જ્યોતિ મલ્હોત્રા જાસૂસી કેસ: લક્ઝરી લાઈફસ્ટાઈલનું કાળું સત્ય, વિદેશ યાત્રાઓથી VIP મુલાકાતો સુધીની તપાસ

પાકિસ્તાન માટે જાસૂસીના આરોપમાં ઝડપાયેલી હિસારની યુટ્યુબર જ્યોતિ મલ્હોત્રાની લક્ઝરી લાઈફસ્ટાઈલ અને વિદેશ યાત્રાઓએ તપાસ એજન્સીઓના કાન ખડકી દીધા છે. વૈભવી હોટલોમાં રોકાણ, VIP લોકો સાથે મુલાકાતો અને તેની આવકથી વધુ ખર્ચાઓએ તપાસ એજન્સીઓને શંકાના ઘેરામાં મૂકી દીધી છે. જ્યોતિના બેંક ખાતાઓની તપાસથી લઈને તેની વિદેશ યાત્રાઓ દરમિયાન શેર કરાયેલી માહિતી સુધી, તપાસ એજન્સીઓ દરેક પાસાને ઊંડાણપૂર્વક ચકાસી રહી છે.

લક્ઝરી લાઈફનું રહસ્ય અને આવકથી વધુ ખર્ચ

જ્યોતિ મલ્હોત્રાની ધરપકડ બાદ તપાસ એજન્સીઓએ તેના ફાઈનાન્શિયલ રેકોર્ડ્સ ખંખાળ્યા, જેમાં ચોંકાવનારી હકીકતો સામે આવી. તેના ખર્ચાઓ તેની જાણીતી આવક કરતાં ઘણા વધુ હતા. વિદેશ યાત્રાઓ, આલીશાન હોટલોમાં રોકાણ અને VIP લોકો સાથેની બેઠકોએ તપાસ એજન્સીઓને સવાલો ઉભા કર્યા છે. આ ખર્ચાઓ માટે પૈસા ક્યાંથી આવ્યા? આ યાત્રાઓ દરમિયાન કઈ માહિતી શેર થઈ? આવા મુદ્દાઓ તપાસના કેન્દ્રમાં છે.

પિતા અને કાકાના એકાઉન્ટ્સ પણ સ્કેનર હેઠળ

પિતાનો દાવો: ‘પોલીસે ફોન અને બેંક ડિટેલ્સ લીધી’

હિસારની ન્યૂ અગ્રસેન કોલોનીમાં રહેતા જ્યોતિના પિતા હરીશ મલ્હોત્રાએ જણાવ્યું કે, “ગુરુવાર અને શુક્રવારે પોલીસ અમારા ઘરે આવી. તેમણે મારા, મારા ભાઈ અને જ્યોતિના બેંક ખાતાઓની નકલો અને પાસબુક તેમજ અમારા ફોન લઈ ગયા. શુક્રવારે તપાસ બાદ પોલીસે મારી અને મારા ભાઈની બેંક ડિટેલ્સ પરત કરી, પરંતુ જ્યોતિની બેંક પાસબુક અને અમારા ફોન હજુ પરત કર્યા નથી.” તેમણે ઉમેર્યું કે, “અમારા ખાતાઓમાંથી પોલીસને કંઈ મળ્યું નથી. જ્યોતિના ખાતામાં કેટલા પૈસા છે અને તે ક્યાંથી આવ્યા, તેની અમને કોઈ જાણકારી નથી. તેનું ખાતું PNB બેંકમાં છે.”

જ્યોતિની તેના પિતા સાથે વાત

હરીશ મલ્હોત્રાએ જણાવ્યું કે તેમને જ્યોતિને એકવાર મળવાની મંજૂરી મળી હતી. તે દરમિયાન જ્યોતિએ તેમને કહ્યું, “પપ્પા, આપણે વકીલ રાખવો પડશે. વકીલની વ્યવસ્થા કરો.” હરીશે કહ્યું કે તેઓ આગળની વાત કરી શક્યા નહીં. તેમણે ઉમેર્યું કે પોલીસ હાલમાં જ્યોતિ વિશે વધુ માહિતી આપી રહી નથી.

પાકિસ્તાન હાઈ કમિશન સાથે કનેક્શન

તપાસમાં ખુલાસો થયો છે કે જ્યોતિ મલ્હોત્રા પાકિસ્તાન હાઈ કમિશનમાં કામ કરતા દાનિશ નામના અધિકારીના સંપર્કમાં હતી. દાનિશે જ્યોતિની પાકિસ્તાન યાત્રાનો ખર્ચ પણ ઉઠાવ્યો હતો. આ ખુલાસાએ કેસને વધુ જટિલ બનાવ્યો છે, અને તપાસ એજન્સીઓ હવે આ કનેક્શનની ઊંડાણપૂર્વક તપાસ કરી રહી છે.

તપાસનું આગળ શું?

જ્યોતિ મલ્હોત્રાના કેસે રાષ્ટ્રીય સુરક્ષા અંગે ગંભીર પ્રશ્નો ઉભા કર્યા છે. તેની વિદેશ યાત્રાઓ દરમિયાન થયેલી બેઠકોમાં કઈ ગુપ્ત માહિતી શેર થઈ? તેના ફાઈનાન્શિયલ ટ્રાન્ઝેક્શન્સનું સોર્સ શું છે? આવા સવાલોના જવાબ શોધવા તપાસ એજન્સીઓ ઝીણવટભરી તપાસ કરી રહી છે. આ કેસમાં હજુ ઘણા ખુલાસા થવાની શક્યતા છે, જે રાષ્ટ્રીય સુરક્ષા માટે મહત્વના સાબિત થઈ શકે છે.

આ પણ વાંચો- પાકિસ્તાની સેનાએ અમૃતસરના ‘સુવર્ણ મંદિર' પર ડ્રોન અને મિસાઇલો છોડી હતી, ભારતીય સેનાએ કર્યો મોટો ખુલાસો