BSNL યુઝર્સ માટે ખુશખબર: હવે સિગ્નલ વિના પણ થશે વાત! 1 જાન્યુઆરીથી શરૂ થઈ દમદાર VoWiFi સર્વિસ, જાણો એક્ટિવ કરવાની રીત

BSNL VoWiFi Launch: ભારતની સરકારી ટેલિકોમ કંપની BSNL (ભારત સંચાર નિગમ લિમિટેડ) હંમેશા પોતાના ગ્રાહકો માટે કંઈક નવું લાવવાનો પ્રયાસ કરતી હોય છે. આ વખતે નવા વર્ષના પ્રારંભે કંપનીએ કરોડો યુઝર્સને એક મોટી ભેટ આપી છે. BSNLએ 1 જાન્યુઆરી, 2026થી સમગ્ર દેશમાં સત્તાવાર રીતે ‘Voice over WiFi’ (VoWiFi) સર્વિસ શરૂ કરી દીધી છે. આ સમાચાર BSNL યુઝર્સ માટે કોઈ ગેમ-ચેન્જરથી ઓછા નથી.

આ સર્વિસનો સૌથી મોટો ફાયદો એ છે કે હવે ગ્રાહકો મોબાઈલ નેટવર્ક ન હોય તો પણ કોઈ પણ જાતના અવરોધ વગર કોલ કરી શકશે અને મેસેજ મોકલી શકશે.

નેટવર્ક પ્રોબ્લેમનું કાયમી સોલ્યુશન

આપણે સૌ જાણીએ છીએ કે ઘણીવાર ઘરની અંદર, મોટી ઈમારતોના બેઝમેન્ટમાં, લિફ્ટમાં કે પછી ઓફિસના અમુક ખૂણાઓમાં મોબાઈલનું ટાવર પકડાતું નથી. આવા સમયે કોલ ડ્રોપ થવો કે અવાજ કપાવો સામાન્ય સમસ્યા છે. પરંતુ BSNLની VoWiFi સેવા આ સમસ્યાનો કાયમી ઉકેલ લઈને આવી છે.

આ ટેકનોલોજી તમારા ઘર કે ઓફિસના બ્રોડબેન્ડ અથવા WiFi કનેક્શનનો ઉપયોગ કરીને કામ કરે છે. જેના કારણે ભલે મોબાઈલ ટાવર ન હોય, પણ તમને એકદમ ક્લિયર અને HD ક્વોલિટીમાં અવાજ સંભળાશે.

કોલ કપાશે નહીં

આ સર્વિસની ખાસિયત એ છે કે તે મોબાઈલ નેટવર્ક અને વાઈ-ફાઈ વચ્ચે ‘સીમલેસ હેન્ડઓવર’ (Seamless Handover) સપોર્ટ કરે છે. એટલે કે, જો તમે વાત કરતા કરતા વાઈ-ફાઈ રેન્જની બહાર નીકળી જાઓ અને મોબાઈલ નેટવર્ક શરુ થાય, તો પણ તમારો કોલ કપાશે નહીં, તે આપોઆપ સ્વીચ થઈ જશે.

.@BSNL Launched Voice over WiFi (VoWiFi) Services Nationwide Across All Circles.

The service is now available to BSNL customers across all telecom circles in the country. VoWiFi enables customers to make and receive voice calls and messages over a Wi-Fi network, ensuring clear… pic.twitter.com/kN2gIqv64B

— PIB in Maharashtra