Donald Trump Pakistan Oil Reserves: ટ્રમ્પની પાકિસ્તાન સાથે મોટી ડીલ ‘વિશાળ તેલ ભંડાર'ના વિકાસની યોજના

Donald Trump Pakistan Oil Reserves: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે બુધવારે પાકિસ્તાન સાથે એક મહત્વપૂર્ણ વેપાર સમજૂતીની જાહેરાત કરી છે. આ સમજૂતી હેઠળ બંને દેશો મળીને પાકિસ્તાનમાં હાજર "વિશાળ તેલ ભંડારો"નો સંયુક્ત રીતે વિકાસ કરશે. ટ્રમ્પે આ માહિતી તેમના સોશિયલ મીડિયા પ્લેટફોર્મ Truth Social પર શેર કરી. તેમણે લખ્યું, "અમે હમણાં જ પાકિસ્તાન સાથે એક ટ્રેડ ડીલ સાઇન કરી છે, જેમાં અમે સાથે મળીને પાકિસ્તાનના વિશાળ તેલ ભંડારોનો વિકાસ કરીશું."

pic.twitter.com/hGckifMCWB

— Rapid Response 47 (@RapidResponse47) July 30, 2025

ટ્રમ્પે જણાવ્યું કે આ પ્રોજેક્ટ માટે એક યોગ્ય અમેરિકન ઓઇલ કંપનીની પસંદગીની પ્રક્રિયા ચાલી રહી છે, જે આ પાર્ટનરશિપનું નેતૃત્વ કરશે. મજાકિયા અંદાજમાં તેમણે ઉમેર્યું, "કોણ જાણે, શાયદ એક દિવસ પાકિસ્તાન ભારતને પણ તેલ વેચે!" જોકે, ટ્રમ્પે જે તેલ ભંડારોનો ઉલ્લેખ કર્યો છે, તેની ચોક્કસ વિગતો હજુ સુધી જાહેર નથી કરવામાં આવી.

પાકિસ્તાન તરફથી હજુ કોઈ ઓફિશિયલ રિસ્પોન્સ નહીં

પાકિસ્તાન સરકાર તરફથી આ સમજૂતી અંગે હજુ સુધી કોઈ સત્તાવાર પ્રતિક્રિયા આવી નથી. હાલમાં પાકિસ્તાન પોતાની મોટાભાગની તેલની જરૂરિયાત મિડલ ઈસ્ટથી પૂરી કરે છે. કેટલાક રિપોર્ટ્સમાં દાવો કરવામાં આવ્યો છે કે પાકિસ્તાનના દરિયાઈ વિસ્તારોમાં મોટા તેલ ભંડારો હોઈ શકે છે, જેનું હજુ સુધી ખનન થયું નથી. ટેકનિકલ ક્ષમતા અને નાણાકીય સંસાધનોના અભાવે આ વિસ્તારોનો વિકાસ શક્ય બન્યો નથી. પાકિસ્તાન છેલ્લાં કેટલાંક વર્ષોથી આ વિસ્તારોમાં ઇન્વેસ્ટમેન્ટ આકર્ષવાના પ્રયાસો કરી રહ્યું છે.

ભારત વિશે શું બોલ્યા ટ્રમ્પ?

ટ્રમ્પે એક અલગ સોશિયલ મીડિયા પોસ્ટમાં ભારતની ટ્રેડ પોલિસીને "સૌથી કડક અને અપમાનજનક" ગણાવી. તેમણે લખ્યું, "કશું જ બરાબર ચાલી રહ્યું નથી! તેથી ભારતે હવે 1 ઓગસ્ટથી 25 ટકા ટેરિફ ચૂકવવો પડશે, સાથે જ ઉપર જણાવેલા કારણોસર એક વધારાનો દંડ પણ લાગશે." ટ્રમ્પે આખો દિવસ ભારત દ્વારા લગાવવામાં આવતા ટેરિફનો મુદ્દો ઉઠાવીને ટીકા કરી. તેમણે ભારતના સભ્યપદ ધરાવતા BRICS ગ્રૂપ (બ્રાઝિલ, રશિયા, ભારત, ચીન અને સાઉથ આફ્રિકા)ને "અમેરિકા વિરોધી ગઠબંધન" ગણાવ્યું.

આ પણ વાંચો- ટ્રમ્પના 25% ટેરિફની જાહેરાત પર ભારતની તીખી પ્રતિક્રિયા, 'રાષ્ટ્રીય હિતોની રક્ષા માટે દરેક પગલું ઉઠાવીશું'