ભારતીય મહિલા ક્રિકેટમાં મોટા સમાચાર: હરમનપ્રીત કૌરે અચાનક છોડી કપ્તાની, એશિયન ગેમ્સ 2026માં ગોલ્ડ જીત્યા બાદ લીધો મોટો નિર્ણય

Harmanpreet Kaur resigns: ભારતીય મહિલા ક્રિકેટ ટીમના ચાહકો માટે એક ખૂબ જ ચોંકાવનારા સમાચાર સામે આવ્યા છે. વર્લ્ડ કપ વિજેતા અને ટીમની શાનદાર કેપ્ટન હરમનપ્રીત કૌરે 6 ઓક્ટોબરના રોજ ક્રિકેટના તમામ ફોર્મેટમાંથી કેપ્ટનશિપ છોડવાની સત્તાવાર જાહેરાત કરી દીધી છે. તાજેતરમાં જ એશિયન ગેમ્સ 2026 માં ભારતને ઐતિહાસિક ગોલ્ડ મેડલ અપાવ્યા બાદ તેમણે પોતાની સફળતાના શિખરેથી આ મોટો નિર્ણય લીધો છે. જોકે, ચાહકો માટે રાહતના સમાચાર એ છે કે હરમનપ્રીત હવે માત્ર એક ખેલાડી તરીકે ટીમ સાથે જોડાયેલી રહેશે.

ઇન્સ્ટાગ્રામ પર શેર કરી ભાવુક પોસ્ટ

હરમનપ્રીતે સોશિયલ મીડિયા પ્લેટફોર્મ ઇન્સ્ટાગ્રામ પર એક લાંબી અને ભાવનાત્મક પોસ્ટ શેર કરીને પોતાના ચાહકોને આ નિર્ણયની જાણ કરી હતી. તેમણે લખ્યું કે, આ નિર્ણય લેવો તેમના માટે બિલકુલ સરળ નહોતો. આ કેપ્ટનશિપની સફર સાથે તેમની અનેક યાદો, લાગણીઓ અને બલિદાનો જોડાયેલા છે. ટીમના હિતને હંમેશાં સર્વોપરી રાખતા તેમણે પોતાની અંગત મહત્વાકાંક્ષાઓને પણ બાજુ પર મૂકી દીધી હતી.

કેપ્ટનશિપનો સુવર્ણ ઇતિહાસ

"ટીમ એકદમ સુરક્ષિત હાથમાં છે"

પોતાની પોસ્ટમાં હરમનપ્રીતે વિશ્વાસ વ્યક્ત કર્યો હતો કે ટીમનું ભવિષ્ય ઉજ્જવળ છે. તેમણે કહ્યું, "હું આજે એકદમ શાંત મન સાથે કેપ્ટનશિપ છોડી રહી છું. મને પૂરો ભરોસો છે કે આપણી ટીમ અત્યારે ખૂબ જ સારી સ્થિતિમાં છે. આ ટીમમાં અદભુત ટેલેન્ટ અને પાત્રતા રહેલી છે."

View this post on Instagram

A post shared by Harmann (@imharmanpreet_kaur)

અંતમાં તેમણે પોતાના તમામ સાથી ખેલાડીઓ, કોચિંગ સ્ટાફ, સપોર્ટ સ્ટાફ, બીસીસીઆઈ અને તમામ ચાહકોનો હૃદયપૂર્વક આભાર માન્યો હતો. ભલે હરમનપ્રીતે કેપ્ટન તરીકે પોતાની સફર પૂરી કરી હોય, પરંતુ ક્રિકેટ પ્રત્યેનો તેમનો પ્રેમ અને ખેલાડી તરીકેનું યોગદાન ટીમ ઇન્ડિયાને હંમેશાં મળતું રહેશે.

આ પણ વાંચો- કેન્સરની સારવારમાં મોટી ક્રાંતિ: નવી વેક્સીન અને મેડિકલ ટેકનોલોજી માટે IIT કાનપુર અને ભારત બાયોટેકે મિલાવ્યા હાથ