શેરબજાર અપડેટ: નિફ્ટીની એક્સપાયરી પર આ 10 શેરોમાં જબરદસ્ત હલચલ, જાણો કોણ જીત્યું અને કોણ હાર્યું?

Stock Market Update: વૈશ્વિક બજારોમાં જોવા મળેલા મિશ્ર સંકેતોની વચ્ચે આજે ભારતીય ઘરેલુ શેરબજારમાં પણ ઉતાર-ચઢાવનો માહોલ જોવા મળ્યો હતો. સપ્તાહના અંતે નિફ્ટીની વીકલી એક્સપાયરી હોવાને કારણે બજારમાં સાવચેતીનું વલણ રહ્યું. આજના કારોબારના અંતે સેન્સેક્સ (Sensex) 42.64 પોઈન્ટ્સ એટલે કે 0.05%ના સામાન્ય ઘટાડા સાથે 85,524.84ના સ્તરે બંધ રહ્યો હતો. બીજી તરફ, નિફ્ટી 50 ઈન્ડેક્સમાં 4.75 પોઈન્ટ્સ એટલે કે 0.02%ની મામૂલી તેજી જોવા મળી હતી અને તે 26,177.15 પર બંધ થયો હતો. જોકે, ઈન્ડેક્સ ફ્લેટ હોવા છતાં, કેટલાક ચોક્કસ શેરોમાં કોર્પોરેટ એક્ટિવિટીઝ અને સમાચારોને કારણે ભારે એક્શન જોવા મળ્યું હતું.

આઈઆરબી ઈન્ફ્રા (IRB Infra)

બજારમાં આજે જે શેરોમાં તેજી જોવા મળી તેમાં આઈઆરબી ઈન્ફ્રા (IRB Infra) મુખ્ય રહ્યું. કંપનીને ઓડિશામાં NH-16 પર 3,087 કરોડ રૂપિયાનો ચંદીખોલે-ભદ્રક હાઈવે પ્રોજેક્ટ મળતા તેના શેરમાં ઉછાળો આવ્યો હતો. આ સમાચારને પગલે શેર ઈન્ટ્રા-ડેમાં 2% ઉછળીને 42.85 રૂપિયા સુધી પહોંચ્યો હતો અને છેલ્લે 1.59%ના વધારા સાથે 42.68 રૂપિયા પર બંધ રહ્યો હતો. આ કંપનીનો છઠ્ઠો TOT પ્રોજેક્ટ છે, જેનાથી TOT માર્કેટમાં કંપનીનો હિસ્સો 44% પર પહોંચી ગયો છે.

બેલરાઈઝ ઈન્ડસ્ટ્રીઝ (Belrise)

સંઘવી મુવર્સ અને શક્તિ પમ્પ્સ

મોટા ઓર્ડર મળવાને કારણે સંઘવી મુવર્સ (Sanghvi Movers) અને શક્તિ પમ્પ્સ (Shakti Pumps) ના શેરો પણ રોકાણકારો માટે ફાયદાકારક સાબિત થયા. સંઘવી મુવર્સની સબસિડિયરી કંપનીને 428.72 કરોડ રૂપિયાના ઓર્ડર મળતા શેર 5.43% વધીને 365.90 રૂપિયા પર બંધ થયો. જ્યારે શક્તિ પમ્પ્સને મહારાષ્ટ્ર સ્ટેટ ઈલેક્ટ્રિસિટી ડિસ્ટ્રીબ્યુશન કંપની તરફથી 12,883 ઓફ-ગ્રીડ ડીસી સોલાર પંપ સિસ્ટમ માટે 356.77 કરોડ રૂપિયાનો ઓર્ડર મળ્યો છે. આ કામ 60 દિવસમાં પૂરું કરવાનું હોવાથી શેરમાં ઉત્સાહ જોવા મળ્યો અને તે 2.72% વધીને 733.30 રૂપિયા પર બંધ રહ્યો.

આઈટીસી

આ ઉપરાંત, આઈટીસી (ITC)ના શેરમાં પણ 1.27% નો વધારો જોવા મળ્યો હતો, જેનું મુખ્ય કારણ સિગારેટના ભાવમાં પ્રતિ સ્ટિક 2 રૂપિયાનો વધારો હોવાના અહેવાલો હતા. શેર 407.65 રૂપિયા પર બંધ થયો હતો.

મિશોમાં વેચવાલીનું દબાણ

બીજી બાજુ, કેટલાક શેરોમાં આજે વેચવાલીનું દબાણ અને નેગેટિવ સમાચારોની અસર જોવા મળી. સૌથી વધુ ચર્ચા મિશો (Meesho) ના શેરની રહી, જે વેલ્યુએશનની ચિંતાઓને કારણે સતત ત્રીજા દિવસે તૂટ્યો હતો. લિસ્ટિંગ બાદ મોંઘા વેલ્યુએશનને કારણે રોકાણકારોએ નફો બુક કરવાનું શરૂ કરતા શેર ઈન્ટ્રા-ડેમાં 10% તૂટીને લોઅર સર્કિટ સુધી પહોંચી ગયો હતો અને છેલ્લે 7.08% ના ઘટાડા સાથે 187.75 રૂપિયા પર બંધ થયો.

3M India

આ ઉપરાંત, 3M India પર નિયમનકારી ફાઈલિંગમાં વિલંબ બદલ બીએસઈ અને એનએસઈ દ્વારા 5,000 રૂપિયાનો દંડ ફટકારવામાં આવતા શેર 1.28% ઘટીને 34920.30 રૂપિયા પર બંધ થયો.

વિક્રાન એન્જિનિયરિંગ

વિક્રાન એન્જિનિયરિંગ (Vikran Engineering) દ્વારા 1,642 કરોડ રૂપિયાનો લેટર ઓફ એવોર્ડ રદ કરવામાં આવતા તેના શેરમાં પણ 3.40%નો ઘટાડો નોંધાયો અને ભાવ 86.75 રૂપિયા પર આવી ગયો.

રાજેશ એક્સપોર્ટ્સ

ટ્રેડિંગ વોલ્યુમમાં અચાનક ઉછાળાને લઈને બીએસઈ દ્વારા પૂછવામાં આવેલા સવાલોને કારણે રાજેશ એક્સપોર્ટ્સ (Rajesh Exports)ના શેરમાં પણ 3.63% નો ઘટાડો થયો અને તે 222.75 રૂપિયા પર બંધ થયો.

પીએસપી પ્રોજેક્ટ્સ

છેલ્લે, કેર રેટિંગ્સ દ્વારા પીએસપી પ્રોજેક્ટ્સ (PSP Projects)નું શોર્ટ-ટર્મ બેંક ફેસિલિટી રેટિંગ 'કેર A1+' થી ઘટાડીને 'કેર A1' કરવામાં આવતા શેર 2.92% તૂટીને 887.00 રૂપિયા પર બંધ થયો હતો. આમ, આજના બજારમાં સમાચાર આધારિત શેરોમાં ભારે ચહલ-પહલ જોવા મળી હતી.

આ પણ વાંચો- Share Market Closing: આજે માર્કેટમાં રહી થોડી સુસ્તી! સામાન્ય ઘટાડા સાથે માર્કેટ બંધ, જાણો આજના ટોપ ગેનર્સ અને લૂઝર્સ

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.