Global Market: વૈશ્વિક બજારોમાં આજે મિશ્ર માહોલ જોવા મળી રહ્યો છે. એક તરફ અમેરિકી બજારોમાં તેજીનો નવો રેકોર્ડ બન્યો છે, તો બીજી તરફ એશિયન બજારોમાં ગાબડું પડ્યું છે. ગિફ્ટ નિફ્ટી પણ 220 પોઈન્ટના ઘટાડા સાથે ટ્રેડ કરી રહ્યો છે, જે ભારતીય શેરબજાર માટે નબળી શરૂઆતના સંકેત છે.
Global Market: ગ્લોબલ માર્કેટમાં ઉથલપાથલ, એશિયન બજારોમાં કડાકો અને ક્રૂડ ઓઈલ 102 ડોલરને પાર
ગ્લોબલ માર્કેટમાં તણાવ વધતા એશિયન બજારોમાં ગાબડું પડ્યું છે. ગિફ્ટ નિફ્ટી 200 પોઈન્ટ નીચે ટ્રેડ કરી રહ્યો છે, જ્યારે ટેસ્લાએ શાનદાર પરિણામો જાહેર કર્યા છે. જાણો બજારની લેટેસ્ટ સ્થિતિ.
અપડેટેડ 08:47:20 AM Apr 23, 2026 પર
અમેરિકામાં તેજી હોવા છતાં એશિયામાં નરમાશ છે. જાપાનનો નિક્કેઈ 1.16% ઘટીને 58,895 ના સ્તર પર ટ્રેડ કરી રહ્યો છે. સ્ટ્રેટ ટાઈમ્સમાં 0.91% અને હેંગસેંગમાં 0.75% નો ઘટાડો નોંધાયો છે.
વોલ સ્ટ્રીટમાં તેજીનો રેકોર્ડ
બુધવારે અમેરિકી શેરબજારમાં શાનદાર ઉછાળો જોવા મળ્યો હતો. S&P 500 અને Nasdaq ઈન્ડેક્સ નવી ઐતિહાસિક ઉંચાઈએ બંધ થયા હતા. અમેરિકા અને ઈરાન વચ્ચે સીઝફાયર વધવાની આશા અને કંપનીઓના સારા ત્રિમાસિક પરિણામોએ બજારને ટેકો આપ્યો હતો. નાસ્ડેક 1.64% અને ડો જોન્સ 0.69% વધીને બંધ થયા હતા. ટેક કંપનીઓ જેવી કે Nvidia, Microsoft અને Apple ના શેરોમાં પણ સારી તેજી જોવા મળી હતી.
ટેસ્લાના પરિણામો અને ભવિષ્યનું પ્લાનિંગ
એલોન મસ્કની કંપની ટેસ્લાએ પ્રથમ ક્વાર્ટરમાં અપેક્ષા કરતા સારો નફો કર્યો છે. કંપનીનો નફો વાર્ષિક ધોરણે 17% વધીને 477 મિલિયન ડોલર થયો છે. ટેસ્લાના CFO વૈભવ તનેજાએ જણાવ્યું કે કંપની હવે આર્ટિફિશિયલ ઇન્ટેલિજન્સ (AI), રોબોટિક્સ અને ઓટોનોમસ ટ્રાન્સપોર્ટમાં મોટું રોકાણ કરવા જઈ રહી છે. આ વર્ષે કંપનીનું કેપિટલ ખર્ચનું અનુમાન વધારીને 25 બિલિયન ડોલર કરવામાં આવ્યું છે.
એશિયન બજારોમાં કેમ આવ્યો ઘટાડો?
અમેરિકામાં તેજી હોવા છતાં એશિયામાં નરમાશ છે. જાપાનનો નિક્કેઈ 1.16% ઘટીને 58,895 ના સ્તર પર ટ્રેડ કરી રહ્યો છે. સ્ટ્રેટ ટાઈમ્સમાં 0.91% અને હેંગસેંગમાં 0.75% નો ઘટાડો નોંધાયો છે. આ ઘટાડા પાછળનું મુખ્ય કારણ અમેરિકા અને ઈરાન વચ્ચે વધતો જતો દરિયાઈ તણાવ છે.
અમેરિકા-ઈરાન યુદ્ધ અને ક્રૂડ ઓઈલ
ઈરાને હોર્મુઝ સ્ટ્રેટમાં 3 જહાજો પર ફાયરિંગ કરીને 2 જહાજોને પોતાના કબજામાં લીધા છે. અમેરિકી રાષ્ટ્રપતિ ટ્રમ્પે સીઝફાયર તો વધાર્યું છે પરંતુ ઈરાની પોર્ટ્સ પર નાકાબંધી ચાલુ રાખી છે, જેનાથી ઈરાન ઉશ્કેરાયું છે. આ તણાવને કારણે ક્રૂડ ઓઈલના ભાવમાં ઉછાળો આવ્યો છે અને તે 102 ડોલરની સપાટીને પાર કરી ગયું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
