Sensex falls : ભારતીય શેરબજારમાં 16 જુલાઈના રોજ ભારે ઉતાર-ચઢાવનો માહોલ જોવા મળ્યો છે. બજાર ખુલતાની સાથે જ જોવા મળેલી તેજી થોડા જ કલાકોમાં ગાયબ થઈ ગઈ અને રોકાણકારોએ પ્રોફિટ બુકિંગ શરૂ કરી દીધું. આ ઘટાડા વચ્ચે પણ ABB India ના શેરમાં 10% નો શાનદાર ઉછાળો જોવા મળ્યો હતો.
સેન્સેક્સ દિવસના હાઈથી 300 પોઈન્ટ ગગડ્યો, નિફ્ટી 24100ની નજીક, જાણો બજાર તૂટવાના 3 મોટા કારણો
16 જુલાઈએ ભારતીય શેરબજારમાં ભારે ઉતાર-ચઢાવ જોવા મળ્યો. પ્રોફિટ બુકિંગ અને નબળા ગ્લોબલ સંકેતોને કારણે સેન્સેક્સ હાઈ લેવલથી 300 પોઈન્ટ પટકાયો. જાણો માર્કેટ ઘટાડાના મુખ્ય કારણો અને નિષ્ણાતોની લેટેસ્ટ સલાહ.
અપડેટેડ 02:18:15 PM Jul 16, 2026 પર
નિફ્ટી પણ 24,150 ના નિશાનની નીચે સરકી ગયો હતો. ICICI લોમ્બાર્ડ જનરલ ઇન્શ્યોરન્સ કંપનીનો નફો 46% ઘટતા તેનો શેર 10% તૂટ્યો છે અને મોટાભાગના બ્રોકરેજ હાઉસે આ શેરનો ટાર્ગેટ પ્રાઇસ ઘટાડી દીધો છે.
બપોરે 1:15 વાગ્યાની આસપાસના લેટેસ્ટ આંકડા મુજબ, સેન્સેક્સ માત્ર 159.43 પોઈન્ટ (0.21%) ના સામાન્ય વધારા સાથે 77,344.86 પર ટ્રેડ કરી રહ્યો હતો. બીજી તરફ નિફ્ટી 50 33.95 પોઈન્ટ (0.14%) ના વધારા સાથે 24,112.45 ના સ્તર પર હતો. માર્કેટમાં 1,879 શેરોમાં તેજી હતી, જ્યારે 1,861 શેરોમાં ઘટાડો નોંધાયો હતો અને 180 શેરોના ભાવમાં કોઈ ફેરફાર થયો ન હતો.
આજના ટોપ ગેનર્સ અને લૂઝર્સ
Top Gainers
શરૂઆતી કારોબારમાં HCL ટેક, ઇન્ફોસિસ, ટેક મહિન્દ્રા, હિંડાલ્કો અને વિપ્રોના શેરોમાં સૌથી વધુ તેજી જોવા મળી હતી.
Top Losers
SBI લાઇફ ઇન્શ્યોરન્સ, ગ્રાસિમ, ONGC, બજાજ ફિનસર્વ અને આયશર મોટર્સના શેરોમાં ભારે વેચવાલીનું દબાણ જોવા મળ્યું હતું.
ઉપરના મથાળેથી બજાર કેમ પટકાયું?
1. બજારમાં ભારે પ્રોફિટ બુકિંગ
માર્કેટ ઉચ્ચ સ્તરે પહોંચતા જ રોકાણકારોએ પોતાનો નફો બાંધવાનું શરૂ કર્યું હતું, જેના કારણે સેન્સેક્સ દિવસના હાઈ લેવલથી સીધો 300 પોઈન્ટ નીચે આવી ગયો હતો. નિફ્ટી પણ 24,150 ના નિશાનની નીચે સરકી ગયો હતો. ICICI લોમ્બાર્ડ જનરલ ઇન્શ્યોરન્સ કંપનીનો નફો 46% ઘટતા તેનો શેર 10% તૂટ્યો છે અને મોટાભાગના બ્રોકરેજ હાઉસે આ શેરનો ટાર્ગેટ પ્રાઇસ ઘટાડી દીધો છે.
2. નબળા ગ્લોબલ સંકેતો
અમેરિકન ચિપમેકર કંપનીઓમાં જોવા મળેલી વેચવાલીની સીધી અસર એશિયન બજારો પર પડી છે:
દક્ષિણ કોરિયા: અહીંની સેન્ટ્રલ બેન્કે સાડા ત્રણ વર્ષમાં પહેલીવાર વ્યાજદર 2.5% થી વધારીને 2.75% કર્યા છે. જેને પગલે કોરિયાનો મુખ્ય ઇન્ડેક્સ કોસ્પી 6.7% તૂટ્યો છે. દિગ્ગજ કંપની SK Hynix ના શેર 11% અને Samsung Electronics ના શેર 7% ગગડ્યા છે.
જાપાન: જાપાનનો નિક્કેઈ ઇન્ડેક્સ 3% નીચે ખુલ્યો હતો. અહીં એડવાન્ટેસ્ટ કંપનીનો શેર 6% અને સોફ્ટબેન્ક ગ્રુપનો શેર 7% જેટલો તૂટ્યો છે.
3. ટેકનિકલ કારણો
શેરબજારના ટેકનિકલ ચાર્ટ મુજબ બજાર એક રેન્જમાં ફસાયેલું છે.
એક્સિસ ડાયરેક્ટના રિસર્ચ હેડ, રાજેશ પાલવિયાના જણાવ્યા મુજબ: "જો નિફ્ટી 24,200 ની સપાટી ક્રોસ કરશે તો 24,300 થી 24,400 સુધીની નવી તેજી જોવા મળશે. પરંતુ જો 24,000 નું લેવલ તૂટશે તો નિફ્ટી 23,900 અને 23,800 સુધી નીચે જઈ શકે છે. હાલ ઇન્ડિયા VIX 13.27 પર છે, એટલે કે બજારમાં અસ્થિરતા કંટ્રોલમાં છે." HDFC સિક્યોરિટીઝના પ્રાઇમ રિસર્ચ હેડ, દેવર્ષ વકીલનું કહેવું છે કે: "નિફ્ટી હાલ 24,000 થી 24,260 ના ઝોનમાં ફસાયેલો છે. જો ઉપરની તરફ 24,260 નું બ્રેકઆઉટ મળશે તો 24,530 નો રસ્તો ખુલશે. જો નીચેની તરફ 24,000 તૂટશે તો બજાર 23,800 તરફ ગગડી શકે છે."
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
