Stocks to Watch: એક્સપાયરીના દિવસે માર્કેટમાં મોટી હલચલ, HDFC Bank, Yes Bank અને SIS સહિત આ શેરો પર રહેશે નજર

Stocks to Watch : આંતરરાષ્ટ્રીય બજારોમાંથી મળી રહેલા મિશ્ર સંકેતો અને કાચા તેલના ભાવમાં નરમાશ વચ્ચે આજે ભારતીય શેરબજારમાં સુસ્ત શરૂઆત થવાના એંધાણ છે. ગિફ્ટ નિફ્ટી હાલમાં 22 પોઈન્ટ એટલે કે 0.09% ના મામૂલી વધારા સાથે 23,976.00 ના સ્તર પર ટ્રેડ થઈ રહ્યો છે.

આજે માર્કેટમાં ભારે ઉતાર-ચઢાવ જોવા મળી શકે છે, કારણ કે આજે નિફ્ટી અને બેન્ક નિફ્ટી સહિત ઘણા F&O શેરોની મંથલી એક્સપાયરી છે. ગઈકાલના આંકડાઓ પર નજર કરીએ તો સેન્સેક્સ 372.10 પોઈન્ટ ઘટીને 76,728.37 પર અને નિફ્ટી 50 ઈન્ડેક્સ 109.75 પોઈન્ટના ઘટાડા સાથે 23,946.25 પર બંધ થયો હતો.

આજે અમુક ખાસ કોર્પોરેટ એક્ટિવિટીના કારણે કેટલાક શેરોમાં જબરદસ્ત એક્શન જોવા મળી શકે છે. ચાલો જાણીએ આજે કયા શેરો પર તમારે ખાસ નજર રાખવી જોઈએ.

આજે આ કંપનીઓના પરિણામ આવશે

Stocks in Focus

HDFC Bank અને Axis Bank

HDFC બેન્કના બોર્ડે રાજીવ કુમારને એડિશનલ ડિરેક્ટર અને રિઝર્વ બેન્કની મંજૂરી બાદ પાર્ટ ટાઈમ ચેરમેન તરીકે મંજૂરી આપી છે. આ સાથે મોટો ફેરફાર એ છે કે, એક્સિસ બેન્કના CFO પુનિત શર્માએ 31 ઓગસ્ટથી રાજીનામું આપ્યું છે અને તેઓ હવે 1 સપ્ટેમ્બરથી HDFC બેન્કમાં નવા CFO તરીકે જોડાશે.

Yes Bank

ફંડિંગની જરૂરિયાત પૂરી કરવા યસ બેન્ક બોર્ડે ઈક્વિટી શેર દ્વારા 7,500 કરોડ અને ડેટ સિક્યોરિટીઝ દ્વારા 8,500 કરોડ ઉભા કરવાના પ્રસ્તાવને લીલી ઝંડી આપી દીધી છે.

SIS

સિક્યોરિટી કંપની SIS ના બોર્ડે 120 કરોડ સુધીના શેર બાયબેક (Share Buyback) ને મંજૂરી આપી છે. 2017 માં લિસ્ટિંગ થયા બાદ કંપનીનું આ પાંચમું બાયબેક છે.

Bandhan Bank અને Juniper Hotels

બંને કંપનીઓના ટોચના મેનેજમેન્ટમાં ફેરફાર છે. બંધન બેન્કના CFO રાજીવ મંત્રીએ અને જુનિપર હોટેલ્સના CFO તરુણ જેટલીએ નવા વિકલ્પોની શોધમાં પોતાના પદ પરથી રાજીનામું આપ્યું છે.

Engineers India

પેટ્રોલિયમ અને કુદરતી ગેસ મંત્રાલય દ્વારા અતુલ ગુપ્તાને કંપનીના ચેરમેન અને મેનેજિંગ ડિરેક્ટર (CMD) તરીકે નિયુક્ત કરવામાં આવ્યા છે.

SJVN

કંપનીએ ગુજરાત ઉર્જા વિકાસ નિગમ (GUVNL) સાથે હિમાચલ પ્રદેશના ત્રણ મોટા હાઇડ્રો પ્રોજેક્ટમાંથી વીજળી સપ્લાય કરવા માટે પાવર પરચેઝ એગ્રીમેન્ટ (PPA) કર્યા છે.

Sterling and Wilson

કંપનીએ હસન અલ્લામ કન્સ્ટ્રક્શન સાથે મળીને ઈજિપ્તમાં સોલર પાવર પ્રોજેક્ટ માટે 5 કરોડ ડોલરનો મોટો ઓર્ડર મેળવ્યો છે.

Jagsonpal Pharmaceuticals

આ ફાર્મા કંપનીએ મુંબઈ સ્થિત ઇક્વિટાસ હેલ્થકેરમાં 85% હિસ્સો ખરીદવા માટે 20.8 કરોડનો મહત્વનો કરાર કર્યો છે.

Crest Ventures

કંપનીની સબસિડિયરી SHPL એ મુંબઈના દાદર વિસ્તારમાં મોટા રીડેવલપમેન્ટ પ્રોજેક્ટ માટે ડેવલપમેન્ટ એગ્રીમેન્ટ રજીસ્ટર કરાવ્યો છે.

RITES અને CONCOR

RITES અને કન્ટેનર કોર્પોરેશન ઓફ ઈન્ડિયા વચ્ચે ટર્મિનલ ડેવલપમેન્ટ પ્રોજેક્ટ માટે ખાસ MOU સાઈન થયા છે.

Afcons Infrastructure

કંપનીના બોર્ડે નાણાકીય વર્ષ 2026 માટે શેરદીઠ 2 ના ફાઈનલ ડિવિડન્ડની જાહેરાત કરી છે, જેની રેકોર્ડ ડેટ 23 જુલાઈ રાખવામાં આવી છે.

મોટી બલ્ક અને બ્લોક ડીલ્સ

શેરબજારમાં આજે કેટલાક શેરોમાં મોટા પાયે સોદાઓ થયા છે:

Goodluck India

સેજવન-ફ્લેગશિપ ફંડે 1420 ના ભાવે 35.5 કરોડના શેર ખરીદ્યા છે, જ્યારે પ્રમોટર મનીષ ગર્ગે 41.2 કરોડના શેર વેચ્યા છે.

MCX

UTI મ્યુચ્યુઅલ ફંડે મલ્ટી કોમોડિટી એક્સચેન્જ (MCX) ના 14.65 લાખ શેર 425.01 કરોડમાં ખરીદ્યા છે.

Indo Tech Transformers

IIFL એસેટ મેનેજમેન્ટે પ્રમોટર પાસેથી 59.7 કરોડમાં 1.88% હિસ્સો ખરીદ્યો છે.

Pondy Oxides

પ્રમોટર મંજુ બંસલે 114.32 કરોડના શેર વેચ્યા છે, જેની સામે ICICI પ્રુડેન્શિયલ મ્યુચ્યુઅલ ફંડે 59.94 કરોડના શેર ખરીદ્યા છે.

આ ઉપરાંત Bliss GVS Pharma, Ramco Systems, અને Shankara Building Products માં પણ મોટી લે-વેચ જોવા મળી છે.

એક્સ-ડિવિડન્ડ અને એક્સ-ડેટ

આજે રોકાણકારોએ ડિવિડન્ડ અને બાયબેક વાળા શેરો પર પણ નજર રાખવી જોઈએ. આજે બજાજ ફિનસર્વ, બજાજ હોલ્ડિંગ્સ એન્ડ ઇન્વેસ્ટમેન્ટ, બજાજ ફાઇનાન્સ, મહારાષ્ટ્ર સ્કૂટર્સ અને વેલસ્પન કોર્પના શેર એક્સ-ડિવિડન્ડ તરીકે ટ્રેડ થશે. આ સાથે પટેલ ઇન્ટિગ્રેટેડ લોજિસ્ટિક્સના બાયબેકની પણ આજે એક્સ-ડેટ છે.

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.

આ પણ વાંચો-Stock Market Today : બજાર પર આજે આ ખબરોનું દેખાશે અસર, કોઈ ટ્રેડ લેતા પહેલા જાણી લો માર્કેટને અસર કરતાં આ સંકેતો