વૈદિક મંત્રોચ્ચારના દિવ્ય નાદ વચ્ચે ખુલ્યા બદ્રીનાથ ધામના કપાટ, શ્રદ્ધાળુઓ પર હેલિકોપ્ટરથી થઈ પુષ્પવર્ષા

ઉત્તરાખંડના પ્રમુખ ચારધામમાંના એક બદ્રીનાથ ધામના કપાટ આજે શ્રદ્ધાળુઓ માટે વિધિવત રીતે ખોલવામાં આવ્યા. કપાટ ખૂલતાં જ મંદિર પરિસર ‘જય બદ્રી વિશાલ’ના જયઘોષથી ગુંજી ઉઠ્યું. ભારતીય સેનાના બેન્ડની મધુર ધૂનોએ આ પવિત્ર પ્રસંગને વધુ ભવ્ય બનાવ્યો. કપાટ ખોલવાની પૂર્વે મંદિરને આકર્ષક ફૂલો અને રોશનીથી શણગારવામાં આવ્યું હતું. આ વર્ષે બદ્રીનાથ ધામ પરિસરમાં ફોટો અને વિડિયો લેવા પર પ્રતિબંધ મૂકવામાં આવ્યો છે, અને નિયમોનું ઉલ્લંઘન કરનારને 5,000 રૂપિયાનો દંડ થઈ શકે છે.

કપાટ ખોલવાની વિધિ

સવારે 4 વાગ્યે મંદિર સમિતિના અધિકારીઓ અને કર્મચારીઓએ મંદિરની પરિક્રમામાં ભાગ લીધો. 4:30 વાગ્યે શ્રી કુબેરજીએ દક્ષિણ દ્વારથી પરિક્રમામાં પ્રવેશ કર્યો. સવારે 5:30 વાગ્યે દ્વાર પૂજન શરૂ થયું, અને અડધા કલાક બાદ બદ્રીનાથ ધામના કપાટ ખોલવામાં આવ્યા. આ સાથે ચારધામ યાત્રાનો વિધિવત શુભારંભ થયો.

હેલિકોપ્ટરથી પુષ્પવર્ષા

जय श्री बदरी विशाल! चारधामों में से एक, करोड़ों भक्तों की आस्था के केंद्र, भू-बैकुंठ श्री बदरीनाथ धाम के कपाट आज वैदिक मंत्रोच्चार की दिव्य ध्वनि के मध्य, पूर्ण विधि-विधान के साथ भक्तों के दर्शनार्थ खोल दिए गए हैं। श्री बद्रीनाथ धाम के कपाट खुलने के साथ ही चारधाम यात्रा का… pic.twitter.com/CmLM4lDQiH

— Pushkar Singh Dhami (@pushkardhami) May 4, 2025

શંકરાચાર્યનું નિવેદન

જગદ્ગુરુ શંકરાચાર્ય સ્વામી અવિમુક્તેશ્વરાનંદ સરસ્વતી મહારાજે જણાવ્યું, “આજે આખો દેશ આનંદમાં છે. શ્રદ્ધાળુઓએ મોટી સંખ્યામાં ધામમાં પૂજા-અર્ચના માટે આવવું જોઈએ. અહીં આવીને શ્રદ્ધાળુઓને આધ્યાત્મિક આનંદની અનુભૂતિ થાય છે.”

મંદિરની સજાવટ અને નિયમો

કપાટ ખોલવાની પૂર્વે મંદિરને 40 ક્વિન્ટલ ફૂલોથી શણગારવામાં આવ્યું હતું. આજે પ્રથમ દિવસે જ દર્શન માટે મોટી સંખ્યામાં શ્રદ્ધાળુઓ મંદિરે પહોંચ્યા હતા. બદ્રીનાથ ધામ પરિસરમાં ફોટો અને વિડિયો લેવા પર પ્રતિબંધ હોવાથી શ્રદ્ધાળુઓને નિયમોનું પાલન કરવા અપીલ કરવામાં આવી છે.

મુખ્યમંત્રી ધામીનું નિવેદન

મુખ્યમંત્રી પુષ્કર સિંહ ધામીએ જણાવ્યું, “આજનો દિવસ અત્યંત શુભ છે. ભગવાન બદ્રી વિશાલના કપાટ ખુલી રહ્યા છે. હું ઉત્તરાખંડની પવિત્ર ભૂમિ પર આવનાર તમામ શ્રદ્ધાળુઓનું સ્વાગત કરું છું અને ભગવાનને પ્રાર્થના કરું છું કે તેમની યાત્રા સરળતાથી પૂર્ણ થાય. બધી વ્યવસ્થાઓ પૂર્ણ કરવામાં આવી છે.

ચારધામ યાત્રાનો શુભારંભ

ચારધામ યાત્રા 2025નો વિધિવત શુભારંભ 30 એપ્રિલે થયો હતો, જ્યારે ગંગોત્રી અને યમુનોત્રી ધામના કપાટ અક્ષય તૃતીયાના દિવસે વૈદિક મંત્રોચ્ચાર અને અનુષ્ઠાનો વચ્ચે ખોલવામાં આવ્યા હતા. 2 મેના રોજ કેદારનાથના કપાટ ખોલાયા હતા. બદ્રીનાથ ધામના કપાટ ખુલતાં જ હવે ચારેય ધામના કપાટ શ્રદ્ધાળુઓ માટે ખોલાઈ ગયા છે.

સુરક્ષા અને વ્યવસ્થા

યાત્રાને સુચારૂ રીતે ચલાવવા માટે પ્રશાસને સુરક્ષાની વ્યાપક વ્યવસ્થા કરી છે અને આરોગ્ય સુવિધાઓ પણ વધારવામાં આવી છે. મુખ્યમંત્રીએ જણાવ્યું કે, જોશીમઠના પુનર્નિર્માણ, સુરક્ષા કાર્યો અને અન્ય વિકાસ કાર્યો માટે ₹1700 કરોડની રકમ મંજૂર કરવામાં આવી છે, જેમાંથી ₹292 કરોડનો પ્રથમ હપ્તો ગઈકાલે જારી કરાયો છે. તેમણે આ માટે વડાપ્રધાન અને ગૃહમંત્રીનો આભાર વ્યક્ત કર્યો.

આ પણ વાંચો- પાકિસ્તાની સેનાની રાતોની ઊંઘ ઉડી: LoC પર સતત 10મી રાતે ગોળીબાર, ભારતીય સેનાએ બમણી તાકાતથી આપ્યો જવાબ