iPhone 18ની લોન્ચ ડેટ લીક! નવો 48MP કેમેરા, A20 પ્રોસેસર અને કિંમતની પૂરી ડિટેલ જાણો

iPhone 18 launch date in India: એપલ દર વર્ષે સપ્ટેમ્બર મહિનામાં પોતાના નવા આઇફોન લોન્ચ કરે છે તે વાત આપણે સૌ જાણીએ છીએ. પરંતુ, લેટેસ્ટ લીક્સ અને રિપોર્ટ્સ મુજબ આ વખતે કંપની પોતાની લોન્ચ સાયકલમાં એક મોટો ફેરફાર કરવા જઈ રહી છે. એવી ચર્ચા છે કે કંપની આવનારા સમયમાં iPhone 18ના બેઝ મોડલને તેના Pro મોડલ સાથે લોન્ચ નહીં કરે.

નવી લીક થયેલી માહિતી મુજબ, બેઝ iPhone 18ને 2027 ના પહેલા ક્વાર્ટરમાં લોન્ચ કરવામાં આવી શકે છે. અત્યાર સુધી સામે આવેલી અફવાઓ અને લીક્સના આધારે આ નવા ડિવાઇસ વિશેની તમામ લેટેસ્ટ માહિતી અહીં નીચે મુજબ છે.

iPhone 18ના દમદાર સ્પેસિફિકેશન્સ અને કેમેરા

આઇફોન 18 માં ઘણા એવા ફિચર્સ જોવા મળશે જે તેને અત્યાર સુધીનો સૌથી પાવરફુલ ફોન બનાવશે. ચાલો તેના મુખ્ય ફિચર્સ પર નજર કરીએ:

પ્રોસેસર અને સ્ટોરેજ: શાનદાર અને ઝડપી પરફોર્મન્સ માટે આ ફોન લેટેસ્ટ Apple A20 પ્રોસેસરથી સજ્જ હશે. તેમાં 12GB RAM અને 256GB ઇન્ટરનલ સ્ટોરેજનું બેઝ વેરિઅન્ટ જોવા મળી શકે છે.

કેમેરા સેન્સર: ફોટોગ્રાફી માટે પાછળની બાજુ ડ્યુઅલ કેમેરા સેટઅપ હશે. જેમાં ઓપ્ટિકલ ઈમેજ સ્ટેબિલાઇઝેશન (OIS) સાથે 48MP નો પ્રાઇમરી સેન્સર અને 48MP નો અલ્ટ્રા-વાઇડ-એન્ગલ લેન્સ હશે. આ કેમેરામાં લેટેસ્ટ AI ફિચર્સ પણ હશે જે ફોટો ક્વોલિટીને વધુ સારી બનાવશે. સેલ્ફી અને વીડિયો કોલિંગ માટે ફોનમાં 18MP નો ફ્રન્ટ કેમેરા હોઈ શકે છે.

બેટરી અને ચાર્જિંગ: અગાઉના મોડલની સરખામણીમાં આ ફોનમાં મોટી બેટરી આપવામાં આવશે અને તેને ઝડપથી ચાર્જ કરવા માટે 25W વાયરલેસ મેગસેફ (MagSafe) ચાર્જિંગનો સપોર્ટ મળશે.

ડિઝાઇન: ફોનની ડિઝાઇનમાં કોઈ ખાસ મોટો ફેરફાર થવાની શક્યતા ઓછી છે. એવું માનવામાં આવે છે કે તે iPhone 17 જેવી જ ડિઝાઇન ધરાવતો હશે, પરંતુ કંપની તેમાં કેટલાક નવા અને આકર્ષક કલર ઓપ્શન આપી શકે છે.

ભારતમાં iPhone 18 ની કિંમત અને રિલીઝ ડેટ

જો આપણે કિંમતની વાત કરીએ તો, લીક થયેલા રિપોર્ટ્સ મુજબ ભારતમાં iPhone 18 (12GB RAM + 256GB સ્ટોરેજ) ની કિંમત 89,999 ની આસપાસ હોઈ શકે છે. આ કિંમત iPhone 17 ની સરખામણીમાં થોડી વધારે હશે. તેની લોન્ચ ડેટ વિશે વાત કરીએ તો, હાલની ચર્ચાઓ મુજબ આ સ્માર્ટફોન 13 માર્ચથી 19 માર્ચ, 2027 ની વચ્ચે ગ્લોબલ માર્કેટમાં એન્ટ્રી કરી શકે છે.

ભલે આ ફોન લોન્ચ થવામાં હજુ ઘણો સમય બાકી છે, પરંતુ આ લેટેસ્ટ લીક્સ પરથી સ્પષ્ટ થાય છે કે એપલ તેના આગામી આઇફોનમાં હાર્ડવેર અને AI ટેકનોલોજીનું એક શાનદાર કોમ્બિનેશન લઈને આવી રહ્યું છે. વાચકોએ ધ્યાન રાખવું કે આ તમામ માહિતી હાલ લીક્સ આધારિત છે, કંપની દ્વારા કોઈ સત્તાવાર જાહેરાત કરવામાં આવી નથી.

આ પણ વાંચો- આયુષ્માન કાર્ડ હોવા છતાં હોસ્પિટલ મફત સારવાર ન આપે કે પૈસા માંગે? આ રીતે કરો તાત્કાલિક ફરિયાદ