Gold- Silver Price Today: સોના-ચાંદીના ભાવમાં આજે તેજીનો માહોલ! કડાકા બાદ બજારમાં રિકવરી, સોનું 1500 અને ચાંદી 5500 ઉછળ્યું

Gold-Silver Price Update: ભારતીય કોમોડિટી માર્કેટમાં રોકાણકારો માટે આજે સારા સમાચાર આવ્યા છે. સોના અને ચાંદીના ભાવમાં ફરી એકવાર તેજીનો પવન ફૂંકાયો છે. ગઈકાલે મોડી રાત્રે બજારમાં જે મોટો કડાકો બોલી ગયો હતો, તેના આઘાતમાંથી બજાર બહાર આવ્યું છે અને આજે માર્કેટ ખુલતાની સાથે જ બંને કિંમતી ધાતુઓના ભાવમાં જોરદાર ઉછાળો જોવા મળ્યો છે.

ગઈકાલના ટ્રેડિંગ સેશન દરમિયાન વાયદા બજારમાં અચાનક ગભરાટ ફેલાયો હતો અને ભાવ તળિયે બેસી ગયા હતા, પરંતુ આજે સવારથી જ બજારમાં ફરી 'હરિયાળી' જોવા મળી રહી છે. ચાલો જાણીએ આજે સોના-ચાંદીના લેટેસ્ટ ભાવ અને બજારની ચાલ.

સોનાના ભાવમાં શાનદાર રિકવરી

સોનાના રોકાણકારો માટે આજનો દિવસ રાહત લઈને આવ્યો છે. આજે MCX પર સોનાની શરૂઆત તેજી સાથે થઈ હતી.

ગઈકાલે શું થયું હતું?

ગઈકાલની વાત કરીએ તો સોનું 158000ની આસપાસ ટ્રેડ થઈ રહ્યું હતું, પરંતુ અચાનક આવેલા કડાકાને કારણે ભાવ ગગડીને સીધા 149938 સુધી પહોંચી ગયા હતા. આ અચાનક ઘટાડાથી રોકાણકારોમાં ભયનો માહોલ હતો, પરંતુ આજે ફરી ભાવ 154837ના સ્તરે પહોંચતા રોકાણકારોએ હાશકારો અનુભવ્યો છે.

ચાંદીમાં 5500 થી વધુનો તોફાની ઉછાળો

ચાંદીના ભાવમાં પણ આજે જબરદસ્ત ચમકારો જોવા મળ્યો છે. ગઈકાલના કડાકા બાદ આજે ચાંદીએ જોરદાર કમબેક કર્યું છે.

આજે ચાંદી તેના જૂના ક્લોઝિંગ 236435 ની સામે સીધી 239600 પર ખુલી હતી. એટલે કે બજાર ખુલતાની સાથે જ તેમાં 3191 રૂપિયાનો ઉછાળો જોવા મળ્યો હતો. ટ્રેડિંગ સેશન આગળ વધતા ચાંદીમાં ખરીદી વધી અને ભાવ 242081 ના લેવલ પર પહોંચી ગયા. આજના હાઈ લેવલને જોતા ચાંદીમાં 5646 રૂપિયાનો જંગી ઉછાળો નોંધાયો છે.

ગઈકાલે 45 મિનિટમાં બાજી પલટાઈ હતી

ચાંદીમાં ગઈકાલે મોટી ઉથલપાથલ મચી હતી. ચાંદી 260000 થી 258000 વચ્ચે ટ્રેડ થઈ રહી હતી, પરંતુ માત્ર 45 મિનિટના સમયગાળામાં બાજી પલટાઈ ગઈ અને ભાવ તૂટીને 234722 ના લેવલ પર આવી ગયા હતા. આ આશરે 25000થી વધુનો કડાકો હતો. જોકે, આજે બજાર સુધરતા ફરી તેજીની આશા જાગી છે.

આ પણ વાંચો- Income Tax Rules: ITR-1 થી ITR-7માં મોટા ફેરફાર! સરકાર લાવ્યા નવા નિયમો, 1 એપ્રિલ 2026થી બદલાઈ જશે આખી સિસ્ટમ