Havells India Q4 Results: હેવેલ્સના નફામાં 40%નો તોતિંગ ઉછાળો, રોકાણકારો માટે ડિવિડન્ડની લોટરી

Havells India Q4 Results: કન્ઝ્યુમર ઇલેક્ટ્રિકલ્સ ક્ષેત્રની દિગ્ગજ કંપની હેવેલ્સ ઇન્ડિયાએ માર્ચ ક્વાર્ટરના તેના નાણાકીય પરિણામો જાહેર કર્યા છે. કંપનીએ આ વખતે ઓપરેટિંગ સ્તરે અપેક્ષા કરતા સારું પ્રદર્શન કર્યું છે. પરિણામોની જાહેરાતની સાથે જ કંપનીએ તેના શેરધારકો માટે ડિવિડન્ડની પણ જાહેરાત કરી છે.

નફામાં મોટો ઉછાળો, પણ કારણ જાણવું જરૂરી

હેવેલ્સ ઇન્ડિયાનો નેટ પ્રોફિટ વાર્ષિક ધોરણે 40.6% વધીને 734 કરોડ રૂપિયા થયો છે. જોકે, આ નફા પાછળ કંપનીની 'અધર ઇન્કમ' (અન્ય આવક) નો મોટો હાથ રહ્યો છે. કંપનીની અન્ય આવક ગત વર્ષના 70 કરોડ રૂપિયાથી પાંચ ગણી વધીને 325.8 કરોડ રૂપિયા થઈ ગઈ છે. જેમાં 283 કરોડ રૂપિયાનો ફેર વેલ્યુ ગેઈન સામેલ છે. કંપનીની કુલ આવક (Revenue) 2.4% વધીને 6,687 કરોડ રૂપિયા નોંધાઈ છે.

કેબલ બિઝનેસ રહ્યો સુપરહિટ

ડિવિડન્ડની જાહેરાત

હેવેલ્સના બોર્ડ ઓફ ડિરેક્ટર્સે નાણાકીય વર્ષ 2026 માટે 1ની ફેસ વેલ્યુ ધરાવતા દરેક શેર પર 6 ના ફાઈનલ ડિવિડન્ડની ભલામણ કરી છે.

આ પહેલા કંપની 4 નું વચગાળાનું ડિવિડન્ડ આપી ચૂકી છે.

આમ, વર્ષ માટે કુલ ડિવિડન્ડ 10 પ્રતિ શેર થશે.

શેરબજારમાં રિએક્શન

પરિણામો બાદ હેવેલ્સના શેરના ભાવમાં ભારે ઉતાર-ચઢાવ જોવા મળ્યો હતો. એક સમયે શેર 5% ઉછળીને 1,391.8 રૂપિયા પર પહોંચ્યો હતો, પરંતુ ત્યારબાદ પ્રોફિટ બુકિંગ આવતા તે સામાન્ય ઘટાડા સાથે 1,325 રૂપિયા પર બંધ થયો હતો. નોંધનીય છે કે છેલ્લા એક મહિનામાં આ શેરમાં 13% થી વધુનો ઉછાળો જોવા મળ્યો છે.

આ સાથે જ કંપનીએ બોર્ડમાં પણ મહત્વનો ફેરફાર કર્યો છે. બ્રિટાનિયાના પૂર્વ MD અને CEO વરુણ બેરીની હેવેલ્સના બોર્ડમાં ઇન્ડિપેન્ડન્ટ ડિરેક્ટર તરીકે નિમણૂક કરવામાં આવી છે, જે કંપનીના ભવિષ્ય માટે સકારાત્મક સંકેત માનવામાં આવે છે.

આ પણ વાંચો-Closing Bell: ત્રણ દિવસની તેજી બાદ શેરબજારમાં મોટો કડાકો- IT શેરોમાં ધોવાણથી સેન્સેક્સ 756 પોઈન્ટ તૂટ્યો

ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.