Share Market Update: IT શેરોમાં નફાવસૂલી, પાવર સેક્ટરમાં કમાણીની તક; જાણો નિફ્ટી અને બેન્ક નિફ્ટીની સચોટ રણનીતિ

Share Market Update: 18 ઓગસ્ટના રોજ ભારતીય શેર બજારમાં નબળાઈ જોવા મળી રહી છે. બજારમાં હાલ કોઈ મોટો ટ્રિગર ન હોવાથી ઈન્ડેક્સ રેન્જ બાઉન્ડ છે. શરૂઆતી કારોબારમાં સેન્સેક્સ 276.01 પોઈન્ટ (0.36 ટકા)ના ઘટાડા સાથે 77,452.15ના સ્તર પર ટ્રેડ કરી રહ્યો છે. જ્યારે નિફ્ટી 53.90 પોઈન્ટ 0.22 ટકા ઘટીને 24,233.75 પર જોવા મળી રહ્યો છે.

આજના કારોબારમાં બજાજ ઓટો, ONGC, SBI, ગ્રાસિમ અને એક્સિસ બેન્ક જેવા શેરોમાં સારી ખરીદી જોવા મળી રહી છે. બીજી તરફ મેક્સ હેલ્થકેર, ઈન્ડિગો (InterGlobe Aviation), એશિયન પેઇન્ટ્સ, ઇન્ફોસિસ અને જિયો ફાઇનાન્શિયલના શેરોમાં ઘટાડો નોંધાયો છે.

બજારનો ટ્રેન્ડ: રોજ એની એ જ કહાની

સીએનબીસી-આવાઝના મેનેજિંગ એડિટર અનુજ સિંઘલના જણાવ્યા અનુસાર, છેલ્લા 6 દિવસથી નિફ્ટી સતત લોઅર હાઈ બનાવી રહ્યો છે. બજારમાં એક પેટર્ન બની ગઈ છે: પહેલા હાફમાં વેચવાલી આવે છે અને બીજા હાફમાં ખરીદી.

બજારમાં તેજી અને મંદીના મુખ્ય કારણો:

તેજીના પક્ષમાં તર્ક

* કાચું તેલ $90ની આસપાસ હોવા છતાં, તેમાં મોટો ઉછાળો નથી, જે એક સારી બાબત છે.

* કોમોડિટી સિવાય મોટાભાગની કંપનીઓના Q1 પરિણામો શાનદાર રહ્યા છે. નિફ્ટીનું EPS ગ્રોથ છેલ્લા 10 ક્વાર્ટરમાં સૌથી શ્રેષ્ઠ રહ્યું છે.

* મોટી ઓટો અને FMCG કંપનીઓએ પોતાના માર્જિન જાળવી રાખ્યા છે.

* સ્થાનિક રોકાણકારોની બજારમાં મજબૂત પકડ છે.

મંદીના પક્ષમાં તર્ક

* વિદેશી રોકાણકારો (FIIs) હજુ પણ ખરીદીના મૂડમાં નથી. તેઓ છેલ્લા 6 દિવસથી મોટી શોર્ટિંગ કરી રહ્યા છે.

* કાચું તેલ જ્યા સુધી સસ્તું નહીં થાય ત્યાં સુધી કંપનીઓ પર ખર્ચનું દબાણ રહેશે.

* માત્ર 5 મોટી કંપનીઓને કારણે જ 60% અર્નિંગ્સ ગ્રોથ જોવા મળ્યો છે, જે ચિંતાનો વિષય છે.

* બજારમાં આવી રહેલા સતત IPOs, બ્લોક ડીલ્સ અને QIPs ના કારણે સેકન્ડરી માર્કેટમાંથી પૈસા ખેંચાઈ રહ્યા છે.

ક્યા સેક્ટરમાં રોકાણ કરવું?

IT શેરોથી સાવધ રહો: આઈટી શેરોમાં એકતરફી તેજી હવે રોકાઈ ગઈ છે. 200 DMA પાસે આ શેરો થાક અનુભવી રહ્યા છે, તેથી આજે IT શેરોમાં વધુ ઘટાડો જોવા મળી શકે છે.

પાવર શેરો પર ફોકસ: પાવર ઇક્વિપમેન્ટ બનાવતી કંપનીઓના શેરોમાં સારો ઉછાળો આવી શકે છે. રોકાણકારોએ CG Power, Hitachi અને GE Vernova જેવા શેરો પર ખાસ નજર રાખવી જોઈએ.

BSE vs MCX ટ્રેડ: માર્કેટમાં 'Sell BSE and Buy MCX' ની ટ્રેડ શાનદાર ચાલી રહી છે. કોમોડિટી ટ્રેડિંગમાં તેજી હોવાથી MCX માં સારો ફાયદો થઈ શકે છે.

નિફ્ટી અને બેન્ક નિફ્ટી માટે ટ્રેડિંગ રણનીતિ

નિફ્ટી

નિફ્ટી માટે સૌથી મજબૂત સપોર્ટ 24,200 થી 24,250 ની વચ્ચે છે. જો આ તૂટશે તો નિફ્ટી 24,000 સુધી જઈ શકે છે. ઉપરની તરફ પહેલો અવરોધ (Resistance) 24,300 થી 24,350 અને મોટો અવરોધ 24,450 થી 24,500 છે.

ટ્રેડિંગ ટિપ: 24,450 ના SL સાથે વેચો અને 24,180-24,200 નો ટાર્ગેટ રાખો. જો નિફ્ટી નીચે સપોર્ટ લે, તો જ 24,150 ના SL સાથે નવી ખરીદી કરો.

બેન્ક નિફ્ટી

આજના દિવસ માટે બેન્ક નિફ્ટી ‘Make or Break' સાબિત થશે. તે સતત 57,200 ના લેવલને બચાવી રહ્યો છે, પરંતુ 58,000 ની પાર જવામાં નિષ્ફળ રહ્યો છે. તેની બેઝિક રેન્જ 57,200થી 57,800 અને મોટી રેન્જ 57,000થી 58,200ની વચ્ચે રહેશે. હાલમાં બેન્ક નિફ્ટીમાં ટ્રેડ કરવું થોડું જોખમી અને મુશ્કેલ છે.

આ પણ વાંચો- Share Market Crash: સળંગ છઠ્ઠા દિવસે શેરબજાર કડડભૂસ, સેન્સેક્સ 350 પોઈન્ટ તૂટ્યો, જાણો માર્કેટમાં કડાકાનાં 5 મુખ્ય કારણો

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.