વેનેઝુએલા પર અમેરિકાના હુમલાથી સોના-ચાંદીમાં આવશે ભયંકર તેજી? ભાવ 1.40 લાખને પાર જવાની આગાહી, જાણો શું કહે છે એક્સપર્ટ

Gold Silver Price Forecast: વેનેઝુએલાના અનેક ઠેકાણાઓ પર અમેરિકા દ્વારા કરવામાં આવેલા હવાઈ હુમલા બાદ વૈશ્વિક બજારોમાં ગભરાટનો માહોલ છે. આ ઘટનાની સીધી અસર હવે સોના-ચાંદી અને ક્રૂડ ઓઈલ જેવી કીમતી ચીજવસ્તુઓના ભાવ પર જોવા મળી શકે છે. યુદ્ધ જેવી સ્થિતિ સર્જાતા રોકાણકારો સુરક્ષિત રોકાણ તરફ વળે છે, જેના કારણે કીમતી ધાતુઓના ભાવ વધવાની પૂરેપૂરી શક્યતા છે. સોમવારે જ્યારે બજાર ખુલશે ત્યારે આ ઘટનાની અસર જોવા મળી શકે છે. ચાલો જાણીએ કે એક્સપર્ટ્સ આ સ્થિતિમાં સોના અને ચાંદીના ભાવ ક્યાં સુધી જશે તેવું અનુમાન લગાવી રહ્યા છે.

સોના-ચાંદીના ભાવ પર શું અસર થશે?

નિષ્ણાંતોના જણાવ્યા અનુસાર, વેનેઝુએલા પર અમેરિકાના હુમલાને કારણે જિયો-પોલિટિકલ ટેન્શન (ભૂ-રાજકીય તણાવ) વધી ગયું છે. આ તણાવની સીધી અસર સોમવારે કોમોડિટી માર્કેટ પર જોવા મળશે. તેમના મતે, બજારમાં ટ્રેડ થતી કીમતી વસ્તુઓના ભાવમાં જોરદાર ઉછાળો આવી શકે છે.

ગુપ્તાનું અનુમાન છે કે સોનું, ચાંદી, તાંબુ, ક્રૂડ ઓઈલ અને ગેસોલિનના ભાવમાં શરૂઆતથી જ તેજી જોવા મળશે.

ચાંદી: આંતરરાષ્ટ્રીય બજારમાં ચાંદી 75 થી 78 ડોલરની રેન્જમાં જઈ શકે છે.

ક્રૂડ ઓઈલ: બ્રેન્ટ ક્રૂડ ઓઈલ મોંઘું થઈને 62 થી 65 ડોલર પ્રતિ બેરલ સુધી જઈ શકે છે.

બીજી તરફ, કેપિટલના કો-ફાઉન્ડર સંદીપ પાંડેનું કહેવું છે કે અમેરિકા અને વેનેઝુએલા વચ્ચેના સંઘર્ષને કારણે શિપિંગ રૂટ (દરિયાઈ રસ્તાઓ) ને લઈને ચિંતા વધી છે. આના કારણે સપ્લાયમાં ઘટાડો થઈ શકે છે અને પરિણામે સોના-ચાંદીના ભાવમાં હજુ વધુ તેજી જોવા મળી શકે છે.

ભારતમાં ભાવ કેટલા વધી શકે છે?

ભારતીય વાયદા બજાર (MCX) પર આ યુદ્ધની અસર કેવી રહેશે તે અંગે પણ અનુજ ગુપ્તાએ મોટા ટાર્ગેટ આપ્યા છે:

સોનું: MCX પર સોનાની કિંમત 10 ગ્રામ દીઠ 1,40,000 રૂપિયા સુધી પહોંચી શકે છે.

ચાંદી: ચાંદીના ભાવમાં પણ મોટો ઉછાળો આવી શકે છે અને તે 2,45,000 રૂપિયા પ્રતિ કિલો સુધી જઈ શકે છે.

ક્રૂડ ઓઈલ: MCX પર કાચા તેલના ભાવ 5,200 થી 5,300 રૂપિયા પ્રતિ બેરલની આસપાસ રહેવાની શક્યતા છે.

જોકે, ક્રૂડ ઓઈલને લઈને એક્સપર્ટ્સના મત અલગ-અલગ છે. કેટલાકનું માનવું છે કે વેનેઝુએલાનો ગ્લોબલ ઓઈલ સપ્લાયમાં બહુ મોટો હિસ્સો નથી, તેથી તેની કિંમતો પર બહુ મોટી અસર નહીં થાય, પરંતુ સોના-ચાંદી ચોક્કસ મોંઘા થઈ શકે છે.

અત્યારે શું છે સોના-ચાંદીના ભાવ?

હાલની સ્થિતિએ MCX પર સોના-ચાંદીના ભાવ નીચે મુજબ છે:

ચાંદી: 1 કિલો ચાંદીનો ભાવ 2,36,599 રૂપિયા છે, જ્યારે તેનો રેકોર્ડ હાઈ લેવલ 2.54 લાખ રૂપિયા છે.

સોનું: 5 ફેબ્રુઆરી વાયદા માટે 10 ગ્રામ સોનાનો ભાવ 1,35,752 રૂપિયા છે, અને તેનો ઓલ ટાઈમ હાઈ 1.40 લાખ રૂપિયા છે.

આમ, જો સોમવારે બજારમાં તેજી આવે છે, તો સોનું અને ચાંદી ફરી એકવાર પોતાના રેકોર્ડ હાઈ લેવલની નજીક અથવા તેને પાર જઈ શકે છે. રોકાણકારો માટે આગામી સપ્તાહ ઘણું મહત્વનું રહેશે.

આ પણ વાંચો-Global Crisis 2026: શું 2026માં વિશ્વ પર આવશે મોટું સંકટ? પોલ્યુશન, પોલિટિક્સ અને પાવર ગેમ બદલી નાખશે દુનિયાનું ચિત્ર!