BRICS Summit 2026: 3 દિવસ, 15 મુલાકાતો અને મોટા નિર્ણયો... જાણો PM મોદીના ‘પાવર પેક્ડ' શિડ્યુલની ઇનસાઇડ સ્ટોરી

BRICS Summit 2026: દેશની રાજધાની દિલ્હીના ભારત મંડપમ ખાતે યોજાયેલી હાઈ-પ્રોફાઈલ બ્રિક્સ સમિટ રવિવારે ‘નવી દિલ્હી ઘોષણાપત્ર 2026' સાથે સંપન્ન થઈ છે. આ સમિટ ભારત માટે એક ખૂબ જ મોટી કૂટનીતિક જીત સાબિત થઈ છે. આ ત્રણ દિવસીય કાર્યક્રમ દરમિયાન વડાપ્રધાન નરેન્દ્ર મોદીનું શિડ્યુલ એકદમ 'પાવર પેક્ડ' એટલે કે ખૂબ જ વ્યસ્ત રહ્યું હતું.

પીએમ મોદીએ આ દરમિયાન લગભગ 15 દેશોના દિગ્ગજ નેતાઓ સાથે દ્વિપક્ષીય બેઠકો કરી હતી. જેમાં રશિયાના રાષ્ટ્રપતિ વ્લાદિમીર પુતિન, ચીનના રાષ્ટ્રપતિ શી જિનપિંગ અને ઈરાનના મસૂદ પેજેશકિયન જેવા મોટા નામો સામેલ હતા. આ મુલાકાતો દ્વારા ભારતે પોતાના જૂના મિત્રો અને પશ્ચિમી દેશો વચ્ચે એક શાનદાર બેલેન્સ જાળવી રાખ્યું છે. પીએમ મોદીએ 18 માં બ્રિક્સ શિખર સંમેલન અને બિઝનેસ ફોરમનું પણ આયોજન કર્યું હતું. જ્યાં તેમણે ખાસ કરીને 'ગ્લોબલ સાઉથ' (વિકાસશીલ દેશો) વચ્ચે સંબંધો મજબૂત કરવા પર ભાર મૂક્યો હતો.

પહેલો દિવસ: પુતિન અને ઈરાનના રાષ્ટ્રપતિ સાથે અગત્યની બેઠક

રશિયા સાથે મજબૂત દોસ્તી: 11 સપ્ટેમ્બરના રોજ પીએમ મોદીએ વ્લાદિમીર પુતિન સાથે દ્વિપક્ષીય વાતચીત કરી. યુક્રેન યુદ્ધના કારણે જ્યારે પશ્ચિમી દેશો રશિયાથી નારાજ છે, ત્યારે આ મુલાકાત ખૂબ જ સૂચક હતી. બંને નેતાઓએ વર્ષ 2030 સુધીમાં બંને દેશો વચ્ચેનો વેપાર 100 અબજ ડોલર સુધી લઈ જવાની રણનીતિ પર ચર્ચા કરી. આ ઉપરાંત સંરક્ષણ, ઊર્જા અને ખાતરની સુરક્ષા પર પણ ભાર મૂકવામાં આવ્યો.

UN મહાસચિવ સાથે મુલાકાત: પીએમ મોદીએ સંયુક્ત રાષ્ટ્રના મહાસચિવ એન્ટોનિયો ગુટેરેસ સાથે પણ મુલાકાત કરી, જેમણે ભારતને બ્રિક્સની અધ્યક્ષતા માટે અભિનંદન પાઠવ્યા. બંનેએ UN સુરક્ષા પરિષદમાં સુધારાની જરૂરિયાત પર જોર આપ્યું.

બીજો દિવસ: દુનિયાની નજર મોદી-જિનપિંગની મુલાકાત પર

બીજા દિવસે પીએમ મોદીએ ચીનના રાષ્ટ્રપતિ શી જિનપિંગનું ઉષ્માભેર સ્વાગત કર્યું, જેઓ 7 વર્ષ પછી ભારતની મુલાકાતે આવ્યા હતા. ભારત અને ચીન વચ્ચેના સંબંધો સુધરવાના સંકેતો વચ્ચે આ મુલાકાત ઘણી મહત્વની બની રહી.

બ્રિક્સ ઉદ્ઘાટન સત્ર: પીએમ મોદીએ સમિટની ઔપચારિક શરૂઆત કરાવતા કહ્યું કે, "BRICS કોઈ દેશ કે સમૂહની વિરુદ્ધ નથી." તેમણે 'ગ્લોબલ સાઉથ' ના દેશોના હિતો અને દરિયાઈ સુરક્ષા વિશે ખાસ વાત કરી.

ચીન સાથે દ્વિપક્ષીય વાટાઘાટો: પીએમ મોદી અને શી જિનપિંગ વચ્ચે એક મહત્વની બેઠક થઈ, જેમાં સરહદ સુરક્ષા અને વેપારના મુદ્દાઓ પર સાર્થક ચર્ચા કરવાની તૈયારી દર્શાવવામાં આવી. જિનપિંગે પણ સ્વીકાર્યું કે બંને દેશોએ પોતાના મતભેદોને વિવાદ બનવા દેવા જોઈએ નહીં.

અન્ય દેશો સાથે બેઠક: આ ઉપરાંત પીએમ મોદીએ ઇથોપિયા, મલેશિયા, UAE અને વિયેતનામના ટોચના નેતાઓ સાથે પણ ડિફેન્સ અને એનર્જી સેક્ટરમાં સહયોગ વધારવા મુલાકાત કરી.

ત્રીજો દિવસ: બ્રિક્સ સમિટનું ઐતિહાસિક સમાપન

ઈરાન અને UAE વચ્ચે ચાલી રહેલા તણાવ છતાં પીએમ મોદીની કુનેહથી 'નવી દિલ્હી ઘોષણાપત્ર 2026' પર તમામ દેશોની સહમતિ બની ગઈ, જે ભારતના પક્ષમાં એક બહુ મોટી વાત છે.

સમિટના અંતે બ્રિક્સ દેશોની 'ફેમિલી ફોટો' લેવામાં આવી, જેમાં પીએમ મોદીની સાથે પુતિન અને જિનપિંગ જોવા મળ્યા હતા. મોદીએ તેને બ્રિક્સ પરિવારની વધતી તાકાત ગણાવી. કાર્યક્રમના અંતે જ્યારે વિદેશી મહેમાનો ભારતથી રવાના થઈ રહ્યા હતા, ત્યારે પણ પીએમ મોદી કામમાં જ વ્યસ્ત હતા અને તેમણે ઇન્ડોનેશિયા, દક્ષિણ આફ્રિકા અને ઇજિપ્તના નેતાઓ સાથે બેઠકો પૂરી કરી.

અંતમાં કહી શકાય કે, ભારત મંડપમમાં યોજાયેલી આ બ્રિક્સ સમિટ 2026 એ વૈશ્વિક મંચ પર ભારતની મજબૂત છબી અને પીએમ મોદીની નેતૃત્વ ક્ષમતાને વધુ એકવાર સાબિત કરી દીધી છે.

આ  પણ વાંચો- Manipal Payment IPO: 15 સપ્ટેમ્બરે ફાઈનલ થશે એલોટમેન્ટ, ઘરે બેઠા તમારા મોબાઈલથી આ રીતે ચેક કરો સ્ટેટસ