Carlsberg India IPOને SEBIની મંજૂરી, Tuborgની પેરેન્ટ કંપની લાવશે ₹6,600 કરોડનો IPO

Carlsberg India IPO: સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)એ ડેનમાર્કની જાણીતી બિયર કંપની Carlsbergના ભારતીય બિઝનેસના IPOને મંજૂરી આપી છે. Reutersના અહેવાલ મુજબ, Carlsberg India Limitedએ 1 જુલાઈએ SEBI સમક્ષ ગોપનીય રીતે IPOના દસ્તાવેજો ફાઇલ કર્યા હતા. અગાઉ સામે આવેલા અહેવાલો અનુસાર કંપની IPO દ્વારા $700 કરોડ એટલે કે આશરે ₹6,600 કરોડ સુધી એકત્ર કરવાની યોજના ધરાવે છે.

IPOમાં કંપની તરફથી માત્ર Offer for Sale (OFS) સામેલ હોઈ શકે છે. કંપનીનું લિસ્ટિંગ આ વર્ષના અંત સુધીમાં થઈ શકે છે. જોકે, IPOનું કદ, સ્ટ્રક્ચર અને સમયગાળામાં બજારની સ્થિતિને ધ્યાનમાં રાખીને ફેરફાર થઈ શકે છે.

Carlsberg Indiaએ IPO માટે Confidential Pre-Filing Routeનો ઉપયોગ કર્યો છે. આ પ્રક્રિયા હેઠળ કંપનીને લિસ્ટિંગ અંગે અંતિમ નિર્ણય લે ત્યાં સુધી IPO સંબંધિત કેટલીક સંવેદનશીલ માહિતી જાહેર ન કરવાની સુવિધા મળે છે.

જો જરૂરી હોય તો કંપની બજારની સ્થિતિને ધ્યાનમાં રાખીને ડ્રાફ્ટને બાદમાં પરત પણ ખેંચી શકે છે. Confidential Pre-Filingથી કંપનીઓ પોતાના બિઝનેસની સંવેદનશીલ વિગતો, નાણાકીય આંકડા અને જોખમ સંબંધિત માહિતી ખાસ કરીને સ્પર્ધકો સામે ગોપનીય રાખી શકે છે.

બીજી તરફ, સામાન્ય DRHP (Draft Red Herring Prospectus) ફાઇલ કર્યા બાદ તે જાહેર દસ્તાવેજ બની જાય છે.

IPO માટે આ કંપનીઓ સાથે કામ કરી રહી છે Carlsberg

Carlsberg પ્રસ્તાવિત શેર વેચાણ માટે Kotak Mahindra Capital Company, JPMorgan Chase & Co. અને Citigroupની ભારતીય એકમો સાથે કામ કરી રહી છે.

Carlsbergના મુખ્ય બ્રાન્ડ્સમાં Carlsberg, Tuborg, Kronenbourg 1664, Grimbergen, Somersby અને Holstenનો સમાવેશ થાય છે.

કંપનીના IPOનું કદ, સ્ટ્રક્ચર અને લિસ્ટિંગનો સમય બજારની સ્થિતિ તથા અન્ય પરિબળોને આધારે બદલાઈ શકે છે.

ભારતમાં લગભગ 22% માર્કેટ શેર

Carlsberg India ભારતની બીજી સૌથી મોટી બિયર કંપનીઓમાં સામેલ છે અને તેનો માર્કેટ શેર લગભગ 22% હોવાનું જણાવવામાં આવે છે. કંપનીની વેબસાઇટ મુજબ, ભારતમાં Carlsbergનું બિઝનેસ 2007માં શરૂ થયું હતું.

કંપની હાલમાં દેશમાં કુલ 14 બ્રુઅરીઝ ચલાવે છે. તેમાંથી 8 બ્રુઅરીઝ કંપનીની માલિકીની છે, જ્યારે અન્ય 6 કોન્ટ્રાક્ટ મેન્યુફેક્ચરિંગ યુનિટ્સ છે.

Carlsberg Groupની શરૂઆત વર્ષ 1847માં ડેનમાર્કમાં થઈ હતી.

United Breweries સૌથી નજીકની લિસ્ટેડ કોમ્પિટિટર

ભારતમાં Carlsbergની સૌથી નજીકની લિસ્ટેડ કોમ્પિટિટર United Breweries Limited છે. બીજી તરફ, Absolut Vodka અને Chivas Regal Scotch Whisky જેવી બ્રાન્ડ્સ ધરાવતી Pernod Ricard SA પણ પોતાના ભારતીય બિઝનેસના સંભવિત લિસ્ટિંગ અંગે વિચારણા કરી રહી હોવાનું અહેવાલોમાં જણાવાયું છે.

અન્ય ત્રણ કંપનીઓના IPOને પણ SEBIની મંજૂરી

SEBIએ Carlsberg India ઉપરાંત TMC Transformers (India) Limited, Ujin Pharma Limited અને Matangi Rubber Limitedના IPOને પણ મંજૂરી આપી છે.

TMC Transformers (India)નો પ્રસ્તાવિત ₹550 કરોડનો IPO સંપૂર્ણપણે નવા શેરના ઈશ્યૂનો હશે.

Ujin Pharmaના IPOમાં 1.18 કરોડ નવા શેર જારી કરવામાં આવશે. આ ઉપરાંત પ્રમોટર્સ તરફથી 72.82 લાખ શેર Offer for Sale (OFS) હેઠળ વેચાણ માટે મૂકવામાં આવશે.

Bank Stock: લીડરશિપ અંગેની મૂંઝવણ દૂર, દિગ્ગજ બેન્કના શેરમાં તેજીની આશા