Closing Bell : સેન્સેક્સ 114 પોઈન્ટ ઉછળ્યો, પણ નિફ્ટી 24400ની નીચે બંધ, જાણો બજારની લેટેસ્ટ સ્થિતિ

Closing Bell : આજના શેરબજારમાં ભારે વોલેટિલિટી જોવા મળી છે. વૈશ્વિક સ્તરે, ખાસ કરીને અમેરિકા અને ઈરાન વચ્ચે ચાલી રહેલી અનિશ્ચિતતા અને ભૌગોલિક તણાવની સીધી અસર ભારતીય બજાર પર પડી છે. આંતરરાષ્ટ્રીય સમાચારોને લઈને રોકાણકારો ખૂબ જ સાવચેત દેખાયા, જેના કારણે માર્કેટમાં કોઈ એક તરફી મોટી તેજી જોવા મળી ન હતી.

સેન્સેક્સ અને નિફ્ટીની લેટેસ્ટ સ્થિતિ

બજારના મુખ્ય સૂચકાંકોની વાત કરીએ તો, આજે સેન્સેક્સ અને નિફ્ટીમાં વિપરીત ટ્રેન્ડ જોવા મળ્યો હતો. ભારે ઉતાર-ચઢાવ વાળા સત્રના અંતે BSE સેન્સેક્સ 113.61 પોઈન્ટ (0.15%) વધીને 78,079.96 ના સ્તરે બંધ થયો હતો.

બીજી બાજુ, નિફ્ટી 50 ઈન્ડેક્સ પોતાનું લેવલ જાળવી શક્યો ન હતો. નિફ્ટી 40 પોઈન્ટ (0.16%) તૂટીને 24,395.85 ના સ્તરે બંધ થયો હતો. એટલે કે બજાર 24,400 ની મહત્વની સપાટીની નીચે બંધ આવ્યું છે.

આજે મોટા શેર્સ કરતા નાના શેર્સમાં રોકાણકારોનો રસ વધુ જોવા મળ્યો હતો. વ્યાપક બજારે આજે બેન્ચમાર્ક નિફ્ટી કરતા ઘણું સારું પ્રદર્શન કર્યું છે. આજના કારોબારમાં મિડકેપ 100 ઈન્ડેક્સ 0.15%ના વધારા સાથે અને સ્મોલકેપ 100 ઈન્ડેક્સ 0.27%ના ઉછાળા સાથે લીલા નિશાનમાં બંધ થયા છે.

કયા શેર્સ વધ્યા, કયા ઘટ્યા?

સેન્સેક્સના ટોપ 30 શેર્સમાંથી આજે 19 શેર્સ વધારા સાથે બંધ થયા છે. જેમાં ઈન્ડિગોના શેરમાં સૌથી વધુ તેજી જોવા મળી હતી અને તે બજારમાં સૌથી આગળ રહ્યો. જ્યારે બેન્કિંગ સેક્ટરના દિગ્ગજ શેર ICICI બેન્કમાં આજે સૌથી વધુ વેચવાલી અને મોટો ઘટાડો નોંધાયો હતો.

સેક્ટર મુજબ બજારનો હાલ

આજના કારોબારમાં અલગ-અલગ સેક્ટર્સમાં મિશ્ર પ્રતિસાદ મળ્યો હતો.રિયલ્ટી અને FMCG સેક્ટરમાં સૌથી સારી ખરીદી જોવા મળી હતી, જેના કારણે તે બજારના ટોપ ગેઈનર્સ સેક્ટર બન્યા હતા. તેનાથી વિપરીત, મેટલ સેક્ટરમાં મોટું દબાણ જોવા મળ્યું હતું. નિફ્ટી મેટલ્સ 1.05%ના સૌથી મોટા ઘટાડા સાથે બંધ થયો હતો.

આ પણ વાંચો-મ્યુચ્યુઅલ ફંડ્સની પસંદ બદલાઈ: જાણો લેટેસ્ટ ટ્રેન્ડમાં કયા શેર્સમાં વધાર્યું રોકાણ અને કયા સેક્ટરમાંથી કાઢ્યા પૈસા