Closing Bell: ત્રણ દિવસની તેજી બાદ શેરબજારમાં મોટો કડાકો- IT શેરોમાં ધોવાણથી સેન્સેક્સ 756 પોઈન્ટ તૂટ્યો

Closing Bell: ભારતીય શેરબજારમાં છેલ્લા ત્રણ દિવસથી ચાલી આવતી તેજીનો અંત આવ્યો છે. 22 એપ્રિલના રોજ કારોબારના અંતે બજાર લાલ નિશાનમાં બંધ થયું હતું. ખાસ કરીને IT સેક્ટરમાં આવેલી ભારે વેચવાલીએ બજારનો મિજાજ બગાડ્યો હતો, જેના કારણે સેન્સેક્સ અને નિફ્ટી બંને મહત્વના સ્તરોથી નીચે ઉતરી ગયા છે.

બજારની આજની સ્થિતિ

બુધવારના ટ્રેડિંગ સેશનમાં શેરબજારમાં સવારથી જ સુસ્તી જોવા મળી હતી. દિવસના અંતે સંસેક્સ 756.84 પોઈન્ટ (0.95%) ના ઘટાડા સાથે 78,516.49 ના સ્તર પર બંધ રહ્યો હતો. બીજી તરફ, નિફ્ટી 198.50 પોઈન્ટ (0.81%) ગગડીને 24,378.10 ના સ્તર પર સ્થિર થયો હતો. નિફ્ટીએ 24,400ની મહત્વની સપાટી ગુમાવી છે, જે રોકાણકારો માટે ચિંતાનો વિષય છે.

IT શેરોમાં ભારે વેચવાલીનું દબાણ

આજના ટોપ લુઝર્સ

HCL Technologies

Tech Mahindra

Infosys

TCS

M&M

મિડકેપ અને સ્મોલકેપમાં જોવા મળી હરિયાળી

જોકે, મોટા શેરોમાં ઘટાડો હોવા છતાં નાના અને મધ્યમ કદના શેરોમાં તેજી જોવા મળી હતી. નિફ્ટી મિડકેપ ઇન્ડેક્સમાં 0.2% નો વધારો થયો હતો, જ્યારે સ્મોલકેપ ઇન્ડેક્સ 1% થી વધુ વધીને બંધ રહ્યો હતો. આ દર્શાવે છે કે રોકાણકારો હજુ પણ નાના શેરોમાં રસ દાખવી રહ્યા છે.

આજના ટોપ ગેનર્સ

Tata Consumer Products

Hindustan Unilever

Tata Motors Passenger Vehicles

NTPC

Hindalco Industries

સેક્ટર મુજબ બજારની ચાલ

જ્યાં એકતરફ IT અને બેંકિંગમાં ઘટાડો હતો, ત્યાં બીજી તરફ ઓઇલ એન્ડ ગેસ, FMCG, મીડિયા, મેટલ અને રિયલ્ટી જેવા સેક્ટરમાં પોઝિટિવ મૂવમેન્ટ જોવા મળી હતી. આ તમામ સેક્ટરમાં અંદાજે 0.4% નો સુધારો નોંધાયો હતો.

બજારમાં આવેલો આ ઘટાડો ત્રણ દિવસની તેજી પછીનું કરેક્શન માનવામાં આવી રહ્યું છે. હવે જોવાનું એ રહેશે કે આગામી દિવસોમાં આઈટી શેરોમાં રિકવરી આવે છે કે વેચવાલીનું દબાણ ચાલુ રહે છે. રોકાણકારોએ હાલ સાવચેતીપૂર્વક આગળ વધવાની સલાહ આપવામાં આવે છે.

આ પણ વાંચો-Nifty IT ઇન્ડેક્સ 5% તૂટ્યો: HCL Tech 11% ઘટ્યો, જાણો અન્ય શેર્સની શું છે હાલત