TCS છટણી: શું રિયલ એસ્ટેટ માર્કેટ પર પડશે અસર, ફ્લેટના ભાવ ઘટશે?

TCS layoffs real estate market: ટાટા કન્સલ્ટન્સી સર્વિસેઝ (TCS) અને અન્ય મોટી IT કંપનીઓમાં સંભવિત છટણીના સમાચારથી રિયલ એસ્ટેટ સેક્ટરમાં પણ ચિંતાની લહેર ફેલાઈ છે. ખાસ કરીને બેંગલુરુ અને હૈદરાબાદ જેવા ટેક હબ શહેરોમાં, જ્યાં IT પ્રોફેશનલ્સની મજબૂત માંગને કારણે પ્રોપર્ટી માર્કેટ લાંબા સમયથી મજબૂત રહ્યું છે. આવી સ્થિતિમાં સવાલ ઉભો થઈ રહ્યો છે કે, શું IT સેક્ટરમાં છટણી રિયલ એસ્ટેટની વેચાણ પર અસર કરશે?

છટણીની અસર સીમિત રહેશે?

ઇક્વિરસ કેપિટલના મેનેજિંગ ડિરેક્ટર વિજય અગ્રવાલનું માનવું છે કે છટણીની અસર ખૂબ સીમિત રહેશે. CNBC બઝારના એક કાર્યક્રમમાં અગ્રવાલે જણાવ્યું કે, ગ્લોબલ કેપેબિલિટી સેન્ટર્સ (GCCs)માં હાલમાં જોરદાર હાયરિંગ થઈ રહી છે. આ નવી ભરતીઓ IT સેક્ટરમાં થનારી છટણીની અસરને સંતુલિત કરી શકે છે. તેમણે કહ્યું, “જો TCS કે અન્ય IT કંપનીઓ છટણી કરે તો પણ GCCs આ અસરને શોષી શકે છે.” જોકે, તેમણે એમ પણ ઉમેર્યું કે આ સ્થિતિને સંપૂર્ણ રીતે સમજવામાં 2થી 3 ત્રિમાસિક ગાળો લાગી શકે છે.

બેંગલુરુમાં હાઉસિંગ ડિમાન્ડને ઝટકો?

હૈદરાબાદ: નવું ટેક હોટસ્પોટ

વિજય અગ્રવાલે જણાવ્યું કે હૈદરાબાદ GCCs માટે એક આકર્ષક બજાર તરીકે ઉભરી રહ્યું છે. તેમણે કહ્યું, “હૈદરાબાદ ભાડા અને મકાનની કિંમતની દૃષ્ટિએ ખૂબ જ સ્પર્ધાત્મક છે. કંપનીઓ હવે લોકેશન ડાયવર્સિફિકેશન હેઠળ બેંગલુરુ અને હૈદરાબાદ વચ્ચે વિકલ્પો શોધી રહી છે.”

ડેવલપર્સ માટે રાહતના સમાચાર

લોઢા ડેવલપર્સ, DLF, ઓબેરોય રિયલ્ટી અને પ્રેસ્ટિજ એસ્ટેટ્સ જેવા રિયલ એસ્ટેટ ડેવલપર્સ સતત મજબૂત પ્રી-સેલ્સના આંકડા રજૂ કરી રહ્યા છે. અગ્રવાલે જણાવ્યું કે એપ્રિલ-જૂન 2025ની ત્રિમાસિકમાં જોવા મળેલો નાનો ઘટાડો અસ્થાયી હતો અને તેનું મુખ્ય કારણ ભૂરાજનીતિક અનિશ્ચિતતાઓ હતી, નહીં કે સ્થાનિક માંગની નબળાઈ.

ઓફિસ સ્પેસમાં પણ મજબૂતી

GCCsથી માત્ર રેસિડેન્શિયલ માર્કેટને જ નહીં ઓફિસ સ્પેસની માંગને પણ ટેકો મળી રહ્યો છે. અગ્રવાલે જણાવ્યું, “સામાન્ય રીતે જો જોઈએ તો, કુલ લીઝિંગનો 20થી 30% હિસ્સો GCCs લઈ રહ્યા છે.” તેમણે કર્મચારીઓની વધતી સંખ્યાને પ્રોપર્ટી માર્કેટ માટે સકારાત્મક ટ્રેન્ડ ગણાવ્યો.

આ બદલાવથી પ્રેસ્ટિજ એસ્ટેટ્સ, બ્રિગેડ એન્ટરપ્રાઇઝ અને શોભા જેવા ડેવલપર્સ, જેઓ 1થી 2 કરોડ રૂપિયાની રેન્જના ફ્લેટ્સ પર ધ્યાન આપે છે, તેમને ખાસ કરીને દક્ષિણ ભારતના માર્કેટમાં સૌથી વધુ ફાયદો થઈ શકે છે.

લોઢા ડેવલપર્સનો સકારાત્મક દૃષ્ટિકોણ

લોઢા ડેવલપર્સના ફાઇનાન્સ એક્ઝિક્યુટિવ ડિરેક્ટર સુશીલ કુમાર મોદીએ CNBC બઝારને આપેલા ઇન્ટરવ્યૂમાં જણાવ્યું કે, બેંગલુરુ જેવા શહેરોમાં ડિમાન્ડ હજુ પણ મજબૂત છે. તેમણે કહ્યું, “આ ઇન્ડસ્ટ્રીના ઘણા સેગમેન્ટ હજુ પણ સારું પ્રદર્શન કરી રહ્યા છે.” મોદીએ એ વાત પર પણ ભાર મૂક્યો કે રિયલ એસ્ટેટ માત્ર એક મોટું સેક્ટર નથી, પરંતુ તે સ્ટીલ, સિમેન્ટ, ટાઇલ્સ અને કેબલ જેવી અન્ય ઘણી ઇન્ડસ્ટ્રીઝને પણ ટેકો આપે છે.

આ પણ વાંચો- ગુજરાત ATSની મોટી સફળતા: અલકાયદાના આતંકી મોડ્યૂલની મુખ્ય સાજિશકર્તા ઝડપાઈ