Daily Voice: બેંકિંગ શેરોમાં રોકાણની સારી તક, નાણાકીય 2024 ના અંત સુધીમાં નિફ્ટી 25000 જવાની આશા

Daily Voice: ભારતીય બજાર સ્ટ્રક્ચરલ બુલ રન માટે તૈયાર છે. ભારતીય બજારને દેશના ડેમોગ્રાફિક અને ડેમોક્રેટિક ડિવિડન્ડનો લાભ મળશે. જેના કારણે નિફ્ટી 2024ના અંત સુધીમાં 25000ના સ્તરને સ્પર્શતો જોવા મળી શકે છે. બીજા ક્વાર્ટરમાં એગ્રી કોમોડિટીઝ સિવાયના બધા સેક્ટરોની કોર્પોરેટ અર્નિંગમાં મજબૂતી જોવા મળશે. બેન્કિંગને બાદ કરતાં, બજારે વર્તમાન સ્તરે મોટા ભાગના ક્ષેત્રોના વિકાસના અંદાજોને પચાવી લીધા છે. અમે માનીએ છીએ કે વર્તમાન સ્તરે બેન્કિંગ સેક્ટરના શેરોમાં રોકાણની સારી તકો છે. આશિકા ગ્લોબલ ફેમિલી ઓફિસ સર્વિસિસના કો-ફાઉન્ડર અમિત જૈને મનીકંટ્રોલ સાથેની વાતચીતમાં આ વાત કહી છે.

બેંકિંગ શેરોમાં સારી રોકાણની આશા

અમિત જૈને વધુમાં જણાવ્યું હતું કે ભારત જેવી મજબૂત જીડીપી ગ્રોથ અને લોકતાંત્રિક પ્રણાલીની મજબૂતીનો સમન્વય વિશ્વના અન્ય કોઈ દેશમાં તમને જોવા નહીં મળે. આ સિવાય વિશ્વનો સૌથી વધુ બચત દર પણ ભારતને ખાસ બનાવે છે. ભારતીય શેરબજાર તેના ડેમોગ્રાફિક અને ડેમોક્રેટિક ડિવિડન્ડને કારણે માળખાકીય બુલ રન માટે તૈયાર છે.

આવનાર ત્રણ વર્ષમાં રિયલ્ટી એસ્ટેટમાં તેજી રહેશે યથાવત

રિયલ્ટી એસ્ટેટ સેક્ટર પર વાત કરતા અમિતે કહ્યુ કે કોવિડ પછીના સમયગાળામાં, અમે સમગ્ર વિશ્વમાં રિયલ એસ્ટેટ ક્ષેત્રમાં અચાનક તેજી જોઈ છે. એસેટ ક્લાસ તરીકે રિયલ એસ્ટેટમાં આવેલી આ તેજીએ ભારતીય રિયલ એસ્ટેટ માર્કેટ પર પણ સકારાત્મક અસર કરી છે. અમિત માને છે કે રિયલ એસ્ટેટમાં આ તેજી ઓછામાં ઓછા આગામી ત્રણ વર્ષ સુધી ચાલુ રહેશે.

Trade Spotlight: ગુરૂવારે આ 3 સ્ટૉકમાં થઈ જોરદાર કમાણી, શું આગળ તેમાં બની રહેવુ કે નિકળી જવુ?

એનએસઈના રિયલ એસ્ટેટ ઇન્ડેક્સે છેલ્લા 6 મહિનામાં લગભગ 33 ટકા વળતર આપ્યું છે. સમગ્ર ભારતમાં રિયલ એસ્ટેટ કંપનીઓમાં મજબૂત ગ્રોથની આ અસર છે. મધ્યમથી લાંબા ગાળામાં, અમે એફોર્ડેબલ હાઉસિંગ ફાઇનાન્સથી જોડાયેલી કંપનીઓમાં પણ સારી તેજી જોવાને મળશે.

ચીનની અર્થવ્યવસ્થા ડિફ્લેશનરી ચક્રમાં, દુનિયાભરમાં દેખાશે અસર

ચીનની આર્થિક સ્થિતિ વિશે વાત કરતાં અમિતે કહ્યું કે પબ્લિક ડોમેનમાં ઉપલબ્ધ ડેટા પરથી એવું લાગે છે કે ચીનની અર્થવ્યવસ્થા ડિફ્લેશનરી સાઇકલ (deflationary cycle) માં અટવાયેલી છે. છેલ્લા 20 વર્ષમાં આવું જોવા મળ્યું નથી. જો ચીનની અર્થવ્યવસ્થા આ ચક્રમાંથી જલ્દી બહાર નહીં આવે તો તેની અસર વિશ્વની તમામ અર્થવ્યવસ્થા પર પડશે. તાજેતરમાં, ચીનની સેન્ટ્રલ બેંકે અર્થતંત્રને વેગ આપવા માટે વ્યાજ દરમાં 15 બીપીએસનો ઘટાડો કર્યો હતો. મધ્યમથી લાંબા ગાળે તેની સકારાત્મક અસર પડશે.

આવનાર 6 થી 9 મહીનામાં ઠંડી પડી જશે મોંઘવારી

અમિત જૈનની સલાહ છે કે ભારતમાં મોંઘવારી આવનાર 6 થી 9 મહીનામાં ઠંડી પડી જશે. હવેથી મોટાભાગની શાકભાજીના ભાવ નીચે આવવા લાગ્યા છે. આ સિવાય સપ્ટેમ્બરની પોલિસી મીટિંગમાં વ્યાજ દરો પર આરબીઆઈનું વલણ યુએસ ફેડની કાર્યવાહીથી પ્રભાવિત થશે. આ સિવાય બેન્ક ઓફ જાપાન અને અન્ય યુરોપિયન સેન્ટ્રલ બેન્કોની કાર્યવાહીની અસર પણ સપ્ટેમ્બરમાં આરબીઈના નિર્ણય પર જોવા મળશે.

ઑટો સેક્ટરના મુકાબલે બેંકિંગ સેક્ટર વધારે સારૂ

ઓટો સેક્ટર પર પોતાનો અભિપ્રાય આપતા અમિતે કહ્યું કે એનએસઈ ઓટો ઈન્ડેક્સે છેલ્લા છ મહિનામાં 17% વળતર આપ્યું છે. આટલી મજબૂત તેજી પછી, અમે ટૂંકાથી મધ્યમ ગાળામાં આ સેક્ટરમાં કેટલાક કરેક્શન અથવા કોન્સોલિડેશન જોઈ શકીએ છીએ. હાલમાં, ફુગાવો ઊંચો છે અને મોટાભાગના ભારતીયો તેમની હોમ લોન માટે ઊંચી ઈએમઆઈ ચૂકવી રહ્યા છે. આવી સ્થિતિમાં, ભારતીય પરિવારો પાસે ગૈર-જરૂરી ખર્ચે (discretionary consumptions) માટે વધુ પૈસા બચતા નથી.

ઓટો સેક્ટરે ટૂંકા ગાળામાં જબરદસ્ત વૃદ્ધિ દર્શાવી છે. હવે તેમાં સુધારા કે કોન્સોલિડેશનની આશા છે. કોઈપણ કોન્સોલિડેશન અથવા કરેક્શનમાં ઓટો શેરોમાં લાંબા ગાળાના નજરિયામાં ખરીદીની તકો ઊભી થશે. અમિતે એમ પણ કહ્યું કે આ સમયે તે ઓટો સેક્ટર કરતાં બેન્કિંગ સેક્ટરમાં વધુ સારી દેખાઈ રહ્યો છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.