BHEL Share Price: 207 કરોડની GST નોટિસ રદ થતાં જ BHELના શેરમાં 3.60%નો ઉછાળો! Q2માં નફો બમણો થતાં રોકાણકારો ગેલમાં

BHEL Share Price: સરકારી કંપની ભારત હેવી ઈલેક્ટ્રિકલ્સ લિમિટેડ (BHEL)ને GST મામલે મોટી રાહત મળતા આજે શેરબજારમાં કંપનીના શેરોએ તેનો જશ્ન મનાવ્યો હતો. તેલંગાણાના કોમર્શિયલ ટેક્સ વિભાગે નાણાકીય વર્ષ 2022-23 માટે કંપની સામેની 207.26 કરોડની GST ડિમાન્ડને સંપૂર્ણપણે રદ કરી દીધી છે. કંપનીએ 9 નવેમ્બરના રોજ સ્ટોક એક્સચેન્જ ફાઈલિંગમાં આ રાહતની જાણકારી આપી હતી.

આ પોઝિટિવ સમાચાર બાદ આજે બજાર ખુલતાની સાથે જ BHEL ના શેર ચમકી ઉઠ્યા હતા અને BSE પર 3.60% ઉછળીને 437.20 પર પહોંચી ગયા હતા. જોકે, ઊંચા મથાળે હળવી નફાવસૂલી (Profit Booking) જોવા મળતા હાલમાં આ શેર 3.01% ના વધારા સાથે 434.70 પર ટ્રેડ કરી રહ્યો છે.

ટેક્સ સત્તાવાળાઓએ સપ્ટેમ્બર 2025 માં BHEL ને 3 નાણાકીય વર્ષો માટે GST સંબંધિત કારણદર્શક નોટિસ (Show Cause Notice) ફટકારી હતી. આ નોટિસ દ્વારા સરકારી કંપની પાસેથી કુલ 586.43 કરોડની ટેક્સ ડિમાન્ડ કરવામાં આવી હતી, જેની વિગત નીચે મુજબ છે:

નાણાકીય વર્ષ 2021-22 (FY22): 184.55 કરોડની ડિમાન્ડ હતી. કંપનીએ જાન્યુઆરી 2026 માં માહિતી આપી હતી કે આમાંથી 183.77 કરોડની GST ડિમાન્ડ રદ થઈ ગઈ છે.

નાણાકીય વર્ષ 2022-23 (FY23): 207.26 કરોડની ડિમાન્ડ હતી, જે હવે સંપૂર્ણપણે રદ કરી દેવામાં આવી છે.

નાણાકીય વર્ષ 2023-24 (FY24): 194.62 કરોડની ટેક્સ ડિમાન્ડનો આ એકમાત્ર મામલો હવે બાકી છે, જેની હાલમાં સુનાવણી ચાલી રહી છે. કંપનીને પૂરી આશા છે કે અગાઉના બંને કેસોની જેમ આ મામલાનો પણ કંપનીની તરફેણમાં જ નિકાલ આવશે.

કેવી છે કંપનીની નાણાકીય સ્થિતિ? Q2 માં નફો બમણાથી વધુ વધ્યો

BHEL માટે સપ્ટેમ્બર ક્વાર્ટર (Q2) ખૂબ જ ધમાકેદાર રહ્યું છે:

આવક અને નફો: સપ્ટેમ્બર 2026 ક્વાર્ટરમાં કંપનીનું રેવન્યુ વાર્ષિક ધોરણે 23.8% વધીને 9,300 કરોડ પર પહોંચી ગયું છે. જ્યારે કંપનીનો ચોખ્ખો નફો (Net Profit) બમણા કરતા પણ વધુ ઉછળીને 368 કરોડથી સીધો 810 કરોડ પર પહોંચી ગયો છે.

EBITDA અને માર્જિન: ઓપરેટિંગ લેવલ પર કંપનીનો EBITDA પણ 77% વધીને 1,026 કરોડ થયો છે અને EBITDA માર્જિન 7.7% થી સુધરીને 11% થઈ ગયું છે.

સેગમેન્ટ મુજબ પ્રદર્શન: પાવર ડિવિઝનનું રેવન્યુ 16.95% વધીને 6,637.9 કરોડ અને ઈન્ડસ્ટ્રી સેગમેન્ટનું રેવન્યુ 45% ના મોટા ઉછાળા સાથે 2,662.5 કરોડ રહ્યું છે.

6 મહિનામાં 93.77% નું તગડું રિટર્ન, કેવી રહી શેરની ચાલ?

BHEL ના શેરોએ ખૂબ જ ઓછા સમયમાં રોકાણકારોને તાબડતોડ રિટર્ન આપ્યું છે. 6 એપ્રિલ 2026 ના રોજ BSE પર આ શેર 239.25 ના ભાવ પર હતો, જે તેનું 1 વર્ષનું સૌથી નીચલું સ્તર (52-Week Low) છે. આ નીચલા સ્તરેથી BHEL ના શેરોએ રોકેટ ગતિએ રિકવરી કરી અને માત્ર 6 જ મહિનામાં 93.77% ઉછળીને 14 ઓક્ટોબર 2026 ના રોજ 453.60 ના ભાવ પર પહોંચી ગયો હતો, જે આ શેરનું 1 વર્ષનું રેકોર્ડ હાઈ લેવલ (52-Week High) છે.

આ પણ વાંચો - IIFL Finance Share Price: Blackstoneનું નામ જોડાતા જ રોકેટ બન્યા આ NBFC કંપનીના શેર! બજાર ખુલતા જ 11%નો ઉછાળો, ભાવ 880 સુધી જવાની આગાહી

(ડિસ્ક્લેમર: અહીં આપવામાં આવેલી માહિતી માત્ર જાણકારીના હેતુથી આપવામાં આવી રહી છે. શેરબજારમાં રોકાણ બજારના જોખમોને આધીન છે. રોકાણકાર તરીકે પૈસા રોકતા પહેલા હંમેશા સર્ટિફાઈડ ફાઈનાન્શિયલ એક્સપર્ટની સલાહ અવશ્ય લો.)