નવરાત્રીમાં ખેલૈયાઓ માટે ખુશખબર: અમદાવાદમાં મેટ્રો રાત્રે 2 વાગ્યા સુધી અને BRTS 12:30 સુધી દોડશે, જાણો નવા નિયમો

Ahmedabad Metro timings Navratri: નવરાત્રીના પાવન પર્વમાં મોડી રાત સુધી ગરબે ઘૂમતા ખેલૈયાઓ માટે એક ખૂબ જ રાહત આપનારા સમાચાર સામે આવ્યા છે. અમદાવાદ શહેરમાં ગરબા રમતા નાગરિકોની સુવિધા માટે તંત્ર દ્વારા વાહનવ્યવહારના સમયમાં મોટો અને મહત્ત્વનો ફેરફાર કરવામાં આવ્યો છે. હવે ખેલૈયાઓ મોડી રાત્રે ગરબા રમીને સુરક્ષિત રીતે અને સરળતાથી ઘરે પહોંચી શકશે, કારણ કે મેટ્રો અને BRTS સેવાના સમયમાં વધારો કરી દેવાયો છે.

મેટ્રો ટ્રેન હવે રાત્રે 2 વાગ્યા સુધી દોડશે

સામાન્ય દિવસોમાં અમદાવાદમાં મેટ્રો ટ્રેન રાત્રે 11 વાગ્યા સુધી જ ચાલતી હોય છે. પરંતુ હાલમાં ચાલી રહેલા નવરાત્રીના તહેવારને ધ્યાનમાં રાખીને આગામી 19 ઓક્ટોબર સુધી એક વિશેષ સમયપત્રક લાગુ કરવામાં આવ્યું છે. શહેરના ચાર મુખ્ય મેટ્રો સ્ટેશન - વસ્ત્રાલ, થલતેજ, કોટેશ્વર અને APMC થી રાત્રે 2 વાગ્યા સુધી મેટ્રો ટ્રેનની સુવિધા મળશે. આ ઉપરાંત, APMC થી ગાંધીનગર સેક્ટર-1 વાળા રૂટ પર રાત્રે 1:45 વાગ્યા સુધી મેટ્રો ટ્રેન ચાલુ રાખવામાં આવશે.

ચૂકવવી પડશે 50 રૂપિયાની સ્પેશિયલ ટિકિટ

GMDC ગ્રાઉન્ડથી BRTS ની વિશેષ સુવિધા

અમદાવાદના સૌથી પ્રખ્યાત ગરબા સ્થળ એવા GMDC ગ્રાઉન્ડ પર આવતા લોકો માટે પણ ખાસ વ્યવસ્થા કરવામાં આવી છે. અહીંથી મુસાફરો આસાનીથી ઘરે જઈ શકે તે માટે યુનિવર્સિટી BRTS સ્ટેશનથી રાત્રે 12:30 વાગ્યા સુધી બસ સેવા ચાલુ રાખવાનો નિર્ણય લેવાયો છે. આ સ્થળેથી ઝુંડાલ, મણિનગર અને ઓઢવ તળાવ સુધીના 3 મુખ્ય રૂટ પર વધારાની 10 BRTS બસો દોડાવવામાં આવશે.

AMTSનું તંત્ર હજુ પણ રાબેતા મુજબ

તહેવારોની આ સીઝનમાં એક તરફ મેટ્રો અને જનમાર્ગ દ્વારા લોકોની સુવિધા માટે આટલું સરસ આયોજન કરાયું છે, ત્યારે બીજી તરફ AMTS ના ખાડે ગયેલા તંત્ર દ્વારા શહેરીજનો માટે કોઈ જ નવી કે વિશેષ વ્યવસ્થા ગોઠવવામાં આવી નથી. AMTSનું તંત્ર રાબેતા મુજબ જોવા મળી રહ્યું છે.

અમદાવાદના નાગરિકો અને ખેલૈયાઓ માટે મેટ્રો અને BRTSનો આ નિર્ણય ખૂબ જ ફાયદાકારક સાબિત થશે. રાત્રિના સમયે ટ્રાફિકથી બચવા અને સુરક્ષિત રીતે ઘરે પહોંચવા માટે આ પબ્લિક ટ્રાન્સપોર્ટનો ઉપયોગ કરવો એક ઉત્તમ અને સમજદારીભર્યો વિકલ્પ છે.

આ પણ વાંચો- દિવાળી પહેલા રેલવે કર્મચારીઓ માટે મોટી જાહેરાત, 11.5 લાખ કર્મીઓને મળશે 78 દિવસનું બોનસ