Hot Stocks: નિફ્ટીનો નવો ટાર્ગેટ 24800ની પાર, શોર્ટ ટર્મમાં મોટી કમાણી કરવી હોય તો આ 2 શેરો પર લગાવો દાવ

Hot Stocks: સેન્સેક્સની વીકલી એક્સપાયરીના દિવસે ભારતીય શેરબજારમાં પોઝિટિવ માહોલ જોવા મળી રહ્યો છે. ગઈકાલે CASના એડજસ્ટમેન્ટ બાદ નિફ્ટી લગભગ 70 પોઈન્ટના ઉછાળા સાથે 24650 ની આસપાસ બંધ થવામાં સફળ રહ્યો હતો. આજે માર્કેટને RIL, SBI, TITAN અને ICICI Bank જેવા દિગ્ગજ શેરોએ મજબૂત ટેકો આપ્યો છે.

આજના કારોબારમાં ડિફેન્સ સેક્ટરના શેરોમાં જબરદસ્ત ઉછાળો છે, ડિફેન્સ ઇન્ડેક્સ લગભગ 2% વધ્યો છે. જેમાં HAL નો શેર 5% ના ઉછાળા સાથે ટોપ ગેનર બન્યો છે. આ ઉપરાંત કેમિકલ, સરકારી બેંકો અને કન્ઝ્યુમર ડ્યુરેબલ્સમાં પણ તેજી છે. જ્યારે રિયલ્ટી, મેટલ અને ઓટો સેક્ટરમાં થોડું દબાણ જોવા મળી રહ્યું છે. મિડકેપ અને સ્મોલકેપ શેરો ફ્લેટ ટ્રેડ કરી રહ્યા છે.

બજારનો ટ્રેન્ડ: એક્સપર્ટનો મત

માર્કેટની વર્તમાન સ્થિતિ વિશે વાત કરતા મંત્રી ફિનમાર્ટ ના એક્સપર્ટ અરુણ કુમાર મંત્રીએ જણાવ્યું કે, બજારમાં અત્યારે શાનદાર બુલિશ મોમેન્ટમછે. હાલમાં માત્ર એક જ નાની સમસ્યા છે અને તે છે નવું CAS સેટલમેન્ટ. આ સિસ્ટમના કારણે ચાર્ટ્સમાં થોડું ડિસ્ટર્બન્સ દેખાઈ રહ્યું છે, પરંતુ એકંદરે માર્કેટનું સ્ટ્રક્ચર ખૂબ જ મજબૂત છે.

નિફ્ટી

ટેકનિકલ ચાર્ટ મુજબ, નિફ્ટીએ 24400 ની ઉપર જે બ્રેકઆઉટ આપ્યો છે તે હજુ પણ જળવાઈ રહ્યો છે. હવે 24450 થી 24500 નું લેવલ એક મજબૂત બેઝ બની ગયું છે. નિફ્ટીનો આગળનો ટાર્ગેટ 24800 ની આસપાસ સ્પષ્ટ દેખાઈ રહ્યો છે.

સ્ટ્રેટેજી: જ્યાં સુધી નિફ્ટી 24400 નું લેવલ તોડતો નથી, ત્યાં સુધી તેમાં ઘટાડે ખરીદી કરવાની સલાહ છે.

બેન્ક નિફ્ટી

બેન્ક નિફ્ટીનો ચાર્ટ પણ ખૂબ જ પોઝિટિવ છે. તેમાં 57100 ની ઉપર બ્રેકઆઉટ થયો છે અને તે ટકી રહેવો જોઈએ.

સ્ટ્રેટેજી: કોઈપણ નાના ઘટાડા પર બેન્ક નિફ્ટીમાં ખરીદી કરવી જોઈએ. આ માટે 57100 નો સ્ટોપ-લોસ લગાવો. આવનારા દિવસોમાં તેમાં 58200 થી 58600 સુધીના ટાર્ગેટ જોવા મળી શકે છે.

શોર્ટ ટર્મમાં કમાણી માટે 2 હોટ સ્ટોક્સ

માર્કેટ એક્સપર્ટ અરુણ કુમાર મંત્રીએ પોઝિશનલ ટ્રેડિંગ દ્વારા સારી કમાણી કરવા માટે નીચે મુજબના 2 શેરોની ભલામણ કરી છે:

1. JSW Steel

આ મેટલ શેરમાં 1300-1310 ની ઉપર એક મજબૂત બ્રેકઆઉટ જોવા મળ્યો છે. તેનો ચાર્ટ ખૂબ જ આકર્ષક લાગી રહ્યો છે.

ખરીદ કિંમત: 1330 રૂપિયાની આસપાસ

સ્ટોપ-લોસ : 1312 રૂપિયા

ટાર્ગેટ : 1362 રૂપિયા

2. 360ONE

આ કેપિટલ માર્કેટ સેક્ટરનો શેર છે. હાલમાં આ શેરમાં શાનદાર મોમેન્ટમ જોવા મળી રહ્યું છે, જે ટૂંકા ગાળામાં સારો નફો આપી શકે છે.

ખરીદ કિંમત : 1190 રૂપિયાની આસપાસ

સ્ટોપ-લોસ : 1174 રૂપિયા

ટાર્ગેટ : 1220 થી 1223 રૂપિયા

આ પણ વાંચો-HAL Share Price: ગોલ્ડમૅન સૅક્સના અપગ્રેડથી શેરમાં 5% નો મોટો ઉછાળો, બ્રોકરેજે આપ્યો નવો ટાર્ગેટ ભાવ

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.