India-US Trade: ટ્રમ્પના 50% ટેરિફ સામે PM મોદીનો સણસણતો જવાબ, કહ્યું 'ખેડૂતોના હિત સાથે કોઈ સમજૂતી નહીં'

India-US Trade: અમેરિકી રાષ્ટ્રપતિ ડોનાલ્ડ ટ્રમ્પ દ્વારા ભારત પર 50 ટકા ટેરિફ લાદવાની ઘોષણા બાદ વડાપ્રધાન નરેન્દ્ર મોદીએ ગુરુવારે કડક પ્રતિસાદ આપ્યો છે. PM મોદીએ સ્પષ્ટ શબ્દોમાં જણાવ્યું કે ભારત પોતાના ખેડૂતો, માછીમારો અને ડેરી ક્ષેત્રના હિતોનું રક્ષણ કરવામાં કોઈ સમજૂતી નહીં કરે.

ટ્રમ્પનો ટેરિફ નિર્ણય અને ભારતનો પ્રતિસાદ

બુધવારે ડોનાલ્ડ ટ્રમ્પે રશિયા સાથે તેલના વેપારને લીધે ભારત પર વધારાના 25 ટકા ટેરિફની જાહેરાત કરી હતી. આ પહેલાં ગયા અઠવાડિયે તેમણે ભારતથી આયાત થતી વસ્તુઓ પર 25 ટકા ટેરિફ લગાવવાનો નિર્ણય કર્યો હતો. આ રીતે, હવે ભારત પર કુલ 50 ટકા ટેરિફ લાગુ થયો છે. ટ્રમ્પે એવું પણ જણાવ્યું હતું કે રશિયા સાથે વેપાર કરવા બદલ ભારત પર અલગથી દંડ લાદવામાં આવશે, જેના ભાગરૂપે આ વધારાનો ટેરિફ લગાવવામાં આવ્યો.

ખેડૂતો અને ડેરી ક્ષેત્રની સુરક્ષા સર્વોચ્ચ પ્રાથમિકતા

ટ્રમ્પની નવી ધમકી: સેકન્ડરી સેન્ક્શન

ટ્રમ્પે ભારત પર 50 ટકા ટેરિફ લગાવ્યા બાદ પણ પોતાની નારાજગી વ્યક્ત કરી છે. તેમણે જણાવ્યું કે રશિયા સાથે તેલના વેપારમાં ભારત ચીનની નજીક છે, અને તેથી ભારત પર સેકન્ડરી સેન્ક્શન લાદવાની તૈયારી કરવામાં આવી રહી છે. સેકન્ડરી સેન્ક્શન એ આર્થિક પ્રતિબંધ છે, જે તે દેશ (ભારત) પર લાદવામાં આવે છે જે પ્રાથમિક પ્રતિબંધોવાળા દેશ (રશિયા) સાથે વેપાર કરે છે.

ભારતનું વલણ

PM મોદીનો આ પ્રતિસાદ દર્શાવે છે કે ભારત પોતાના આર્થિક અને કૃષિ હિતોનું રક્ષણ કરવામાં કોઈ કસર નહીં છોડે. ટ્રમ્પના ટેરિફ અને સેન્ક્શનની ધમકીઓ છતાં ભારતે પોતાનું વલણ સ્પષ્ટ કર્યું છે કે ખેડૂતો અને ડેરી ક્ષેત્રની સુરક્ષા સાથે કોઈ સમજૂતી નહીં થાય.

આ પણ વાંચો- ટ્રંપના ટેરિફ નિર્ણય પર ભારતનો કડક જવાબ: 'અનુચિત અને અન્યાયી, રાષ્ટ્રીય હિતોની રક્ષા કરીશું'