GV Electricals IPO Listing: 130ના શેરે કરાવ્યો 21%નો જબરદસ્ત નફો, રોકાણકારો થયા માલામાલ

GV Electricals IPO Listing: પાવર ડિસ્ટ્રિબ્યુશન સેક્ટરમાં કામ કરતી કંપની જીવી ઇલેક્ટ્રિકલ્સના શેરોએ શેરબજારમાં ધાંસૂ એન્ટ્રી કરી છે. આજે BSE SME પ્લેટફોર્મ પર આ શેરનું લિસ્ટિંગ થયું છે, જેણે શરૂઆતમાં જ રોકાણકારોના ચહેરા પર સ્મિત લાવી દીધું છે. સળંગ 6 દિવસ સુધી ખુલ્લા રહેલા આ IPO ને રોકાણકારો તરફથી છપ્પરફાડ રિસ્પોન્સ મળ્યો હતો. જો તમે પણ આ કંપનીના શેર નવી ખરીદી કરવાનું વિચારી રહ્યા છો, તો રોકાણ કરતા પહેલા કંપનીની આર્થિક સ્થિતિ અને ભવિષ્યના પ્લાન વિશે જાણવું જરૂરી છે.

રોકાણકારોને થયો 21%થી વધુ નફો

જીવી ઇલેક્ટ્રિકલ્સનો IPO 130ની કિંમતે બહાર પાડવામાં આવ્યો હતો. આજે BSE SME પ્લેટફોર્મ પર તેનું શાનદાર લિસ્ટિંગ 158.00 ના ભાવે થયું છે. એટલે કે, જેમને આ શેર લાગ્યા છે તેમને પહેલા જ દિવસે 21.54% નો સીધો નફો મળ્યો છે. લિસ્ટિંગ બાદ પણ શેરમાં તેજી જોવા મળી અને તે ઉછળીને 161.90 ની સપાટી પર પહોંચી ગયો હતો. આ સ્તરે રોકાણકારોનો નફો વધીને 24.54% થઈ ગયો છે.

કેવો રહ્યો હતો રોકાણકારોનો રિસ્પોન્સ?

IPOના પૈસાનો કંપની ક્યાં ઉપયોગ કરશે?

કંપનીએ આ IPO દ્વારા કુલ 42 કરોડ એકઠા કર્યા છે. આમાંથી 39 કરોડના નવા શેર બહાર પાડવામાં આવ્યા છે. આ ઉપરાંત, 10 ની ફેસ વેલ્યુ ધરાવતા 2.50 લાખ શેર ઓફર ફોર સેલ વિન્ડો હેઠળ વેચવામાં આવ્યા છે, જેના પૈસા શેર વેચનાર પ્રમોટર્સને મળશે.

નવા શેર દ્વારા મળેલા ફંડનો ઉપયોગ કંપની આ રીતે કરશે:

* 6.00 કરોડ: કંપનીનું દેવું હળવું કરવા માટે

* 22.00 કરોડ: વર્કિંગ કેપિટલની (રોજબરોજના કામકાજની) જરૂરિયાતો પૂરી કરવા માટે

* બાકીની રકમ અન્ય સામાન્ય કોર્પોરેટ હેતુઓ માટે વપરાશે.

શું કામ કરે છે GV Electricals?

આ કંપની મુખ્યત્વે પાવર ડિસ્ટ્રિબ્યુશન ઇન્ફ્રાસ્ટ્રક્ચર સર્વિસ પૂરી પાડે છે. તે દેશની વીજળી વિતરણ કંપનીઓને ઓપરેશન એન્ડ મેન્ટેનન્સ અને સપોર્ટ સેવાઓ આપે છે. કંપની 33 kV, 11 kV અને LT નેટવર્ક જેવા અલગ-અલગ વોલ્ટેજ લેવલ પર લાઇન મેન્ટેનન્સ, નેટવર્ક ચેકિંગ, ફોલ્ટ રિપેરિંગ અને મીટર મેનેજમેન્ટનું કામ સંભાળવા ટેક્નિકલ સ્ટાફ પૂરો પાડે છે.

કંપનીની આર્થિક સ્થિતિ કેટલી મજબૂત?

તાજેતરના ડેટા અને રિપોર્ટ મુજબ, કંપની પાસે હાલમાં 553.70 કરોડના 34 ચાલુ પ્રોજેક્ટ્સનો મજબૂત ઓર્ડર બુક છે. કંપનીનો નફો વાર્ષિક 93% ના શાનદાર ગ્રોથ (CAGR) સાથે સતત વધીને 10.47 કરોડ પર પહોંચ્યો છે, જ્યારે તેની કુલ આવક 18% ના ગ્રોથ સાથે 156.66 કરોડ થઈ છે.

હાલમાં કંપનીના માથે 16.47 કરોડનું કુલ દેવું છે, પરંતુ તેની સામે રાહતની વાત એ છે કે કંપનીના રિઝર્વ અને સરપ્લસ ખાતામાં 25.39 કરોડ જમા પડ્યા છે. આ આંકડા દર્શાવે છે કે કંપનીની નાણાકીય સ્થિતિ એકદમ સેફ અને મજબૂત છે. વિશ્લેષકો માને છે કે દેવામુક્ત થવાની દિશામાં કંપનીના પગલાં ભવિષ્યમાં શેરની કિંમતને વધુ સપોર્ટ આપી શકે છે.

આ પણ વાંચો- Stock Market Today: સેન્સેક્સ 227 પોઈન્ટ તૂટ્યો, નિફ્ટી 24450ની નીચે; CEOના રાજીનામાથી Godrej Consumerનો શેર 10% ગગડ્યો

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.