Share Market Crash: સેન્સેક્સ 900 પોઈન્ટ ગગડ્યો, નિફ્ટી 23100ની નીચે, જાણો બજાર તૂટવાના 5 મુખ્ય કારણો

Share Market Crash: ગ્લોબલ માર્કેટમાં આવેલી વેચવાલીની આંધીએ આજે ભારતીય શેરબજારને પણ હચમચાવી દીધું છે. શરૂઆતી કારોબારમાં જ સેન્સેક્સ અને નિફ્ટી 50 ઈન્ડેક્સ 1% સુધી તૂટી ગયા હતા. ઈઝરાયેલ અને ઈરાન વચ્ચે યુદ્ધ વધુ ઘેરું બનવાની આશંકાએ માર્કેટનું સેન્ટિમેન્ટ સંપૂર્ણપણે બગાડી નાખ્યું છે અને રોકાણકારોને મોટો ઝટકો આપ્યો છે.

આજના સેશનમાં સેન્સેક્સ એક સમયે 900 પોઈન્ટથી વધુ તૂટી ગયો હતો, જ્યારે નિફ્ટી પણ 23100 ની સપાટી તોડીને નીચે આવી ગયો હતો. માત્ર મોટા શેરો જ નહીં, પરંતુ બ્રોડર માર્કેટ એટલે કે મિડકેપ અને સ્મોલકેપ શેરોમાં પણ રોકાણકારો ભારે વેચવાલી કરી રહ્યા છે. નિફ્ટી મિડકેપ 100 અને સ્મોલકેપ 100 ઇન્ડેક્સમાં પણ અડધા ટકાથી વધુનો ઘટાડો નોંધાયો છે.

માર્કેટની વર્તમાન સ્થિતિ

સવારે 10:45 વાગ્યાની આસપાસ સેન્સેક્સ 565.13 પોઈન્ટ (0.76%) ના ઘટાડા સાથે 73,678.21 પર ટ્રેડ કરી રહ્યો હતો. જ્યારે નિફ્ટી 50 ઇન્ડેક્સ પણ 181.15 પોઈન્ટ (0.78%) ઘટીને 23,185.55 ના સ્તર પર પહોંચી ગયો હતો. ઇન્ટ્રા-ડેમાં સેન્સેક્સ 924.40 પોઈન્ટ પટકાઈને 73,318.94 ની સપાટીએ અને નિફ્ટી 296.55 પોઈન્ટ ઘટીને 23,070.15 ના નીચલા સ્તરે આવી ગયો હતો.

પશ્ચિમ એશિયામાં યુદ્ધનો તણાવ

ઈરાને ઈઝરાયેલ પર ઘણી મિસાઈલો છોડી છે, જેના જવાબમાં ઈઝરાયેલી સેના (IDF) એ ઈરાનની અંદર કેટલાક સૈન્ય ઠેકાણાઓ પર વળતા હુમલા કર્યા છે. આ યુદ્ધની સ્થિતિએ દુનિયાભરના બજારોમાં ગભરાહટ ફેલાવી દીધી છે.

ક્રૂડ ઓઈલમાં ભડકો

મધ્ય પૂર્વના આ ટેન્શનને કારણે ક્રૂડ ઓઈલના ભાવમાં જોરદાર ઉછાળો આવ્યો છે. કાચું તેલ 4% થી વધુ મોંઘુ થઈને 97 ડોલર પ્રતિ બેરલને પાર કરી ગયું છે, જેની સીધી નકારાત્મક અસર ભારતીય માર્કેટ પર પડી છે.

ઈન્ડિયા VIX માં મોટો ઉછાળો

બજારમાં ડર અને અસ્થિરતા માપતો ઈન્ડેક્સ 'ઈન્ડિયા VIX' 7.71% ઉછળીને 17.01 પર પહોંચી ગયો છે. આ ઇન્ડેક્સ જેટલો ઊંચો જાય, તેટલી માર્કેટમાં વોલેટિલિટી (અસ્થિરતા) વધે છે.

IT અને ઓટો સેક્ટર પર ભારે દબાણ

ફાર્મા સેક્ટર બજારને થોડો સપોર્ટ આપવાનો પ્રયાસ કરી રહ્યું છે, પરંતુ IT, ઓટો, મેટલ અને રિયલ્ટી સેક્ટરમાં ભારે વેચવાલી જોવા મળી રહી છે. આ તમામ સેક્ટરના નિફ્ટી ઈન્ડેક્સ 1% થી વધુ તૂટ્યા છે જેણે બજારને નીચે ખેંચ્યું છે.

ગ્લોબલ માર્કેટમાં હાહાકાર

અમેરિકી બજારમાં પણ રાતોરાત મોટો કડાકો બોલ્યો હતો. નાસ્ડેક 4% થી વધુ અને S&P 500 અઢી ટકાથી વધુ તૂટીને બંધ થયા હતા. એશિયન બજારોની વાત કરીએ તો સાઉથ કોરિયાના કોસ્પીમાં 5% થી વધુ, જાપાનના નિક્કેઈ 225 માં 4%, ઈન્ડોનેશિયા અને તાઈવાનના બજારમાં 3% થી વધુ, તેમજ ચીનના શાંઘાઈ કમ્પોઝિટમાં 1% થી વધુનો જંગી ઘટાડો નોંધાયો છે.

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.

આ પણ વાંચો-રૂપિયામાં કડાકો: યુએસ ડોલર સામે ભારતીય રૂપિયો 37 પૈસા તૂટ્યો, જાણો ઘટવાનું મુખ્ય કારણ