Acevector IPO: સ્નેપડીલની પેરેન્ટ કંપનીનો ઇશ્યૂ 5 ગણો ભરાયો, 5 ઓક્ટોબરે લિસ્ટિંગ-જાણો GMP અને એલોટમેન્ટ સ્ટેટસ

Acevector IPO: ઈ-કોમર્સ પ્લેટફોર્મ સ્નેપડીલની પેરેન્ટ કંપની એસવેક્ટરનો 420 કરોડનો IPO રોકાણકારો માટે 29 સપ્ટેમ્બરે બંધ થઈ ગયો છે. આ ઇશ્યૂને રોકાણકારો તરફથી સારો પ્રતિસાદ મળ્યો છે અને તે કુલ 5.07 ગણો ભરાયો છે. હવે શેરબજારના રોકાણકારોની નજર 5 ઓક્ટોબર પર છે, જ્યારે કંપનીના શેર BSE અને NSE પર સત્તાવાર રીતે લિસ્ટ થશે.

કોણે કેટલું રોકાણ કર્યું?

સબસ્ક્રિપ્શનના આંકડા પર નજર કરીએ તો, ક્વાલિફાઇડ ઇન્સ્ટિટ્યૂશનલ બાયર્સ માટે રિઝર્વ રખાયેલો હિસ્સો 3.42 ગણો ભરાયો છે. નોન-ઇન્સ્ટિટ્યૂશનલ ઇન્વેસ્ટર્સનો હિસ્સો સૌથી વધુ 8.53 ગણો અને રિટેલ રોકાણકારોનો હિસ્સો 4.83 ગણો સબસ્ક્રાઇબ થયો છે.

શું કહે છે ગ્રે માર્કેટ પ્રીમિયમ ?

Acevector IPO ની મુખ્ય વિગતો

પ્રાઇસ બેન્ડ: કંપનીએ 30 થી 32 પ્રતિ શેરની પ્રાઇસ બેન્ડ નક્કી કરી હતી.

ઇશ્યૂ સાઇઝ: આ IPO માં 287 કરોડના 8.97 કરોડ નવા શેર બહાર પાડવામાં આવ્યા છે. જ્યારે, 133 કરોડના 4.16 કરોડ શેર પ્રમોટર્સ દ્વારા ઓફર ફોર સેલ હેઠળ વેચવામાં આવ્યા છે.

એન્કર ઇન્વેસ્ટર્સ: IPO સામાન્ય લોકો માટે ખુલતા પહેલા જ કંપનીએ એન્કર રોકાણકારો પાસેથી 189 કરોડ એકઠા કરી લીધા હતા.

રજિસ્ટ્રાર: આ ઇશ્યૂના સત્તાવાર રજિસ્ટ્રાર MUFG Intime India છે.

ભંડોળનો ઉપયોગ ક્યાં થશે?

નવા શેર ઇશ્યૂ કરીને મળેલા નાણાંનો ઉપયોગ કંપની પોતાના માર્કેટપ્લેસ બિઝનેસના માર્કેટિંગ, બિઝનેસ પ્રમોશન અને ટેક્નોલોજી ઇન્ફ્રાસ્ટ્રક્ચરને મજબૂત કરવા માટે કરશે. આ ઉપરાંત, ભવિષ્યમાં નવી કંપનીઓના અધિગ્રહણ અને કોર્પોરેટ હેતુઓ માટે પણ આ ફંડ વપરાશે.

કંપની વિશે ટૂંકી માહિતી

એસવેક્ટરની શરૂઆત કુણાલ બહલ અને રોહિત બંસલ દ્વારા કરવામાં આવી હતી. આ કંપની સ્નેપડીલની સાથે સોફ્ટવેર-એઝ-એ-સર્વિસ પ્લેટફોર્મ 'યુનિકોમર્સ' અને કન્ઝ્યુમર બ્રાન્ડ Stellaro Brands પણ ઓપરેટ કરે છે. અગાઉ યુનિકોમર્સનો 276.57 કરોડનો IPO પણ શેરબજારમાં સફળતાપૂર્વક લિસ્ટ થઈ ચૂક્યો છે.

Acevector IPOનું એલોટમેન્ટ સ્ટેટસ કેવી રીતે ચેક કરવું?

જે રોકાણકારોએ આ IPO માં અરજી કરી છે, તેઓ નીચે આપેલી બે રીતોમાંથી કોઈપણ એકનો ઉપયોગ કરીને પોતાનું સ્ટેટસ ચેક કરી શકે છે.

BSE ની વેબસાઇટ પર

સૌ પ્રથમ https://www.bseindia.com/investors/appli_check.aspx લિંક પર જાઓ.

ઇશ્યૂ ટાઇપમાં 'Equity' સિલેક્ટ કરો.

ડ્રોપડાઉન મેનુમાંથી કંપનીનું નામ 'Acevector IPO' સિલેક્ટ કરો.

તમારો એપ્લિકેશન નંબર અથવા PAN કાર્ડની વિગતો દાખલ કરો.

'Captcha' ભરીને 'Submit' બટન પર ક્લિક કરો.

MUFG Intime ની વેબસાઇટ પર:

રજિસ્ટ્રારની લિંક https://in.mpms.mufg.com/Initial_Offer/public-issues.html પર જાઓ.

કંપનીના નામમાં 'Acevector' સિલેક્ટ કરો.

PAN નંબર, એપ્લિકેશન નંબર, અથવા DP/Client ID માંથી કોઈપણ એક વિકલ્પ પસંદ કરી વિગતો નાખો.

'Submit' પર ક્લિક કરતા જ તમારું એલોટમેન્ટ સ્ટેટસ સ્ક્રીન પર દેખાશે.

આ પણ વાંચો-Banks Best FD Schemes: કઈ બેંકમાં ફિક્સ્ડ ડિપોઝિટ પર મળે છે સૌથી વધુ વ્યાજ? જાણો લેટેસ્ટ રેટ્સ