Share Market Opening Bell: વૈશ્વિક બજારોમાં જોવા મળી રહેલી વેચવાલીની સીધી અસર આજે ભારતીય શેર બજાર પર પડી છે. મંગળવારે ઓપનિંગ બેલ દરમિયાન આઈટી (IT) અને મેટલ શેરોમાં આવેલા ભારે દબાણને કારણે સેન્સેક્સ અને નિફ્ટી 50 બંને ઈન્ડેક્સ ઘટાડા સાથે ખૂલ્યા છે. શરૂઆતના મિનિટોમાં જ સેન્સેક્સ 150 પોઈન્ટથી વધુ તૂટ્યો હતો અને નિફ્ટી પણ 24,100 ના મહત્વના સ્તરની નીચે સરકી ગયો હતો.
Opening Bell: શેરબજારની નબળી શરૂઆત, સેન્સેક્સ 150 પોઈન્ટ તૂટ્યો, નિફ્ટી 24,100ની નીચે સરક્યો
ગ્લોબલ માર્કેટના દબાણ વચ્ચે ભારતીય શેર બજારની નબળી શરૂઆત થઈ છે. સેન્સેક્સ અને નિફ્ટી 50 ઈન્ડેક્સ ગગડ્યા છે, જ્યારે વેદાંતાના શેરમાં 4% નો કડાકો જોવા મળ્યો છે.
અપડેટેડ 09:46:44 AM Jun 23, 2026 પર
ગ્લોબલ માર્કેટમાંથી મળેલા મિશ્ર સંકેતો છતાં ભારતીય ઇન્ડેક્સ ફ્લેટ ઓપનિંગ બાદ નીચે તરફ સરક્યા હતા અને નિફ્ટી 24,050 ના સ્તરની આસપાસ ટકવા માટે સંઘર્ષ કરતો દેખાયો હતો.
બજાર ઓપન થયા બાદ સવારે 9:19 વાગ્યા સુધીમાં નિફ્ટી 50 ઈન્ડેક્સ 0.18 ટકા અથવા 43.35 પોઈન્ટ ઘટીને 24,059.55 પર ટ્રેડ કરી રહ્યો હતો. બીજી તરફ, બીએસઈ સેન્સેક્સ 117.76 પોઈન્ટ અથવા 0.15 ટકાના ઘટાડા સાથે 76,976.31 પર આવી ગયો હતો. ટ્રેડિંગની શરૂઆતમાં જ દિગ્ગજ કંપની વેદાંતાના શેરમાં 4 ટકા જેટલો મોટો કડાકો જોવા મળ્યો છે.
માર્કેટમાં ઉતાર-ચઢાવ વચ્ચે પણ બ્રોડર માર્કેટમાં થોડી મજબૂતી જોવા મળી રહી છે. નિફ્ટી મિડકેપ ઈન્ડેક્સ 0.15 ટકા અને નિફ્ટી સ્મોલકેપ ઈન્ડેક્સ 0.21 ટકાના વધારા સાથે ગ્રીન ઝોનમાં ટ્રેડ કરી રહ્યા હતા. સેક્ટર વાઈઝ પરફોર્મન્સ જોઈએ તો નિફ્ટી આઈટી અને નિફ્ટી મેટલ સેક્ટરમાં સૌથી મોટો ઘટાડો નોંધાયો છે, જ્યારે ફાર્મા અને હેલ્થકેર સેક્ટરે બજારને ટેકો આપવાનું કામ કર્યું છે.
શા માટે બજારમાં નબળાઈ આવી?
ગ્લોબલ માર્કેટમાંથી મળેલા મિશ્ર સંકેતો છતાં ભારતીય ઇન્ડેક્સ ફ્લેટ ઓપનિંગ બાદ નીચે તરફ સરક્યા હતા અને નિફ્ટી 24,050 ના સ્તરની આસપાસ ટકવા માટે સંઘર્ષ કરતો દેખાયો હતો. એક સમયે સેન્સેક્સ 181.39 પોઈન્ટ (0.24%) ઘટીને 76,912.68 પર અને નિફ્ટી 47.60 પોઈન્ટ (0.20%) ઘટીને 24,055.30 પર પહોંચી ગયો હતો. જોકે માર્કેટના એકંદર સેન્ટિમેન્ટમાં હજુ પણ પોઝિટિવિટી છે, કારણ કે આ ઘટાડા વચ્ચે પણ લગભગ 1,376 શેરો વધારા સાથે અને 882 શેરો ઘટાડા સાથે ટ્રેડ કરી રહ્યા હતા, જ્યારે 174 શેરોના ભાવમાં કોઈ ફેરફાર થયો ન હતો.
આજના ટોપ ગેનર્સ અને લુઝર્સ
Top Gainers
શરૂઆતના કારોબારમાં ડો. રેડ્ડીઝ લેબ્સ, અદાણી પોર્ટ્સ, ટાટા કન્ઝ્યુમર, એપોલો હોસ્પિટલ્સ અને સિપ્લા જેવા શેરો નિફ્ટી પર મજબૂત વધારા સાથે ટોપ ગેનર્સની યાદીમાં રહ્યા હતા.
Top Losers
બીજી તરફ બજારના ઘટાડાની આગેવાની આઈટી શેરોએ કરી હતી. ઈન્ફોસિસ, હિંડાલ્કો, એચસીએલ ટેક, ટીસીએસઅને ટેક મહિન્દ્રા જેવા મોટા શેરો નુકસાન સાથે લુઝર્સ સાબિત થયા હતા.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
