‘2 વર્ષ લાગ્યા પણ...’ PM મોદીને કોચ અમોલ મઝૂમદારે કહી ભારતીય મહિલા ટીમની વર્લ્ડ કપ જીતની રસપ્રદ કહાની, હરમનપ્રીત થઈ ભાવુક – જુઓ VIDEO

Indian Women's Cricket Team PM Modi Meeting: ભારતની મહિલા ક્રિકેટ ટીમે પ્રથમ વખત T20 વર્લ્ડ કપ જીતીને ઇતિહાસ રચ્યો ત્યારે આખો દેશ ખુશીથી ઝૂમી ઉઠ્યો. આ જીતની ખુશીને બમણી કરવા માટે વડાપ્રધાન નરેન્દ્ર મોદીએ બુધવારે ટીમના તમામ ખેલાડીઓ અને કોચિંગ સ્ટાફને પોતાના નિવાસસ્થાને બોલાવ્યા હતા. આ મુલાકાત દરમિયાન ભાવનાઓનો દરિયો ઉભરાઈ આવ્યો, જ્યાં કોચ અમોલ મઝૂમદારે 2 વર્ષની અથાગ મેહનતની વાત કરી તો કેપ્ટન હરમનપ્રીત કૌર 2017ની મુલાકાત યાદ કરીને ભાવુક થઈ ગઈ.

મુલાકાતની શરૂઆતમાં જ મુખ્ય કોચ અમોલ મઝૂમદારે PM મોદીને કહ્યું, “સર, અમે 2 વર્ષથી આ દિવસ માટે લાગેલા હતા. આ છોકરીઓએ અદ્ભુત મેહનત કરી છે. દરેક પ્રેક્ટિસ સેશનમાં તેઓએ જબરદસ્ત તીવ્રતા બતાવી. મેદાન પર પણ એ જ ઊર્જા સાથે રમ્યા. આખરે તેમની મેહનત રંગ લાવી.”

આ પછી કેપ્ટન હરમનપ્રીત કૌરે વાત આગળ વધારી. તેણે કહ્યું, “2017માં અમે તમને મળ્યા હતા ત્યારે ટ્રોફી સાથે નહોતા લાવ્યા. પણ આ વખતે જેના માટે અમે આટલા વર્ષોથી મેહનત કરી રહ્યા હતા, એ ટ્રોફી લઈને આવ્યા છીએ. તમે અમારી ખુશીને બમણી કરી દીધી છે. અમારો ધ્યેય એ જ છે કે આગળ પણ તમને મળતા રહીએ.”

PM મોદીએ જવાબમાં કહ્યું, “તમે ખરેખર ખૂબ મોટું કામ કર્યું છે. ક્રિકેટ હવે માત્ર રમત નથી, લોકોનું જીવન બની ગયું છે. ક્રિકેટમાં સારું થાય તો દેશ ખુશ થાય, અને કંઈક ખરાબ થાય તો આખો દેશ હચમચી જાય. તમે 3 મેચ હાર્યા પછી ટ્રોલ આર્મી તમારી પાછળ પડી ગઈ હતી.”