Closing Bell : શેરબજારમાં બુલ્સની જોરદાર વાપસી, સેન્સેક્સ 941 પોઈન્ટ ઉછળ્યો, નિફ્ટી 24300ની ઉપર બંધ

Closing Bell : ભારતીય શેરબજારમાં લાંબા સમય બાદ ફરી એકવાર 'બુલ્સ'ની વાપસી થતી જોવા મળી છે. 6 મેના રોજ કારોબારના અંતે બજારમાં સર્વત્ર હરિયાળી જોવા મળી હતી. પાવર અને FMCG સેક્ટરને બાદ કરતાં લગભગ તમામ સેક્ટરમાં રોકાણકારોએ આક્રમક ખરીદી કરી હતી, જેના કારણે મુખ્ય ઇન્ડેક્સ મજબૂત વધારા સાથે બંધ થયા છે.

બજારના મુખ્ય આંકડાઓ

સોમવારે ટ્રેડિંગ સત્રના અંતે, બોમ્બે સ્ટોક એક્સચેન્જનો મુખ્ય ઇન્ડેક્સ સેન્સેક્સ 940.73 પોઈન્ટ અથવા 1.22% વધીને 77,958.52 પર બંધ થયો હતો. તેવી જ રીતે, નેશનલ સ્ટોક એક્સચેન્જનો નિફ્ટી 298.15 પોઈન્ટ અથવા 1.24% ના વધારા સાથે 24,330.95 ની સપાટી પર સ્થિર થયો હતો.

બજારની મજબૂતીનો અંદાજ એ વાત પરથી લગાવી શકાય છે કે આજે લગભગ 2755 શેરો વધારા સાથે બંધ થયા હતા, જ્યારે 1287 શેરોમાં ઘટાડો નોંધાયો હતો. આ સિવાય 161 શેરોના ભાવમાં કોઈ ફેરફાર જોવા મળ્યો નથી.

નિફ્ટીમાં આજે સૌથી વધુ કમાણી કરનારા શેરોમાં આ યાદીનો સમાવેશ થાય છે.

ઇન્ટરગ્લોબ એવિએશન (IndiGo)

ટ્રેન્ટ (Trent)

ટાટા મોટર્સ પેસેન્જર વ્હીકલ્સ

શ્રીરામ ફાઇનાન્સ

એશિયન પેઇન્ટ્સ

બીજી તરફ, તેજીના માહોલમાં પણ કેટલાક શેરોમાં વેચવાલી જોવા મળી હતી. જેમાં ONGC, L&T, રિલાયન્સ ઇન્ડસ્ટ્રીઝ, પાવર ગ્રીડ કોર્પોરેશન અને NTPC ઘટાડા સાથે બંધ રહ્યા હતા.

સેક્ટર મુજબ દેખાવ

આજના કારોબારમાં મિડકેપ અને સ્મોલકેપ ઇન્ડેક્સમાં પણ જોરદાર ખરીદી જોવા મળી હતી, જેમાં લગભગ 2% નો ઉછાળો નોંધાયો હતો.

સેક્ટરોની વાત કરીએ તો પાવર, FMCG અને એનર્જી સિવાયના તમામ ઇન્ડેક્સ લીલા નિશાનમાં બંધ થયા છે. ઓટો, મીડિયા, પ્રાઈવેટ બેંક, પીએસયુ બેંક, રિયલ્ટી, મેટલ અને ફાર્મા સેક્ટરમાં 1 થી 2% સુધીનો વધારો જોવા મળ્યો હતો.

પાવર અને એફએમસીજી સિવાયના સેક્ટરોમાં આવેલી ખરીદીએ બજારને નવી ઊંચાઈ પર પહોંચાડ્યું છે. નિફ્ટીએ 24,300 ની મહત્વની સપાટી કુદાવી છે, જે આગામી દિવસોમાં બજાર માટે સકારાત્મક સંકેત માનવામાં આવી રહ્યો છે.

આ પણ વાંચો-Arvind Fashions Share Price: ખોટમાંથી નફામાં આવી કંપની, શેરના ભાવમાં 10% થી વધુનો જોરદાર ઉછાળો, જાણો Q4 ના પરિણામોની પૂરી વિગત