ક્વિક કોમર્સ યુનિકોર્ન Zeptoએ તેના પ્રસ્તાવિત પ્રારંભિક જાહેર ઓફર (IPO) પહેલા ભારતીય મૂળની કંપની બનવા માટે સિંગાપોરથી ભારતમાં 'રિવર્સ ફ્લિપ' ની પ્રક્રિયા પૂર્ણ કરી છે. વિદેશી સ્ટાર્ટઅપ્સ દ્વારા તેમના રહેઠાણનો આધાર ભારતમાં ખસેડવા અને ભારતીય શેરબજારમાં લિસ્ટેડ થવા માટે રિવર્સ ફ્લિપ પ્રોસેસનો ઉપયોગ કરવામાં આવે છે.
Zeptoએ કર્યું રિવર્સ ફ્લિપ, IPO પહેલા કંપનીનો મોટો નિર્ણય, સમજો તેનો અર્થ
ક્વિક કોમર્સ યુનિકોર્ન Zeptoએ ગયા નાણાકીય વર્ષમાં રુપિયા 4,454 કરોડની આવક નોંધાવી હતી, જે પાછલા નાણાકીય વર્ષમાં રુપિયા 2,025 કરોડ કરતાં બમણાથી વધુ છે.
અપડેટેડ 03:55:30 PM Jan 29, 2025 પર
Zeptoના કો-ફાઉન્ડર અને સીઈઓ અદિત પાલિચાએ પ્રોફેશનલ નેટવર્કિંગ પ્લેટફોર્મ લિંક્ડઇન પરની એક પોસ્ટમાં રિવર્સ ફ્લિપ પ્રક્રિયા કેવી રીતે પૂર્ણ કરી તે શેર કર્યું.
કંપનીના સ્થાપકે શું કહ્યું?
Zeptoના કો-ફાઉન્ડર અને સીઈઓ અદિત પાલિચાએ પ્રોફેશનલ નેટવર્કિંગ પ્લેટફોર્મ લિંક્ડઇન પરની એક પોસ્ટમાં રિવર્સ ફ્લિપ પ્રક્રિયા કેવી રીતે પૂર્ણ કરી તે શેર કર્યું. તેમણે કહ્યું કે અમને સિંગાપોરની અદાલતો અને ભારતમાં NCLT તરફથી અમારા ક્રોસ-બોર્ડર મર્જરને પૂર્ણ કરવા અને ભારતીય પેરેન્ટ કંપની બનવા માટે ઔપચારિક મંજૂરી મળી ગઈ છે. પાલિચાએ તેને ભારતીય સ્ટાર્ટઅપ ઇકોસિસ્ટમ માટે એક ઐતિહાસિક સીમાચિહ્નરૂપ અને ભારતીય મૂડી બજારોની તરલતા અને ઊંડાણમાં લાંબા ગાળાના વિશ્વાસને પ્રતિબિંબિત કરતો ટર્ન ગણાવ્યો. તેમણે Zepto ટીમ અને ડેલોઇટ જેવા પાર્ટનરને લાંબા સમયથી ચાલતા સ્વપ્નને સાકાર કરવા બદલ અભિનંદન આપ્યા.
NCLTએ આપી મંજૂરી
નેશનલ કંપની લો ટ્રિબ્યુનલ (NCLT)એ સિંગાપોર સ્થિત કિરાનાકાર્ટ પ્રાઇવેટ લિમિટેડના કિરાનાકાર્ટ ટેક્નોલોજીસ લિમિટેડ સાથેના મર્જરને મંજૂરી આપી છે. આમ, Zeptoની હોલ્ડિંગ કંપની ભારતમાં રહેવા આવી. Zeptoની પેરેન્ટ કંપનીને ભારતમાં લાવવાનું સ્ટેપ મહત્વપૂર્ણ છે કારણ કે કંપની IPO લોન્ચ કરીને ભારતીય બજારમાંથી ફંડ એકત્ર કરવા માંગે છે.
કંપનીના પરિણામો
નાણાકીય વર્ષ 23-24માં Zeptoની ઓપરેટિંગ આવક 120 ટકા વધી, જે સ્વિગીના ઇન્સ્ટામાર્ટ અને ઝોમેટોના બ્લિંકિટ જેવા સ્પર્ધકોને પાછળ છોડી ગઈ. ગયા નાણાકીય વર્ષમાં Zeptoએ રુપિયા 4,454 કરોડની આવક નોંધાવી હતી, જે પાછલા નાણાકીય વર્ષમાં રુપિયા 2,025 કરોડ કરતાં બમણી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
