ગુજરાતમાં મેઘો મુશળધાર: દાહોદ સહિત 14 જિલ્લાઓમાં અતિ ભારે વરસાદની આગાહી

Extremely Heavy Rain Forecast: ગુજરાતમાં હાલ વરસાદી સિસ્ટમ સક્રિય થઈ છે, જેના કારણે રાજ્યના મોટાભાગના વિસ્તારોમાં હળવાથી લઈને અતિ ભારે વરસાદની સ્થિતિ જોવા મળી રહી છે. હવામાન વિભાગે આજે, 29 જુલાઈ 2025ના રોજ, દાહોદમાં ભારેથી અતિ ભારે વરસાદની આગાહી કરી છે. આ સાથે, રાજ્યના 14 જિલ્લાઓમાં પણ અતિ ભારે વરસાદની ચેતવણી જાહેર કરવામાં આવી છે.

દાહોદમાં મેઘો ભુક્કા બોલાવશે

હવામાન વિભાગના જણાવ્યા મુજબ, દાહોદ જિલ્લામાં આજે મંગળવારે ભારેથી અતિ ભારે વરસાદની શક્યતા છે. આ વરસાદથી જિલ્લામાં પાણી ભરાવવાની અને નીચાણવાળા વિસ્તારોમાં પૂરની સ્થિતિ સર્જાવાની શક્યતા છે. લોકોને સાવચેત રહેવા અને જરૂરી સલામતીના પગલાં લેવા અપીલ કરવામાં આવી છે.

14 જિલ્લાઓમાં અતિ ભારે વરસાદની ચેતવણી

અમદાવાદ સહિત 7 જિલ્લાઓમાં ભારે વરસાદ

અમદાવાદ સહિત 7 જિલ્લાઓમાં આજે ભારે વરસાદની આગાહી કરવામાં આવી છે. આ જિલ્લાઓમાં સાબરકાંઠા, અરવલ્લી, ભરૂચ, સુરેન્દ્રનગર, ભાવનગર અને બોટાદનો સમાવેશ થાય છે. આ વિસ્તારોના રહેવાસીઓને હવામાનની સ્થિતિને ધ્યાનમાં રાખીને સાવચેતી રાખવા અને જરૂરી તૈયારી કરવા હવામાન વિભાગે સૂચન આપ્યું છે.

સલામતીના પગલાં અને સાવચેતી

ભારે વરસાદની આગાહીને ધ્યાનમાં રાખીને, નાગરિકોને સલાહ આપવામાં આવે છે કે નીચાણવાળા વિસ્તારોમાંથી દૂર રહો અને પૂરની શક્યતાવાળી જગ્યાઓ ટાળો, ઘરની બહાર નીકળતા પહેલા હવામાન અપડેટ ચેક કરો, ઈમરજન્સી સેવાઓના નંબર હાથવગા રાખો.

આ પણ વાંચો- ગુજરાતમાં મેઘોનો મહેર: 24 કલાકમાં 145 તાલુકામાં વરસાદ, ઉમરપાડામાં સૌથી વધુ 4.92 ઈંચ