HAL Dividend: સરકારી ડિફેન્સ કંપની રોકાણકારોને આપશે 10 નું ડિવિડન્ડ, જાણો રેકોર્ડ ડેટ સહિતની સંપૂર્ણ માહિતી

HAL Dividend: શેરબજારમાં રોકાણ કરતા લોકો માટે એક સારા સમાચાર છે. સરકારી ડિફેન્સ કંપની હિન્દુસ્તાન એરોનોટિક્સ લિમિટેડ (HAL) એ તેના શેરધારકોને ખુશ કરી દીધા છે. કંપનીએ રોકાણકારો માટે શાનદાર ડિવિડન્ડ આપવાની જાહેરાત કરી છે. જો તમારી પાસે પણ આ કંપનીના શેર છે, તો આ લેટેસ્ટ અપડેટ તમારા માટે ખૂબ જ મહત્વની છે.

ડિવિડન્ડ અને રેકોર્ડ ડેટની માહિતી

HAL દ્વારા રોકાણકારોને 10 રૂપિયા પ્રતિ શેરના હિસાબે ફાઇનલ ડિવિડન્ડ આપવામાં આવશે.

રેકોર્ડ ડેટ: કંપનીએ આ ડિવિડન્ડ માટે 14 ઓગસ્ટ 2026 ની તારીખને 'રેકોર્ડ ડેટ' તરીકે નક્કી કરી છે. એટલે કે, આ તારીખ સુધી જે પણ રોકાણકારોના ડીમેટ એકાઉન્ટમાં HAL ના શેર હશે, માત્ર તેમને જ આ ડિવિડન્ડનો લાભ મળશે.

કંપનીની વાર્ષિક સાધારણ સભામાં મંજૂરી મળ્યા બાદ, 30 દિવસની અંદર આ ડિવિડન્ડની રકમ સીધી રોકાણકારોના બેંક ખાતામાં જમા કરી દેવામાં આવશે.

માર્ચ 2026 ક્વાર્ટરમાં કંપનીનું શાનદાર પ્રદર્શન

તાજેતરમાં જાહેર થયેલા માર્ચ 2026 ત્રિમાસિક ગાળાના પરિણામોમાં HAL એ મજબૂત નાણાકીય સ્થિતિ દર્શાવી છે. ચાલો આંકડાઓ પર નજર કરીએ,,,કંપનીનો નફો 5.7% વધીને 4184 કરોડ રૂપિયા નોંધાયો છે, જે બજારના એક્સપર્ટ્સની અપેક્ષાઓ કરતા ઘણો સારો છે. વાર્ષિક ધોરણે આવકમાં 1.8% નો વધારો થયો છે અને તે 13943 કરોડ રૂપિયા રહી છે. કંપનીનો EBITDA 5057 કરોડ રૂપિયા રહ્યો છે, અને તેનું માર્જિન 36.3% નોંધાયું છે.

સૌથી મોટી રાહતની વાત એ છે કે કંપનીના પ્રોવિઝનિંગમાં 88% નો મોટો ઘટાડો આવ્યો છે અને તે માત્ર 166 કરોડ રૂપિયા રહી ગયું છે, જેણે કંપનીના નફાને વધારવામાં મોટો ટેકો આપ્યો છે.

કંપનીનું ભવિષ્ય અને પડકારો

જોકે, કાચા માલની કિંમતો વધવાને કારણે કુલ વેચાણમાં મટિરિયલ કોસ્ટનો હિસ્સો વધ્યો છે, જેના લીધે કંપનીના ઓપરેટિંગ માર્જિન પર થોડું દબાણ જોવા મળ્યું છે. પરંતુ આ પડકાર સામે કંપનીનું ભવિષ્ય ઉજળું છે.

ભારત સરકારની મેક ઇન ઇન્ડિયા અને રક્ષા ક્ષેત્રે સ્વદેશી ઉત્પાદન વધારવાની નીતિનો HAL ને સીધો ફાયદો મળી રહ્યો છે. કંપની પાસે હાલમાં એક ખૂબ જ મજબૂત 'ઓર્ડર બુક' છે, જે આવનારા સમયમાં તેના બિઝનેસને નવી ઉંચાઈ પર લઈ જશે તેવી અપેક્ષા છે.

શેરબજારમાં HALની સ્થિતિ

જો આપણે કંપનીના શેરના ભાવની વાત કરીએ તો, સોમવારે HAL નો શેર 0.41% ના ઘટાડા સાથે 4351 રૂપિયા પર બંધ થયો હતો. છેલ્લા 1 વર્ષની વાત કરીએ તો આ સ્ટોકમાં આશરે 10% નો ઘટાડો જોવા મળ્યો છે.

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.

આ પણ વાંચો-Closing Bell: સેન્સેક્સમાં 372 પોઇન્ટનો કડાકો, નિફ્ટી 24000 ની નીચે સરક્યો, Auto અને Bank શેરોમાં ભારે વેચવાલી