Gujarat Weather: ગુજરાતમાં ઉનાળો ગાયબ! આજે રાજ્યના આ વિસ્તારોમાં ભારે વરસાદની આગાહી

Gujarat Weather: ગુજરાતમાં ઉનાળાની ગરમી ધીમે-ધીમે વિદાય લઈ રહી છે, અને હવામાન વિભાગે રાજ્યના અનેક વિસ્તારોમાં આજે ભારે વરસાદની આગાહી કરી છે. રાજ્યમાં તાપમાનમાં 2થી 3 ડિગ્રીનો ઘટાડો નોંધાયો છે, જેના કારણે લોકોને ગરમીમાં રાહત મળી રહી છે. જોકે, બફારો અને ભેજનું પ્રમાણ વધવાથી લોકો હજુ પણ પરેશાનીનો સામનો કરી રહ્યા છે. હવામાન વિભાગના તાજા અપડેટ મુજબ, ગુજરાતમાં ચોમાસું એક સપ્તાહમાં આવી શકે છે, જેના પગલે રાજ્યના ઘણા ભાગોમાં વરસાદની શરૂઆત થઈ ચૂકી છે.

ભારે વરસાદની આગાહી: સૌરાષ્ટ્ર અને દક્ષિણ ગુજરાત પર ફોકસ

હવામાન વિભાગે રાજ્યના સૌરાષ્ટ્ર અને દક્ષિણ ગુજરાતના વિસ્તારોમાં આજે ભારે વરસાદની આગાહી કરી છે. ખાસ કરીને નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી તેમજ સૌરાષ્ટ્રના અમરેલી, ભાવનગર, ગીર સોમનાથ અને દીવમાં ભારે વરસાદની શક્યતા છે. આ વિસ્તારોમાં લોકોને સાવચેત રહેવા અને જરૂરી તૈયારીઓ કરવાની સલાહ આપવામાં આવી છે.

આ ઉપરાંત, ઉત્તર ગુજરાતના બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર અને અન્ય વિસ્તારો જેવા કે વડોદરા, પોરબંદર, જૂનાગઢ, મોરબી, દ્વારકા, બોટાદ અને કચ્છમાં સામાન્યથી મધ્યમ વરસાદની આગાહી છે. આ વરસાદના કારણે રાજ્યના ખેડૂતોને રાહત મળી શકે છે, પરંતુ શહેરી વિસ્તારોમાં પાણી ભરાવાની સમસ્યા પણ ઊભી થઈ શકે છે.

રાજ્યમાં તાપમાનમાં નોંધપાત્ર ઘટાડો જોવા મળ્યો છે. એક સમયે 42 ડિગ્રી સુધી પહોંચેલું તાપમાન હવે 30થી 40 ડિગ્રીની વચ્ચે આવી ગયું છે. કંડલા એરપોર્ટ 40.6 ડિગ્રી સાથે રાજ્યનું સૌથી ગરમ શહેર રહ્યું, જ્યારે સુરતમાં સૌથી ઓછું 30 ડિગ્રી તાપમાન નોંધાયું. અન્ય શહેરોનું તાપમાન નીચે મુજબ છે:

આ ઘટાડો ચોમાસાની નજીક આવવાની નિશાની છે, પરંતુ બફારાના કારણે લોકોને હજુ પણ અગવડતાનો સામનો કરવો પડી રહ્યો છે. હવામાન વિભાગના અનુમાન મુજબ, ગુજરાતમાં ચોમાસું એક સપ્તાહમાં પ્રવેશી શકે છે. હાલમાં મુંબઈમાં ભારે વરસાદ ચાલુ છે, જે ગુજરાતમાં ચોમાસાની શરૂઆતનો સંકેત આપે છે. આગામી દિવસોમાં રાજ્યના અન્ય વિસ્તારોમાં પણ વરસાદની પ્રવૃત્તિ વધવાની શક્યતા છે.

આ પણ વાંચો- USA canada talks: ‘કેનેડા અમેરિકાનું 51મું રાજ્ય બનવાનું વિચારી રહ્યું છે', ડોનાલ્ડ ટ્રમ્પનો સનસનાટીભર્યો દાવો