FII-DII Data: 18 સપ્ટેમ્બરે FIIsની ₹600 કરોડની ખરીદી, DIIsનો ₹1,020 કરોડનો રોકાણ પ્રવાહ

18 સપ્ટેમ્બરના રોજ ભારતીય શેરબજારમાં વિદેશી સંસ્થાકીય રોકાણકારો (FIIs/FPIs) નેટ બાયર રહ્યા હતા. એક્સચેન્જના ડેટા અનુસાર, FIIsએ કેશ માર્કેટમાં ₹599.54 કરોડની નેટ ખરીદી કરી હતી. બીજી તરફ, ડોમેસ્ટિક ઇન્સ્ટિટ્યૂશનલ ઇન્વેસ્ટર્સ (DIIs)એ ₹1,019.69 કરોડની નેટ ખરીદી કરી હતી.

18 સપ્ટેમ્બરના સેશન દરમિયાન FIIsએ કુલ ₹38,461.63 કરોડના શેર ખરીદ્યા અને ₹37,862.09 કરોડના શેર વેચ્યા હતા. જ્યારે DIIsએ ₹17,310.04 કરોડના શેર ખરીદ્યા અને ₹16,290.35 કરોડના શેર વેચ્યા હતા.

બજારની સ્થિતિ

શુક્રવારે ભારતીય શેરબજારમાં મિશ્ર વલણ જોવા મળ્યું હતું. નિફ્ટી 50 0.3 ટકા વધીને 23,346ના સ્તરે બંધ થયો, જે સતત ત્રીજા સેશનમાં તેની તેજી રહી. જોકે, બીએસઈ સેન્સેક્સ મામૂલી ઘટાડા સાથે બંધ થયો. બ્રોડર માર્કેટમાં મજબૂત ખરીદી જોવા મળી હતી. નિફ્ટી મિડકેપ 100માં 1.2 ટકા અને નિફ્ટી સ્મોલકેપ 100માં 1.7 ટકાનો ઉછાળો નોંધાયો હતો. સાથે જ ઈન્ડિયા વીઆઈએક્સમાં 7.5 ટકાનો ઘટાડો થયો હતો, જે બજારમાં વોલેટિલિટી ઘટી હોવાનું દર્શાવે છે.

સેક્ટર મુજબ સિમેન્ટમાં 1.9 ટકા, મેટલ્સમાં 1.5 ટકા અને મીડિયામાં 1.3 ટકાનો વધારો થયો હતો. બીજી તરફ, આઈટી ઇન્ડેક્સ 1 ટકા ઘટ્યો હતો. ઊંચા વૈશ્વિક બોન્ડ યીલ્ડ અને અમેરિકાની મોનેટરી પોલિસીને લઈને ચિંતાઓ વચ્ચે આઈટી શેરો પર દબાણ રહ્યું હતું.

બજાર અંગે નિષ્ણાતનો અભિપ્રાય

મોતીલાલ ઓસવાલ ફાઈનાન્સ સર્વિસિઝના હેડ ઑફ રિસર્ચ, વેલ્થ મેનેજમેન્ટ, સિદ્ઘાર્થ ખેમકાના જણાવ્યા અનુસાર, છેલ્લા ત્રણ સેશનમાં ભારતીય બજારમાં રાહત જોવા મળી છે. બ્રેન્ટ ક્રૂડના ભાવમાં ઘટાડો અને સાઉદી પાઈપલાઈન રિપેર્સમાં પ્રગતિ તેમજ વૈકલ્પિક એક્સપોર્ટ રૂટ્સને કારણે લાંબા સમય સુધી સપ્લાય ડિસરૂપ્શન રહેવાની ચિંતા ઓછી થઈ છે.

તેમણે જણાવ્યું કે ફેડની બેઠક બાદ ટ્રેઝરી યિલ્ડ્સમાં ઘટાડો, ક્રૂડના ભાવમાં નરમાઈ અને મજબૂત સ્થાનિક લિક્વિડીટીને કારણે બજારમાં સાવચેતીભર્યું પોઝિટિવ વલણ જળવાઈ શકે છે. જોકે, બ્રેન્ટ હજુ પણ $100 પ્રતિ બેરલથી ઉપર, રૂપિયો લગભગ ₹96 પ્રતિ ડૉલર અને જીયોપોલિટીકલ ટેંશન્સ, ગ્લોબલ બોન્ડ યિલ્ડ્સ તથા ફોર્જિંગ ઈન્વેસ્ટર ફ્લોસ જેવા પરિબળો બજાર માટે મહત્વના જોખમ બની રહ્યા છે.

ભારતના ફોરેક્સ રિઝર્વમાં વધારો

ભારતની બાહ્ય સ્થિતિમાં પણ સુધારો જોવા મળ્યો છે. ભારતના ફોરેક્સ રિઝર્વ વધીને રેકોર્ડ $785.7 બિલિયન થયા છે. આરબીઆઈના પગલાંથી થયેલા ડૉલર ઇન્ફ્લોએ પણ તેમાં મદદ કરી છે.

આ ઉપરાંત, જુલાઈમાં ભારતની યુએસ ટ્રેઝરીમાં નેટ ખરીદી વધીને રેકોર્ડ $15.2 બિલિયન થઈ હતી, જે જૂનમાં $3.39 બિલિયન હતી. આથી રૂપિયામાં થતી અસ્થિરતા સામે ભારતને વધુ કુશન મળ્યું હોવાનું માનવામાં આવે છે.

વૈશ્વિક બજારમાં મોનેટરી પોલિસી પર નજર

વૈશ્વિક સ્તરે પણ મોનેટરી પોલિસી રોકાણકારો માટે મહત્વનો મુદ્દો બની રહી છે. બેંક ઑફ જાપાનએ વ્યાજદરમાં 25 બેસિસ પોઈન્ટ્સનો વધારો કરીને તેને 1.25 ટકા કર્યો, જે 31 વર્ષનું ઊંચું સ્તર છે.

બીજી તરફ, બેન્ક ઑફ ઈન્ગ્લેન્ડએ વ્યાજદર 3.75 ટકા પર યથાવત રાખ્યો હતો. એનર્જી પ્રાઈઝિસને કારણે ઈન્ફ્લેશન ઊંચી રહે તો નજીકના સમયમાં વ્યાજદરમાં વધારો થઈ શકે તેવો સંકેત પણ મળ્યો છે. મુખ્ય વૈશ્વિક કેન્દ્રીય બેંકોના આ હોકિસ વલણ અને ઊંચા એનર્જી પ્રાઈઝિસને કારણે ઈન્ફ્લેશનની ચિંતા વચ્ચે ગ્લોબલ બોન્ડ યિલ્ડ્સ અને કરન્સી માર્કેટમાં અસ્થિરતા ચાલુ રહી શકે છે.

હવે કયા ડેટા પર રહેશે નજર?

આગામી સમયમાં રોકાણકારોની નજર ભારતના સપ્ટેમ્બર ફ્લેસ પીએમઆઈ, ઓગસ્ટના ઈન્ફ્રાસ્ટ્રક્ચર આઉટપુટ, ફોરેક્સ રિઝર્વ અને બેન્ક ક્રેડિટ ગ્રોથ જેવા આંકડા પર રહેશે. વૈશ્વિક બજારમાં યુએસ ઈન્ડસ્ટ્રીયલ પ્રોડક્શન, કંઝ્યુમર સેન્ટિમેન્ટ અને ચાઈનાના લોન પ્રાઈમ રેટ (LPR)ના નિર્ણય પર પણ રોકાણકારોની નજર રહેશે.