ભારત સરકારની કડક કાર્યવાહી: 25 વિદેશી ક્રિપ્ટો કંપનીઓને ધનશોધન કેસમાં નોટિસ, એપ અને વેબસાઈટ પર પ્રતિબંધ

Cryptocurrency: ભારત સરકારે ક્રિપ્ટોકરન્સી સેક્ટરમાં મોટી કાર્યવાહી કરતાં 25 વિદેશી વર્ચ્યુઅલ ડિજિટલ એસેટ (VDA) પ્રોવાઈડર્સને ધનશોધન વિરોધી કાયદા (PMLA)નું પાલન ન કરવા બદલ નોટિસ જાહેર કરી છે. નાણાં મંત્રાલયની ફાઈનાન્શિયલ ઈન્ટેલિજન્સ યુનિટ-ઈન્ડિયા (FIU-IND)એ આ કાર્યવાહી હાથ ધરી છે, જેમાં બ્રિટિશ વર્જિન આઈલેન્ડ્સ સ્થિત એલબેન્ક, હ્યુઓન, પેક્સફુલ, બિંગએક્સ, કોઈનએક્સ, પોલોનિક્સ, બિટમેક્સ, બીટીસીસી, રેમિટાનો જેવી જાણીતી ગ્લોબલ ક્રિપ્ટો એક્સચેન્જ કંપનીઓનો સમાવેશ થાય છે.

એપ અને વેબસાઈટ પર પ્રતિબંધ

વિદેશી ક્રિપ્ટો કંપનીઓને ભારતમાં તેમની એપ્લિકેશન્સ અને વેબસાઈટ્સ સાર્વજનિક રીતે ઉપલબ્ધ કરાવવા પર રોક લગાવવામાં આવી છે. વિદેશી કંપનીઓએ ભારતના સૂચના પ્રૌદ્યોગિકી અધિનિયમ, 2000ના નિયમોનું પાલન કરવું પડશે. આ નિર્ણય દેશમાં ધનશોધન અને ગેરકાયદે નાણાકીય પ્રવૃત્તિઓને રોકવા માટે લેવામાં આવ્યો છે.

PMLA 2002 હેઠળ નિયમોનું પાલન જરૂરી

અનિયમિત ક્રિપ્ટો પ્રોડક્ટ્સમાં જોખમ

વિદેશી ક્રિપ્ટો પ્રોવાઈડર્સ કે જેઓ રજિસ્ટ્રેશન વિના ભારતમાં સેવાઓ આપે છે, તેમની સામે સમયાંતરે કાર્યવાહી કરવામાં આવે છે. વિત્ત મંત્રાલયે ચેતવણી આપી છે કે અનિયમિત ક્રિપ્ટો પ્રોડક્ટ્સ અને નોન-ફંજીબલ ટોકન્સ (NFTs)માં ઉચ્ચ જોખમ છે. આવા ટ્રાન્ઝેક્શનમાં નુકસાન થવા પર કોઈ નિયામક રાહત મળવાની શક્યતા નથી.

50 VDA પ્રોવાઈડર્સે કરાવ્યું રજિસ્ટ્રેશન

FIU-INDના જણાવ્યા અનુસાર, અત્યાર સુધીમાં 50 VDA સર્વિસ પ્રોવાઇડર્સે ભારતમાં રજિસ્ટ્રેશન કરાવ્યું છે. જે કંપનીઓ આ નિયમોનું પાલન નથી કરતી, તેમની સામે કડક કાર્યવાહી કરવામાં આવશે. આ કાર્યવાહી દેશમાં નાણાકીય પારદર્શિતા અને સુરક્ષા વધારવાના ઉદ્દેશ્ય સાથે હાથ ધરવામાં આવી છે.

આ પણ વાંચો- દશેરા નિમિત્તે IOBની મોટી ભેટ: સેવિંગ્સ એકાઉન્ટ હોલ્ડર્સ માટે મિનિમમ બેલેન્સ ચાર્જ માફ