Closing Bell : RBI પોલિસીના દિવસે શેરબજારમાં કડાકો, સેન્સેક્સ 117 પોઇન્ટ તૂટ્યો-નિફ્ટી 23370ની નીચે બંધ, બેન્કિંગ શેરોમાં તેજી

Closing Bell : ભારતીય શેરબજારમાં 5 જૂનના રોજ ભારે ઉતાર-ચઢાવ જોવા મળ્યો. રિઝર્વ બેંક ઓફ ઇન્ડિયાની મોનેટરી પોલિસીના નિર્ણયોની સીધી અસર બજાર પર જોવા મળી. રોકાણકારોના રિએક્શન અને સાવચેતી વચ્ચે માર્કેટ સામાન્ય ઘટાડા સાથે બંધ થયું હતું.

RBI નો નિર્ણય: રેપો રેટ યથાવત

RBI ની મોનેટરી પોલિસી કમિટીએ સર્વાનુમતે વ્યાજ દરોમાં કોઈ જ ફેરફાર ન કરવાનો નિર્ણય લીધો છે. રેપો રેટ 5.25% પર યથાવત રાખવામાં આવ્યો છે. આ સાથે જ મધ્યસ્થ બેંકે અર્થતંત્રને લઈને પોતાનું વલણ ન્યુટ્રલ જાળવી રાખ્યું છે.

સેન્સેક્સ અને નિફ્ટીની ચાલ

આજના ટોપ લુઝર્સ

નિફ્ટીમાં સામેલ કંપનીઓમાં મુખ્યત્વે મેટલ અને ટેક્નોલોજી શેરોમાં ભારે દબાણ જોવા મળ્યું. નીચે મુજબના શેરોમાં સૌથી વધુ ઘટાડો નોંધાયો હતો:

હિંડાલ્કો ઇન્ડસ્ટ્રીઝ

વિપ્રો

ટ્રેન્ટ

કોલ ઇન્ડિયા

ટાટા સ્ટીલ

આજના ટોપ ગેનર્સ

પડતા બજારમાં પણ કેટલાક શેરોએ રોકાણકારોને મોટી રાહત આપી અને માર્કેટને વધુ તૂટતા બચાવ્યું. આ શેરોમાં શાનદાર તેજી જોવા મળી.

અદાણી એન્ટરપ્રાઇઝ

હિન્દુસ્તાન યુનિલિવર

અદાણી પોર્ટ્સ

બજાજ ફાઇનાન્સ

એક્સિસ બેન્ક

સેક્ટર મુજબ માર્કેટની સ્થિતિ

મીડિયા ઇન્ડેક્સમાં આજે સૌથી શાનદાર પ્રદર્શન રહ્યું અને તેમાં લગભગ 3% નો જબરદસ્ત ઉછાળો જોવા મળ્યો. આ ઉપરાંત, PSU બેન્ક, રિયલ્ટી, કન્ઝ્યુમર ડ્યુરેબલ્સ અને હેલ્થકેર ઇન્ડેક્સમાં પણ 0.5% જેટલો વધારો જોવા મળ્યો હતો. એનર્જી, IT, મેટલ, ઓઇલ એન્ડ ગેસ અને ટેલિકોમ ઇન્ડેક્સમાં આજે વેચવાલીનું દબાણ રહ્યું અને તેમાં 0.5% થી લઈને 1% સુધીનો ઘટાડો નોંધાયો હતો. બ્રોડર માર્કેટમાં આજે મિશ્ર પ્રતિસાદ જોવા મળ્યો. નિફ્ટી મિડકેપ ઇન્ડેક્સ લગભગ 0.3% ઘટીને બંધ થયો હતો. જ્યારે નિફ્ટી સ્મોલકેપ ઇન્ડેક્સમાં કોઈ ખાસ હલચલ જોવા મળી ન હતી અને તે લગભગ ફ્લેટ બંધ રહ્યો હતો.

આ પણ વાંચો-ગણતરીના કલાકોમાં રિટેલ કોટા ફુલ, Hexagon Nutrition IPO માં રોકાણકારોનો ધસારો, GMP માં મોટો ઉછાળો