Stock Market Holidays: નવેમ્બર મહિનો ભારતીય શેરબજાર અને રોકાણકારો માટે તહેવારોની ખુશીઓ લઈને આવી રહ્યો છે. જો તમે પણ શેરબજારમાં ટ્રેડિંગ કરો છો અથવા મ્યુચ્યુઅલ ફંડમાં રોકાણ કરો છો, તો તમારા માટે નવેમ્બર મહિનાની રજાઓનું લિસ્ટ જાણી લેવું ખૂબ જ જરૂરી છે. નેશનલ સ્ટોક એક્સચેન્જ અને બોમ્બે સ્ટોક એક્સચેન્જ દ્વારા જાહેર કરવામાં આવેલા સત્તાવાર કેલેન્ડર મુજબ, નવેમ્બર 2026 માં તહેવારો અને શનિ-રવિની રજાઓ મળીને શેરબજાર કુલ 10 દિવસ બંધ રહેશે.
નવેમ્બર મહિનામાં 10 દિવસ બંધ રહેશે શેરબજાર, ટ્રેડિંગ કરતા પહેલા અહીં જુઓ NSE-BSEની રજાઓનું સંપૂર્ણ લિસ્ટ
નવેમ્બર 2026માં તહેવારો અને વીકેન્ડ મળીને શેરબજાર કુલ 10 દિવસ બંધ રહેશે. 8 નવેમ્બરે રવિવાર હોવા છતાં દિવાળી નિમિત્તે ખાસ મુહૂર્ત ટ્રેડિંગ યોજાશે. જુઓ રજાઓનું લિસ્ટ.
અપડેટેડ 05:40:23 PM Nov 03, 2026 પર
8 નવેમ્બર 2026 અને રવિવારના રોજ દિવાળીના પવિત્ર તહેવાર નિમિત્તે શેરબજારમાં ખાસ 'મુહૂર્ત ટ્રેડિંગ' સેશનનું આયોજન કરવામાં આવશે.
મુહૂર્ત ટ્રેડિંગ માટે રવિવારે પણ ખુલશે શેરબજાર!
સામાન્ય રીતે શનિવાર અને રવિવારે શેરબજારમાં રજા હોય છે અને કોઈ કામકાજ થતું નથી. પરંતુ નવેમ્બર મહિનામાં એક ખાસ અપવાદ જોવા મળશે. 8 નવેમ્બર 2026 અને રવિવારના રોજ દિવાળીના પવિત્ર તહેવાર નિમિત્તે શેરબજારમાં ખાસ 'મુહૂર્ત ટ્રેડિંગ' સેશનનું આયોજન કરવામાં આવશે. રવિવાર હોવા છતાં, રોકાણકારો આ ખાસ 1 કલાકના સેશનમાં પોતાના નવા સંવત વર્ષની શુભ શરૂઆત કરવા માટે શેરની ખરીદી અને વેચાણ કરી શકશે.
નવેમ્બર 2026: શેરબજારની રજાઓની સંપૂર્ણ યાદી
7 નવેમ્બર 2026 (શનિવાર): વીકેન્ડ રજા (સાપ્તાહિક રજા)
8 નવેમ્બર 2026 (રવિવાર): સાપ્તાહિક રજા (સાંજે માત્ર સ્પેશિયલ મુહૂર્ત ટ્રેડિંગ માટે બજાર ખુલશે)
10 નવેમ્બર 2026 (મંગળવાર): દિવાળી-બલિપ્રતિપદા (બેસતું વર્ષ) - ટ્રેડિંગ રજા
14 નવેમ્બર 2026 (શનિવાર): સાપ્તાહિક રજા
15 નવેમ્બર 2026 (રવિવાર): સાપ્તાહિક રજા
21 નવેમ્બર 2026 (શનિવાર): સાપ્તાહિક રજા
22 નવેમ્બર 2026 (રવિવાર): સાપ્તાહિક રજા
24 નવેમ્બર 2026 (મંગળવાર): પ્રકાશ ગુરુપર્વ શ્રી ગુરુ નાનક દેવજી જયંતી - ટ્રેડિંગ રજા
28 નવેમ્બર 2026 (શનિવાર): સાપ્તાહિક રજા
29 નવેમ્બર 2026 (રવિવાર): સાપ્તાહિક રજા
તહેવારો નિમિત્તે કયા દિવસે રહેશે સંપૂર્ણ રજા?
શનિવાર અને રવિવારની નિયમિત રજાઓ ઉપરાંત, નવેમ્બર 2026 માં બે મુખ્ય તહેવારો પર શેરબજારમાં કામકાજ સંપૂર્ણપણે બંધ રહેશે.
10 નવેમ્બર 2026 (મંગળવાર): દિવાળી-બલિપ્રતિપદાના અવસર પર ઇક્વિટી, ડેરિવેટિવ્ઝ અને SLB સેગમેન્ટમાં કોઈ જ ટ્રેડિંગ થશે નહીં.
24 નવેમ્બર 2026 (મંગળવાર): પ્રકાશ પર્વ એટલે કે શ્રી ગુરુ નાનક દેવજીની જયંતીના પાવન પર્વ પર BSE અને NSE બંને એક્સચેન્જ સંપૂર્ણપણે બંધ રહેશે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
