Page Industries Q1 Results : જોકી બ્રાન્ડ બનાવતી કંપની Page Industriesને 193 કરોડનો નફો, દરેક શેર પર મળશે 200નું બમ્પર ડિવિડન્ડ

Page Industries Q1 Results : જાણીતી ઇનરવેર બ્રાન્ડ જોકીની પેરેન્ટ કંપની પેજ ઇન્ડસ્ટ્રીઝના નાણાકીય વર્ષની પ્રથમ ત્રિમાસિકના પરિણામો જાહેર થઈ ગયા છે. કંપનીના આ પરિણામો મિશ્ર રહ્યા છે. એક તરફ કંપનીના નફામાં સામાન્ય ઘટાડો જોવા મળ્યો છે, તો બીજી તરફ આવકમાં વધારો નોંધાયો છે. આ સાથે જ કંપનીએ પોતાના શેરધારકોને ખુશ કરતા એક મોટા ડિવિડન્ડની જાહેરાત પણ કરી છે.

કેવા રહ્યા કંપનીના નાણાકીય આંકડા?

કંપની દ્વારા રજૂ કરવામાં આવેલા લેટેસ્ટ આંકડાઓ પર નજર કરીએ તો,,કંપનીનો નફો વાર્ષિક ધોરણે 4% ઘટીને 193 કરોડ નોંધાયો છે. ગયા વર્ષે આ જ સમયગાળામાં કંપનીને 201 કરોડનો નફો થયો હતો. નફો ભલે ઘટ્યો હોય, પરંતુ કંપનીની કુલ આવક 7.9% ના ઉછાળા સાથે 1,420.4 કરોડ પર પહોંચી ગઈ છે. જે એક વર્ષ પહેલા 1,316.6 કરોડ હતી. કંપનીનો એબિટડા 2% ઘટીને 289 કરોડ રહ્યો છે, જે અગાઉના વર્ષે 295 કરોડ હતો. માર્જિનમાં પણ ઘટાડો જોવા મળ્યો છે. તે 22.4% થી ઘટીને 20.3% પર આવી ગયું છે.

રોકાણકારોને મળશે 200 નું ડિવિડન્ડ

શેરબજારમાં કંપનીના શેરની સ્થિતિ

મિશ્ર પરિણામોની અસર કંપનીના શેર્સ પર સ્પષ્ટ જોવા મળી હતી. ગુરુવારે પેજ ઇન્ડસ્ટ્રીઝનો શેર 4.66% ના મોટા ઘટાડા સાથે 36,510 ના સ્તરે બંધ થયો હતો. જોકે, છેલ્લા 6 મહિનાની વાત કરીએ તો આ સ્ટોકે રોકાણકારોને 8.89% નું રિટર્ન આપ્યું છે. પરંતુ છેલ્લા 1 વર્ષમાં આ શેરમાં લગભગ 16% નો ઘટાડો નોંધાયો છે. હાલમાં કંપનીનું કુલ માર્કેટ કેપ 41.07 હજાર કરોડ જેટલું છે.

કંપનીના મેનેજમેન્ટનું શું કહેવું છે?

પેજ ઇન્ડસ્ટ્રીઝના મેનેજિંગ ડિરેક્ટર વી. એસ. ગણેશે પરિણામો અંગે વાત કરતા જણાવ્યું હતું કે, "પ્રથમ ક્વાર્ટરમાં કંપનીએ સ્થિર આવક વૃદ્ધિ નોંધાવી છે અને નફાનું માર્જિન મજબૂત જાળવી રાખ્યું છે." તેમણે વધુમાં ઉમેર્યું હતું કે ગ્રાહકોની માંગમાં સુધારો જોવા મળ્યો છે અને નવી પ્રોડક્ટ લાઈનને પણ સારો પ્રતિસાદ મળી રહ્યો છે. આગામી સમયમાં કંપની ખાસ કરીને યુવાનોને ધ્યાનમાં રાખીને નવી પ્રોડક્ટ્સ બજારમાં લોન્ચ કરવાની તૈયારી કરી રહી છે.

પેજ ઇન્ડસ્ટ્રીઝનો બિઝનેસ શું છે?

Page Industries એ ભારતમાં ઇનરવેર અને એથ્લેઝર માર્કેટની સૌથી મોટી અને પ્રમુખ કંપની છે. તે વિશ્વવિખ્યાત 'Jockey' બ્રાન્ડના ઇનરવેર, એક્ટિવવેર અને લાઉન્જવેર બનાવે છે અને વેચે છે. આ ઉપરાંત કંપની 'Speedo' બ્રાન્ડ હેઠળ સ્વિમવેરનો પણ મોટો બિઝનેસ ધરાવે છે. દેશભરમાં કંપનીના એક્સક્લુઝિવ સ્ટોર્સ, મલ્ટી-બ્રાન્ડ આઉટલેટ્સ, મોટા રિટેલ સ્ટોર્સ અને ઓનલાઇન પ્લેટફોર્મ્સ મારફતે મોટું નેટવર્ક ફેલાયેલું છે.

આ પણ વાંચો-Closing Bell : સેન્સેક્સ 114 પોઈન્ટ ઉછળ્યો, પણ નિફ્ટી 24400ની નીચે બંધ, જાણો બજારની લેટેસ્ટ સ્થિતિ

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.