Silver Price Hits 3 Lakh: ઈતિહાસમાં પહેલીવાર ચાંદી 3 લાખને પાર, સોનામાં પણ ભયંકર તેજી! જાણો આજના લેટેસ્ટ ભાવ

Silver Price Today: ભારતીય વાયદા બજાર એટલે કે MCX પર 19 જાન્યુઆરી, 2026નો દિવસ સુવર્ણ અક્ષરે લખાયો છે. આજે બજારમાં જે થયું તે પહેલાં ક્યારેય જોવા મળ્યું ન હતું. ચાંદીના ભાવે એક મોટો ચમત્કાર સર્જીને પ્રથમ વખત પ્રતિ કિલોગ્રામ 3 લાખનો જાદુઈ આંકડો પાર કરી લીધો છે. માત્ર ચાંદી જ નહીં, સોનામાં પણ તોફાની તેજી જોવા મળી છે અને ભાવ આસમાને પહોંચ્યા છે. વૈશ્વિક બજારોમાંથી મળી રહેલા મજબૂત સંકેતો અને રોકાણકારો દ્વારા થઈ રહેલી જોરદાર ખરીદીને કારણે બુલિયન માર્કેટમાં આ ઐતિહાસિક તેજી જોવા મળી છે.

ચાંદીએ રચ્યો ઈતિહાસ: ભાવ 3 લાખને પાર

MCX પર 5 માર્ચ, 2026ના રોજ પૂરા થતા ચાંદીના વાયદામાં આજે સવારથી જ આગ ઝરતી તેજી જોવા મળી હતી. ચાલો જોઈએ આજના આંકડા શું કહે છે:

જૂનો ભાવ: શુક્રવારે બજાર બંધ થયું ત્યારે ચાંદીનો ભાવ 2,87,762 હતો.

ઐતિહાસિક રેકોર્ડ: બજાર ખુલ્યા બાદ લેવાલી એટલી જબરદસ્ત હતી કે જોતજોતામાં ચાંદીએ 3,01,315 ની ઓલ-ટાઈમ હાઈ (સર્વોચ્ચ) સપાટી બનાવી દીધી હતી.

વર્તમાન સ્થિતિ: અત્યારે સમાચાર લખાઈ રહ્યા છે ત્યારે, ચાંદીમાં એક જ દિવસમાં 10,400 (3.61%)નો જંગી ઉછાળો જોવા મળ્યો છે અને ભાવ 2,98,162 ની આસપાસ ટ્રેડ થઈ રહ્યો છે.

સોનામાં પણ રેકોર્ડબ્રેક તેજી

ચાંદીની પાછળ પાછળ સોનું પણ કંઈ ઓછું ઉતર્યું નથી. પીળી ધાતુમાં પણ આજે રોકાણકારોએ મન મૂકીને ખરીદી કરી છે. MCX પર 5 ફેબ્રુઆરી, 2026 ના સોનાના વાયદાના આંકડા નીચે મુજબ છે:

બંધ ભાવ: શુક્રવારે સોનું 1,42,517 ના સ્તરે બંધ રહ્યું હતું.

ઓપનિંગ: આજે સવારે સોનું 1,43,321 ના ભાવે ખુલ્યું હતું.

હાઈ લેવલ: દિવસ દરમિયાન સોનાએ પણ જોર પકડ્યું હતું અને ભાવ 1,45,500ની ઊંચી સપાટીએ પહોંચ્યો હતો.

કરન્ટ પ્રાઈસ: હાલમાં સોનામાં 1,937 (1.36%)નો વધારો નોંધાયો છે અને તે 1,44,454 પર કારોબાર કરી રહ્યું છે.

આજના સેશનમાં કિંમતી ધાતુઓએ તમામ જૂના રેકોર્ડ તોડી નાખ્યા છે. ખાસ કરીને ચાંદીમાં 3 લાખની સપાટી કૂદાવવી એ રોકાણકારો અને બજારના પંડિતો માટે એક મોટી ઘટના છે. આગામી દિવસોમાં આ તેજી ટકી રહે છે કે કેમ તે જોવું રસપ્રદ રહેશે.

આ પણ વાંચો- ICCની બાંગ્લાદેશને લાલ આંખ! ભારત આવો નહીંતર વર્લ્ડ કપ ભૂલી જાવ, આ ટીમને મળી જશે એન્ટ્રી