુશન ચેક કરો: એકવાર તમારું રજીસ્ટ્રેશન થઈ જાય, પછી દર મહિને તમારી સેલેરી સ્લિપ અને EPFO પાસબુક ચેક કરતા રહો જેથી ખબર પડે કે PF ના પૈસા જમા થઈ રહ્યા છે કે નહીં.

EPFOની આ 3 સ્કીમથી તમને શું ફાયદો થશે?

કર્મચારી ભવિષ્ય નિધિ: તમારા અને તમારી કંપની દ્વારા જમા કરાયેલા પૈસા અને તેના પર મળતા વ્યાજથી રિટાયરમેન્ટ માટે એક મોટું ફંડ તૈયાર થાય છે.

કર્મચારી પેન્શન યોજના: કંપની જે પૈસા જમા કરે છે તેનો અમુક હિસ્સો પેન્શન ફંડમાં જાય છે, જેનાથી નિવૃત્તિ પછી તમને આજીવન પેન્શનનો લાભ મળે છે.

એમ્પ્લોઈઝ ડિપોઝીટ લિંક્ડ ઈન્સ્યોરન્સ: આ એક ફ્રી લાઈફ ઈન્સ્યોરન્સ કવર છે. જો નોકરી દરમિયાન કર્મચારી સાથે કોઈ અઘટિત ઘટના બને, તો તેના નોમિનીને લાખો રૂપિયાની વીમા રકમ મળે છે. આના માટે તમારે કોઈ અલગથી પ્રીમિયમ ભરવાનું હોતું નથી.

શું હવે તમારું PF કપાત વધશે? સમજો ગણિત

ઘણા લોકોના મનમાં સવાલ છે કે શું આ નિયમથી હાથમાં આવતો પગાર ઘટી જશે? તો સમજો કે, નવા નિયમ મુજબ PF ની ગણતરી 25,000 રૂપિયા અથવા તમારા ખરેખર પગાર (બેઝિક), બેમાંથી જે ઓછું હોય તેના પર થશે. જો તમારો બેઝિક પગાર પૂરો 25,000 રૂપિયા છે, તો તેના 12% લેખે તમારા પગારમાંથી દર મહિને 3,000 રૂપિયા PF તરીકે કપાશે. સામે તમારી કંપની પણ 12% રકમ ઉમેરશે, જે EPF અને EPS માં વહેંચાઈ જશે. જ્યારે EDLI (વીમા) નું પ્રીમિયમ તમારી કંપની જ ચૂકવશે. ભલે તમારી ઇન-હેન્ડ સેલેરીમાં થોડો ઘટાડો દેખાય, પરંતુ ભવિષ્ય માટે તમારી બચત ડબલ થઈ જશે અને તમને સુરક્ષા પણ મળશે.

આ પણ વાંચો- SBIની જબરદસ્ત સ્કીમ! શેરબજારના જોખમ વિના મળશે ફિક્સ મંથલી ઈન્કમ, મેચ્યોરિટી પર 110% રિફંડની પાક્કી ગેરંટી