શેરબજારમાં કડાકો: સેન્સેક્સ 400 પોઈન્ટ તૂટ્યો, નિફ્ટી 26,050ની નીચે; જાણો બજાર તૂટવાના 4 મુખ્ય કારણો

Share Market Down: ભારતીય શેરબજારોમાં આજે 26 ડિસેમ્બરે સતત બીજા દિવસે નિરાશાજનક માહોલ જોવા મળ્યો છે. સપ્તાહના ટૂંકા કારોબારી સેશનમાં રોકાણકારોએ સાવચેતીભર્યું વલણ અપનાવતા બજારમાં વેચવાલીનું દબાણ વધ્યું હતું. કારોબાર દરમિયાન સેન્સેક્સ 400 અંકો સુધી ગગડી ગયો હતો, જ્યારે નિફ્ટી પણ મહત્વના સપોર્ટ લેવલ તોડીને 26,050ની નીચે આવી ગયો હતો.

બપોરે 2.30 વાગ્યાની આસપાસ બીએસઈ સેન્સેક્સ લગભગ 432 અંક એટલે કે 0.51 ટકાના ઘટાડા સાથે 84,976ના સ્તરે ટ્રેડ થઈ રહ્યો હતો. બીજી તરફ, નિફ્ટી ઈન્ડેક્સ પણ 119 અંક અથવા 0.46 ટકા તૂટીને 26,020.85ના સ્તરે જોવા મળ્યો હતો. ક્રિસમસની રજા બાદ ખુલેલા બજારમાં વિદેશી રોકાણકારોની વેચવાલી અને ગ્લોબલ સંકેતોને કારણે સેન્ટિમેન્ટ નબળું રહ્યું હતું.

આજના શેરબજારમાં આવેલા આ કડાકા પાછળ મુખ્યત્વે 4 મોટા કારણો જવાબદાર છે, જે નીચે મુજબ છે:

1. રૂપિયામાં ઐતિહાસિક નબળાઈ

2. વિદેશી રોકાણકારો (FII) દ્વારા સતત વેચવાલી

બજાર તૂટવાનું સૌથી મોટું કારણ વિદેશી સંસ્થાકીય રોકાણકારો (FII) દ્વારા થઈ રહેલી સતત વેચવાલી છે. બુધવારે FII દ્વારા ભારતીય બજારમાંથી 1,721.26 કરોડ રૂપિયા પાછા ખેંચી લેવામાં આવ્યા હતા. જીયોજિત ઇન્વેસ્ટમેન્ટ્સના વી.કે. વિજયકુમારના જણાવ્યા મુજબ, અમેરિકાનો જીડીપી ગ્રોથ 2025ના ત્રીજા ક્વાર્ટરમાં 4.3 ટકા રહ્યો છે, જે ખૂબ જ મજબૂત આંકડો છે. આ કારણે અમેરિકન માર્કેટ વધુ આકર્ષક બનતા હેજ ફંડ્સ ભારતમાંથી પૈસા કાઢી રહ્યા છે.

3. ક્રૂડ ઓઈલના ભાવમાં ભડકો

વૈશ્વિક બજારમાં કાચા તેલની કિંમતોમાં અચાનક ઉછાળો આવ્યો છે. અમેરિકા દ્વારા વેનેઝુએલાના ઓઈલ શિપમેન્ટ પર દબાણ વધારવા અને નાઈજીરિયામાં થયેલા હવાઈ હુમલાના સમાચારોને કારણે બ્રેન્ટ ક્રૂડ 0.4 ટકા વધીને 62.48 ડોલર પ્રતિ બેરલ પર પહોંચી ગયું છે. જ્યારે WTI ક્રૂડ પણ વધીને 58.58 ડોલર પ્રતિ બેરલ થયું છે. મોંઘું ક્રૂડ ભારત જેવા મોટા આયાતકાર દેશ માટે નેગેટિવ સંકેત ગણાય છે.

4. દિગ્ગજ શેરોમાં પ્રોફિટ બુકિંગ

બજારમાં ઊંચા મથાળે રોકાણકારોએ નફો વસૂલવાનું મુનાસિબ માન્યું હતું. વર્ષના અંતિમ દિવસોમાં 'સાંતા રેલી' અટકતી જોવા મળી રહી છે. નિફ્ટી 50માં સામેલ શ્રીરામ ફાઈનાન્સ અને સન ફાર્મા જેવા હેવીવેઈટ શેરોમાં ઈન્ટ્રાડેમાં 2 ટકા સુધીનો ઘટાડો નોંધાયો હતો. એક્સપર્ટ્સનું માનવું છે કે વર્ષ 2025 પૂરું થવાને હવે ગણતરીના દિવસો બાકી હોવાથી અને કોઈ મોટા પોઝિટિવ ટ્રિગરના અભાવે બજાર કન્સોલિડેટ થઈ રહ્યું છે.

ટેકનિકલ એક્સપર્ટ્સનો શું છે મત?

જીયોજિત ઇન્વેસ્ટમેન્ટ્સના ચીફ માર્કેટ સ્ટ્રેટેજિસ્ટ આનંદ જેમ્સના જણાવ્યા અનુસાર, નિફ્ટીમાં ચાર્ટ પર "ઈવનિંગ સ્ટાર" પેટર્ન બની છે, જે આગળ વધુ નબળાઈનો સંકેત આપે છે. જો નિફ્ટી 26,100ની નીચે ટકી રહે છે, તો તે 25,935થી 25,850 સુધી સરકી શકે છે. જોકે, તેજી માટે નિફ્ટીએ 26,325નું લેવલ પાર કરવું જરૂરી છે.

આ પણ વાંચો- Midwest Share: આ શેર કરાવશે તગડી કમાણી! Motilal Oswalએ આપ્યો 'Buy' કોલ, 54% સુધીના રિટર્નની આશા

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના અંગત વિચાર અને સલાહ હોય છે. Moneycontrol યુઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.