Gujarat Sports: ગુજરાત સરકારે વૈશ્વિક સ્તરે રમતગમતના મહાકુંભનું આયોજન કરવાની દિશામાં મોટું પગલું ભર્યું છે. રાજ્ય સરકાર 2030 અથવા 2034ની કોમનવેલ્થ ગેમ્સનું આયોજન કરવા માટે ગંભીરતાથી પ્રયાસો શરૂ કર્યા છે. આ માટે ગુજરાતના ગૃહ રાજ્યમંત્રી હર્ષ સંઘવીએ તાજેતરમાં દિલ્હીમાં બ્રિટિશ અધિકારીઓ સાથે મહત્વની બેઠકો યોજી હતી. આગામી દિવસોમાં તેઓ ગુજરાતના ત્રણ IAS અધિકારીઓ - અશ્વિની કુમાર, બંછાનિધિ પાની અને એમ. થેન્નારસન સાથે લંડનની મુલાકાત લેવાના છે, જ્યાં કોમનવેલ્થ ગેમ્સના આયોજનની શક્યતાઓ પર ચર્ચા થશે.
Commonwealth Games: ગુજરાત 2030 કે 2034 કોમનવેલ્થ ગેમ્સનું આયોજન કરવા માટે તૈયાર, અમદાવાદ બનશે સેન્ટર પોઇન્ટ
Commonwealth Games 2030: લંડનની મુલાકાત બાદ ગુજરાત સરકાર CGF સાથે વધુ વિગતવાર ચર્ચા કરશે. આ ગેમ્સનું આયોજન ગુજરાતની ગ્લોબલ બ્રાન્ડિંગ અને ટુરિઝમને બૂસ્ટ આપશે, સાથે જ રાજ્યના યુવાનોને રમતગમતની નવી તકો પૂરી પાડશે.
અપડેટેડ 12:48:24 PM May 30, 2025 પર
ગુજરાતનું અમદાવાદ શહેર આ ગેમ્સનું કેન્દ્ર બનવા માટે તૈયાર છે.
અમદાવાદની તૈયારી અને ગ્લોબલ ફોકસ
ગુજરાતનું અમદાવાદ શહેર આ ગેમ્સનું કેન્દ્ર બનવા માટે તૈયાર છે. કોમનવેલ્થ ગેમ્સ એસોસિએશન ઓફ ઇન્ડિયાના પ્રેસિડન્ટ પીટી ઉષાએ આ વર્ષે શરૂઆતમાં 2030ની સેન્ટેનરી કોમનવેલ્થ ગેમ્સ માટે અમદાવાદની ઉમેદવારી નોંધાવી હતી. તેમણે જણાવ્યું કે, “અમદાવાદે 2023ના ICC મેન્સ ક્રિકેટ વર્લ્ડ કપ ફાઇનલ અને તાજેતરના કોલ્ડપ્લે કોન્સર્ટ જેવા મોટા ઇવેન્ટ્સનું સફળ આયોજન કર્યું છે, જે શહેરની ક્ષમતાને દર્શાવે છે.” કોમનવેલ્થ ગેમ્સ ફેડરેશન (CGF)એ ભારતની ઉમેદવારીની નોંધ લીધી છે, અને CGF પ્રેસિડન્ટ ક્રિસ જેનકિન્સની જાન્યુઆરી 2025માં ગુજરાતની મુલાકાતે આ બિડને વધુ મજબૂતી મળી છે.
કોમનવેલ્થ ગેમ્સનું શેડ્યૂલ અને નવી પ્રોસેસ
2026ની કોમનવેલ્થ ગેમ્સ ગ્લાસગો, સ્કોટલેન્ડમાં 23 જુલાઈથી 2 ઓગસ્ટ દરમિયાન યોજાશે. આ ગેમ્સમાં 10 રમતો અને ચાર વેન્યુનો સમાવેશ થશે. 2030 અને 2034ની ગેમ્સ માટે સાત દેશોએ રસ દાખવ્યો છે, જેમાં ભારત, કેનેડા અને નાઇજીરિયા 2030 માટે, જ્યારે ન્યૂઝીલેન્ડ સહિત બે દેશો 2034 માટે ઉમેદવારી નોંધાવી રહ્યા છે. CGFએ નવી પ્રક્રિયા અપનાવી છે, જેમાં ઓછા ખર્ચે, હાલના વેન્યુનો ઉપયોગ અને સસ્ટેનેબલ આયોજન પર ફોકસ છે. આ પ્રક્રિયા હેઠળ, CGF 74 દેશોના એસોસિએશન્સ સાથે મળીને હોસ્ટ સિટી પસંદ કરશે, અને નવેમ્બર 2025માં ગ્લાસગોમાં યોજાનાર બેઠકમાં અંતિમ નિર્ણય લેવાશે.
અમદાવાદની મજબૂત દાવેદારી
સિંગાપોર અને મલેશિયા જેવા દેશોએ નાણાકીય કારણોસર ઉમેદવારી પાછી ખેંચી લીધી છે, જેનાથી અમદાવાદની દાવેદારી વધુ મજબૂત બની છે. ગુજરાત સરકારનું 2036ની ઓલિમ્પિક્સ માટે પણ તૈયારીનું પ્લાનિંગ ચાલુ છે, જે રાજ્યની રમતગમતની ઇવેન્ટ્સમાં વૈશ્વિક સ્તરે આગળ વધવાની ઇચ્છા દર્શાવે છે.
શું કહે છે નિષ્ણાતો?
રમતગમતના નિષ્ણાતોનું માનવું છે કે અમદાવાદના નરેન્દ્ર મોદી સ્ટેડિયમ અને સાબરમતી રિવરફ્રન્ટ જેવી ઇન્ફ્રાસ્ટ્રક્ચર આયોજનને સરળ બનાવશે. “ગુજરાતની ઓર્ગેનાઇઝેશનલ કેપેસિટી અને રાજ્ય સરકારનું સપોર્ટ અમદાવાદને મજબૂત દાવેદાર બનાવે છે,” એમ એક સ્પોર્ટ્સ એનાલિસ્ટે જણાવ્યું.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
