BSNL 5G launch: BSNL ટૂંક સમયમાં લોન્ચ કરશે 5G, કેન્દ્રીય મંત્રી જ્યોતિરાદિત્ય સિંધિયાએ આપી માહિતી

BSNL 5G launch: ભારતની સરકારી ટેલિકોમ કંપની ભારતીય સંચાર નિગમ લિમિટેડ (BSNL) હવે 5G નેટવર્ક લોન્ચ કરવાની તૈયારીમાં છે. 27 સપ્ટેમ્બર, 2025ના રોજ BSNLએ દેશભરમાં 92,564 4G ટાવર્સનું ઉદ્ઘાટન કર્યું હતું, અને હવે તે 5G નેટવર્કની શરૂઆત માટે આગળ વધી રહી છે. આ વિશે કેન્દ્રીય દૂરસંચાર મંત્રી જ્યોતિરાદિત્ય સિંધિયાએ મહત્વની જાહેરાત કરી છે. તેમણે જણાવ્યું કે BSNL આગામી 6 થી 8 મહિનામાં તેના તમામ 4G ટાવર્સને 5Gમાં અપગ્રેડ કરશે, જેનાથી ભારતમાં એન્ડ-ટુ-એન્ડ 5G નેટવર્કની સુવિધા ઉપલબ્ધ થશે.

ભારતની દેશી 4G ટેકનોલોજીઃ ગ્લોબલ સ્ટેજ પર નવું નામ

જ્યોતિરાદિત્ય સિંધિયાએ ઉલ્લેખ કર્યો કે ભારતે પોતાની દેશી 4G ટેકનોલોજી વિકસાવીને એક મહત્વનું સ્થાન હાંસલ કર્યું છે. અગાઉ 4G ટેકનોલોજી પર સ્વીડન, ફિનલેન્ડ, દક્ષિણ કોરિયા અને ચીન જેવા દેશોની કંપનીઓનો એકચક્રી પ્રભુત્વ હતું. પરંતુ હવે ભારતે પોતાના 4G સ્ટાન્ડર્ડ સાથે આ વૈશ્વિક ક્લબમાં પ્રવેશ કર્યો છે. આ દેશી ટેકનોલોજી ભારતની ટેલિકોમ ક્ષમતાને નવી ઊંચાઈઓ પર લઈ જશે.

BSNL 4Gનું પર્ફોર્મન્સઃ સ્પીડ અને સ્ટેબિલિટીમાં શ્રેષ્ઠ

BSNL 5Gનું લોન્ચઃ ક્યારે અને ક્યાં?

એક્સપર્ટ્સના મતે, BSNLએ 4G નેટવર્ક માટે સરકારે નિર્ધારિત કરેલી સપ્ટેમ્બર 2025ની ડેડલાઇનને પૂર્ણ કરી લીધી છે. આનાથી એવી શક્યતાઓ વધી છે કે 2025ના અંત સુધીમાં દિલ્હી અને મુંબઈ જેવા મોટા શહેરોમાં BSNL 5G નેટવર્ક શરૂ થઈ શકે છે. જ્યોતિરાદિત્ય સિંધિયાના તાજેતરના નિવેદન પહેલાં પણ એવું કહેવામાં આવ્યું હતું કે આ વર્ષના અંત સુધીમાં BSNL 5Gનું લોન્ચ થઈ શકે છે. આગામી થોડા મહિનાઓમાં દેશના અન્ય ભાગોમાં પણ 5G નેટવર્કનું વિસ્તરણ થવાની સંભાવના છે.

ભારતની ટેલિકોમ ક્ષેત્રે નવો ઈતિહાસ

BSNLનું 5G નેટવર્ક લોન્ચ ભારતના ટેલિકોમ ક્ષેત્રમાં એક નવો ઈતિહાસ રચશે. દેશી ટેકનોલોજીનો ઉપયોગ અને સરકારી ટેલિકોમ કંપનીની આગેકૂચ ભારતને વૈશ્વિક ટેલિકોમ માર્કેટમાં મજબૂત સ્થાન આપશે. ગ્રાહકો માટે પણ આ એક સારા સમાચાર છે, કારણ કે BSNLનું 5G નેટવર્ક સસ્તું અને ભરોસાપાત્ર ઈન્ટરનેટ સર્વિસ પૂરી પાડશે.

આ પણ વાંચો- Dhillon Freight Carrier IPO: લિસ્ટિંગમાં 20% નુકસાન, રોકાણકારોને પહેલા દિવસે મોટો ઝટકો