Online Application Digital Document: ઘરે બેઠા બનાવો આ 5 મહત્વના દસ્તાવેજ, જાણો ઓનલાઇન અરજીની સરળ રીત

Online Application Digital Document: આજના ડિજિટલ યુગમાં સરકારે મહત્વના દસ્તાવેજો જેમ કે આધાર કાર્ડ, વોટર આઇડી, પાનકાર્ડ, ડ્રાઇવિંગ લાઇસન્સ અને પાસપોર્ટ બનાવવાની પ્રક્રિયાને સરળ બનાવી છે. હવે તમે ઘરે બેઠા આ દસ્તાવેજો માટે ઓનલાઇન અરજી કરી શકો છો અને સરકારી ઓફિસની લાંબી કતારો ટાળી શકો છો. ચાલો જાણીએ આ દસ્તાવેજો માટેની ઓનલાઇન અરજીની પ્રક્રિયા.

1. આધાર કાર્ડ

* UIDAIની વેબસાઇટ https://uidai.gov.in પર જાઓ.

* 'My Aadhaar' સેક્શનમાં 'Book an Appointment' પસંદ કરો.

* 'New Aadhaar' વિકલ્પ પસંદ કરી, નામ, જન્મ તારીખ, સરનામું અને મોબાઇલ નંબર દાખલ કરો.

* મોબાઇલ પર આવેલો OTP વેરિફાય કરો.

* ઓળખ, સરનામું અને જન્મ તારીખના દસ્તાવેજોની માહિતી ભરો.

* એપોઇન્ટમેન્ટના દિવસે અસલ દસ્તાવેજો સાથે રાખો અને બાયોમેટ્રિક વિગતો આપો.

2. વોટર આઇડી

* નેશનલ વોટર સર્વિસ પોર્ટલ https://www.nvsp.in/ પર જાઓ.

* નવા મતદારો માટે 'First Register' વિકલ્પ પસંદ કરો.

* ફોર્મમાં જરૂરી વિગતો ભરો અને OTP વેરિફાય કરો.

* બૂથ લેવલ ઓફિસર દસ્તાવેજો ચકાસવા ઘરે આવશે.

* વેરિફિકેશન બાદ 1 મહિનામાં વોટર આઇડી ઘરે મળશે.

3. ડ્રાઇવિંગ લાઇસન્સ

* માર્ગ પરિવહન મંત્રાલયની વેબસાઇટ https://parivahan.gov.in/ પર જાઓ.

* 'Online Services'માં 'Driving Licence Related Services' પસંદ કરો.

* તમારું રાજ્ય પસંદ કરી, 'Learner’s Licence Application' ફોર્મ ભરો.

* જરૂરી દસ્તાવેજો અપલોડ કરો, ડ્રાઇવિંગ ટેસ્ટની તારીખ પસંદ કરો અને પેમેન્ટ કરો.

* જો રાજ્યમાં સંપૂર્ણ ઓનલાઇન પ્રક્રિયા હોય, તો આધાર ઓથેન્ટિકેશન વિકલ્પ પસંદ કરો.

4. ઇ-પાન કાર્ડ

* આવકવેરા વિભાગની વેબસાઇટ https://eportal.incometax.gov.in પર જાઓ.

* 'Instant e-PAN' વિકલ્પ પસંદ કરો.

* આધાર નંબર દાખલ કરી, OTP વેરિફાય કરો.

* નિયમો-શરતો સ્વીકારી, વ્યક્તિગત માહિતી વેરિફાય કરો.

* 10 મિનિટમાં પાન નંબર મોબાઇલ પર મળશે.

5. ઇ-પાસપોર્ટ

* પાસપોર્ટ સેવા પોર્ટલ https://www.passportindia.gov.in/ પર રજિસ્ટર કરો.

* લોગ ઇન કરી, 'Apply for Fresh Passport/Re-issue of Passport' પસંદ કરો.

* માહિતી ભરો, ફી ઓનલાઇન ચૂકવો અને એપોઇન્ટમેન્ટ બુક કરો.

* નિર્ધારિત તારીખે PSK/RPO સેન્ટર પર દસ્તાવેજો સાથે જાઓ.

* પ્રક્રિયા પૂર્ણ થયા બાદ ઇ-પાસપોર્ટ ઘરે મોકલાશે.

આ પણ વાંચો- Rahul Gandhi Election Commission: રાહુલ ગાંધીને ચૂંટણી પંચનો આકરું અલ્ટીમેટમ, સ્તાક્ષર કરો અથવા દેશની માફી માંગો