Tata Technologies investment in US: Tata Technologiesનો અમેરિકામાં ઇન્વેસ્ટ કરવાનો નિર્ણય વિલંબિત થઈ શકે છે. કંપનીના CEO અને એમડી વોરેન હેરિસે કહ્યું છે કે યુએસ રાષ્ટ્રપતિ ડોનાલ્ડ ટ્રમ્પની ટેરિફ પોલીસી અંગે હજુ પણ અનિશ્ચિતતા છે, જેના કારણે ત્યાં ઇન્વેસ્ટ કરવાનો નિર્ણય વિલંબિત થઈ શકે છે. જોકે, USમાં નોંધપાત્ર હાજરી ધરાવતી ગ્લોબલ પ્રોડક્ટ એન્જિનિયરિંગ અને ડિજિટલ સર્વિસ કંપનીને આશા છે કે આગામી એક કે બે મહિનામાં પોલીસી અંગે થોડી સ્પષ્ટતા થશે. હેરિસે સમાચાર એજન્સી પીટીઆઈને જણાવ્યું હતું કે, "ઉત્તર અમેરિકામાં મધ્યમથી લાંબા ગાળા માટે ખૂબ જ આશાવાદી છીએ. ટેરિફ જેવી બાબતો પર સ્પષ્ટતાનો અભાવ મદદરૂપ નથી. તેઓ કસ્ટમર્સ માટે મદદરૂપ નથી અને કારણ કે તેઓ અમારા કસ્ટમર્સ માટે મદદરૂપ નથી, ઇન્વેસ્ટના નિર્ણયોમાં વિલંબ થવાની શક્યતા છે.
Tata Technologies investment in US: ટ્રમ્પની ટેરિફ પોલિસીની દેખાઈ રહી છે અસર, અમેરિકામાં Tata Technologiesના ઇન્વેસ્ટમાં થશે વિલંબ
Tata Technologiesના CEOએ જણાવ્યું હતું કે તેઓએ વિશ્વના વિવિધ ભાગોમાં વિવિધ બજાર પરિસ્થિતિઓનો સામનો કરવાનું શીખ્યા છે. યુરોપ ઉત્તર અમેરિકાથી ઘણું અલગ છે. ચીનમાં જે થઈ રહ્યું છે તે ભારતથી ઘણું અલગ છે.
અપડેટેડ 11:18:25 AM Mar 17, 2025 પર
ટેરિફ અંગે સ્પષ્ટતા હોવી જરૂરી
ટેરિફ અંગે સ્પષ્ટતા હોવી જરૂરી
હેરિસ વિવિધ દેશો સામે ટ્રમ્પના ટેરિફ યુદ્ધની અસર અંગેના પ્રશ્નનો જવાબ આપી રહ્યા હતા. તેમણે કહ્યું, “પરંતુ અમે સ્પષ્ટ છીએ કે ટ્રમ્પ વહીવટીતંત્રને બને પણ હજુ બે મહિનાથી વધુ સમય નથી થયો તેથી મને લાગે છે કે આગામી એક કે બે મહિનામાં આપણે પોલીસીગત બાબતો પર સ્પષ્ટતા જોવા મળશે. અમને ટેરિફ ગમે કે ન ગમે, સૌથી મહત્વની બાબત સ્પષ્ટતા છે અને એકવાર અમારા કસ્ટમર્સને સ્પષ્ટતા મળી જાય, તો તેઓ તે મુજબ યોગ્ય સેટિંગ કરી શકે છે." જ્યારે પૂછવામાં આવ્યું કે શું Tata Technologies કોઈપણ પરિસ્થિતિ માટે તૈયાર છે, ત્યારે હેરિસે કહ્યું, "અમે હંમેશા બજારની સ્થિતિ પર નજર રાખીએ છીએ અને છેલ્લા 12 મહિનાએ અમને શીખવ્યું છે કે આપણે ચપળ અને ફેક્સિબલ બનવાની જરૂર છે."
‘ફ્રી ટ્રેડને સમર્થન કરીએ છીએ’
તેમણે ભારપૂર્વક જણાવ્યું હતું કે Tata Technologies એવી સંસ્થા નથી જે ટેરિફ જેવી બાબતોની હિમાયત કરે છે. "અમે એક ગ્લોબલ કંપની છીએ અને તેથી ફ્રી ટ્રેડને સમર્થન આપતી કોઈપણ વસ્તુ માટે અમે સંપૂર્ણપણે પ્રતિબદ્ધ છીએ," સાથે તેમણે ઉમેર્યું કે "અમે વિશ્વના વિવિધ ભાગોમાં વિવિધ બજાર પરિસ્થિતિઓનો સામનો કરવાનું શીખ્યા છીએ." યુરોપ ઉત્તર અમેરિકાથી ઘણું અલગ છે. ચીનમાં જે થઈ રહ્યું છે તે ભારતથી ઘણું અલગ છે. તેમણે કહ્યું, "આવી સ્થિતિમાં, એક સંગઠન તરીકે, અમે પોતાને ચપળ અને ફેક્સિબલ રાખવા માટે પ્રતિબદ્ધ છીએ."
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
