રશિયાથી તેલ આયાત બંધ થાય તો ભારતનો ખર્ચ 9 અબજ ડોલર વધી શકે: SBI રિપોર્ટ

India oil imports: ભારત જો રશિયાથી ક્રૂડ ઓઇલની આયાત બંધ કરે તો ચાલુ નાણાકીય વર્ષ (FY26)માં તેનું ફ્યૂલ બિલ 9 અબજ ડોલર અને આગામી વર્ષ FY27માં 11.7 અબજ ડોલર સુધી વધી શકે છે. આ અંદાજ ભારતીય સ્ટેટ બેન્કના તાજેતરના રિપોર્ટમાં રજૂ કરવામાં આવ્યો છે.

રશિયાનો વૈશ્વિક તેલ પુરવઠામાં મોટો હિસ્સો

SBI રિપોર્ટ મુજબ, વૈશ્વિક ક્રૂડ ઓઇલ પુરવઠામાં રશિયાનો 10 ટકા હિસ્સો છે. જો વિશ્વના તમામ દેશો રશિયાથી તેલ ખરીદવાનું બંધ કરે અને અન્ય દેશો ઉત્પાદન ન વધારે તો ક્રૂડ ઓઇલના ભાવમાં 10 ટકાનો વધારો થઈ શકે છે. આનાથી ભારતના તેલ આયાત ખર્ચ પર નોંધપાત્ર અસર પડશે.

રશિયા બન્યું ભારતનું સૌથી મોટું તેલ સપ્લાયર

યુક્રેન યુદ્ધ પહેલાં ઇરાક હતું મોખરે

યુક્રેન યુદ્ધ પહેલાં ઇરાક ભારતનું સૌથી મોટું ક્રૂડ ઓઇલ સપ્લાયર હતું, જેના પછી સાઉદી અરેબિયા અને યુએઈનો નંબર આવતો. ભારતીય રિફાઇનર્સ મધ્ય પૂર્વના દેશો સાથે વાર્ષિક કોન્ટ્રાક્ટ દ્વારા તેલ ખરીદે છે, જે માસિક વધારાની સપ્લાયની સુગમતા આપે છે. રશિયા પર પ્રતિબંધો બાદ ભારતે અમેરિકા, પશ્ચિમ આફ્રિકા અને અઝરબૈજાનથી પણ તેલ ખરીદવાનું શરૂ કર્યું.

40 દેશો સાથે વિવિધ સપ્લાય નેટવર્ક

ભારતે તેના તેલ સપ્લાય સ્ત્રોતોનો વિસ્તાર 40 દેશો સુધી કર્યો છે, જેમાં ગુયાના, બ્રાઝિલ અને કેનેડા જેવા નવા વિકલ્પોનો સમાવેશ થાય છે. આ વૈવિધ્યકરણથી ભારતની ઊર્જા સુરક્ષા મજબૂત થઈ છે. જો રશિયાથી તેલ સપ્લાય બંધ થાય તો ભારત પોતાના મધ્ય પૂર્વના પરંપરાગત સપ્લાયર્સ તરફ વળી શકે છે, જેનાથી આયાતની જરૂરિયાતો પૂરી થઈ શકે.

ખર્ચમાં વધારો પણ અસર ઘટાડવાની સંભાવના

SBIના રિપોર્ટમાં ભારપૂર્વક જણાવાયું છે કે ફ્યૂલ બિલમાં વધારો નોંધપાત્ર હશે, પરંતુ ભારતનું વિશાળ સપ્લાય નેટવર્ક અને અન્ય દેશો સાથેના સ્થાપિત કોન્ટ્રાક્ટ્સ આ અસરને ઘટાડવામાં મદદ કરશે. જો કે, રશિયાી તેલના નિકાસમાં ઘટાડાથી વૈશ્વિક ભાવમાં વધારો થશે, જે ખર્ચ પર દબાણ વધારશે.

આ પણ વાંચો- Online Application Digital Document: ઘરે બેઠા બનાવો આ 5 મહત્વના દસ્તાવેજ, જાણો ઓનલાઇન અરજીની સરળ રીત