Market Outlook: શેરબજારમાં પ્રોફિટ બુકિંગથી કડાકો, નિફ્ટી-સેન્સેક્સ તૂટ્યા, જાણો 10 ઓગસ્ટે બજારની ચાલ કેવી રહેશે?

Market Outlook: સપ્તાહના છેલ્લા કારોબારી દિવસે ભારતીય શેરબજારમાં દબાણ જોવા મળ્યું હતું. સતત ચાલી આવતી તેજી બાદ બજારમાં પ્રોફિટ બુકિંગ થતાં મુખ્ય ઇન્ડેક્સ ઘટાડા સાથે બંધ થયા છે.

બજારની ક્લોઝિંગ સ્થિતિ

શુક્રવારના ટ્રેડિંગ સેશનના અંતે નિફ્ટી 65 પોઈન્ટ ઘટીને 24,571 ના સ્તરે બંધ થયો હતો. જ્યારે સેન્સેક્સ 456 પોઈન્ટના ભારે ઘટાડા સાથે 78,499 પર બંધ રહ્યો હતો. આ ઉપરાંત, બેન્ક નિફ્ટીમાં પણ 317 પોઈન્ટનો કડાકો નોંધાયો હતો અને તે 57,746 પર બંધ રહ્યો હતો. જોકે, મોટા શેરોની સરખામણીમાં મિડકેપ ઇન્ડેક્સમાં 137 પોઈન્ટનો ઉછાળો જોવા મળ્યો હતો અને તે 63,464 પર બંધ થયો હતો.

કરન્સી માર્કેટની વાત કરીએ તો, ડોલર સામે રૂપિયો 1 પૈસો મજબૂત થઈને 95.21 રૂપિયા પ્રતિ ડોલરના સ્તરે બંધ થયો હતો.

માર્કેટ બ્રેડથ નકારાત્મક રહી હતી. બજારમાં કુલ 1,964 શેરોમાં તેજી રહી, જ્યારે 2,119 શેરોમાં ઘટાડો નોંધાયો હતો. નિફ્ટી 50માંથી 27, સેન્સેક્સના 30 માંથી 16 અને બેન્ક નિફ્ટીના 14 માંથી 7 શેરોમાં ભારે વેચવાલી રહી હતી. બેન્કિંગ અને PSE (પબ્લિક સેક્ટર એન્ટરપ્રાઇઝ) શેરોમાં સૌથી વધુ દબાણ જોવા મળ્યું. પ્રાઇવેટ બેન્કોના શેરમાં 1 ટકાથી વધુનો ઘટાડો નોંધાયો હતો. બજાજ ફાઇનાન્સમાં લગભગ 6 ટકાનો કડાકો બોલ્યો હતો, જ્યારે બજાજ ફિનસર્વ, ટ્રેન્ટ અને ICICI બેન્ક પણ ટોપ લૂઝર્સમાં રહ્યા હતા.

ફાઇનાન્સિયલ શેરોમાં ઘટાડા છતાં ઓટો અને IT સેક્ટરમાં શાનદાર ખરીદી રહી હતી. નિફ્ટી ઓટો 1.84 ટકા અને IT ઇન્ડેક્સ 1.42 ટકા વધ્યા હતા. ડિફેન્સ અને ઇન્ફ્રાસ્ટ્રક્ચર ઇન્ડેક્સ પણ લીલા નિશાનમાં બંધ થયા હતા. TCS, ગ્રાસિમ અને હિન્દાલ્કોના શેરમાં 3 ટકાથી વધુનો ઉછાળો જોવા મળ્યો હતો.

10 ઓગસ્ટે કેવી રહેશે બજારની ચાલ?

Hedged.in ના HNI અને ડેરિવેટિવ્ઝના એસોસિએટ વાઇસ પ્રેસિડેન્ટ રિયાંક અરોડાના જણાવ્યા અનુસાર, તાજેતરની શાનદાર તેજી બાદ બજારમાં આ એક 'હેલ્ધી કરેક્શન' જોવા મળ્યું છે. ઊંચા મથાળે રોકાણકારોએ નફો બુક કર્યો છે, પરંતુ બજારનું ઓવરઓલ સ્ટ્રક્ચર હજુ પણ મજબૂત છે. ગ્લોબલ સંકેતો અને સ્થાનિક સમાચારો પર રોકાણકારોની નજર ટકેલી છે.

નિફ્ટી માટે મહત્વના લેવલ્સની વાત કરીએ તો,,,નિફ્ટી 24,600 ના તાત્કાલિક સપોર્ટથી નીચે આવ્યો છે, પરંતુ તેનો મોટો ટ્રેન્ડ પોઝિટિવ છે. હવે નિફ્ટી માટે 24,500 થી 24,450 ની વચ્ચે તાત્કાલિક સપોર્ટ છે. ત્યારબાદ 24,300 પાસે મજબૂત સપોર્ટ ઝોન છે. જો બજાર ઉપર તરફ જાય છે, તો 24,650 થી 24,750 ની વચ્ચે તેને રેઝિસ્ટન્સ નડી શકે છે.

જો નિફ્ટી આ લેવલની ઉપર ટકી રહેશે, તો નવી તેજી જોવા મળી શકે છે. સેન્સેક્સમાં પણ પ્રોફિટ બુકિંગ રહ્યું છે. નિષ્ણાતોના મતે તેના માટે હવે 77,500 થી 77,300 ની આસપાસ સપોર્ટ રહેલો છે, જ્યારે 78,000 થી 78,300 ની પાસે રેઝિસ્ટન્સ ઝોન છે.

આ પણ વાંચો-Hindalco Q1 Results : હિન્દાલ્કોની બમ્પર કમાણી, નફામાં 75%નો જંગી ઉછાળો, ઈતિહાસમાં પહેલીવાર 7000 કરોડનો આંકડો પાર કર્યો

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.