Stocks to Watch Today: આ સ્ટોક્સ પર રહેશે નજર! Dhoot અને Molbioનું લિસ્ટિંગ, PB Fintech અને Dr Reddy’s સહિતના સ્ટોક્સ ફોકસમાં

Stocks to Watch Today: આજે ઈન્ટ્રા-ડે ટ્રેડિંગની વાત કરીએ તો આજે 2 નવા સ્ટોક્સનું લિસ્ટિંગ થવા જઈ રહ્યું છે. આ ઉપરાંત અમુક ખાસ કોર્પોરેટ જાહેરાતોના કારણે PB Fintech, Dr Reddy’s અને Indigo Paints જેવા શેરોમાં આજે ભારે એક્શન જોવા મળી શકે છે. જો તમે પણ આજે ટ્રેડિંગ કરવાના છો, તો આ લિસ્ટ પર એક નજર જરૂર નાખો.

કેવો રહ્યો હતો માર્કેટનો છેલ્લો ટ્રેડિંગ દિવસ?

છેલ્લા ટ્રેડિંગ સેશનમાં સેન્સેક્સ 70.71 પોઈન્ટ (0.09%) ઘટીને 78,009.25 પર અને નિફ્ટી 29.85 પોઈન્ટ (0.12%) ઘટીને 24,366.00 પર બંધ થયો હતો. આજે સવારે ગિફ્ટ નિફ્ટી લગભગ 37.50 પોઈન્ટ (0.15%) ના ઘટાડા સાથે 24,393.50ની આસપાસ ટ્રેડ કરી રહ્યો છે.

આજે કઈ કંપનીઓનું થશે લિસ્ટિંગ?

* ધૂત ટ્રાન્સમિશન (Dhoot Transmission)

* મોલ્બિયો ડાયગ્નોસ્ટિક્સ (Molbio Diagnostics)

કઈ કંપનીઓના પરિણામો આવશે?

આજે ઈન્ડો-એમઆઈએમ, ક્રેસન્ડા રેલવે સોલ્યુશન્સ, ઈન્દ્રાયણી બાયોટેક, મહાન ઈન્ડસ્ટ્રીઝ, સિલ્વરલાઈન ટેકનોલોજીસ અને સ્ટારબીમ વેન્ચર્સ પોતાના ત્રિમાસિક પરિણામો જાહેર કરશે.

જાહેર થયેલા પરિણામો અને બિઝનેસ અપડેટ:

Physicswallah: લેટેસ્ટ જૂન ક્વાર્ટરમાં કંપનીની આવક 24.4% વધીને 1,054 કરોડ થઈ છે, જ્યારે ખોટ 120.5 કરોડથી ઘટીને 77.6 કરોડ થઈ છે.

Voltas: કંપનીનો નફો 52.2% ઉછળીને 213.8 કરોડ અને આવક 18.7% વધીને 4,673.5 કરોડ થઈ છે.

Rubicon Research: કંપનીનો નફો 95.8% વધીને 84.8 કરોડ નોંધાયો છે અને રેવન્યુ 51.6% વધીને 534.3 કરોડ થઈ છે.

GMR Airports: જુલાઈ મહિનામાં પેસેન્જર ટ્રાફિક 0.4% વધીને 93.12 લાખ પર પહોંચ્યો છે, જેમાં ઈન્ટરનેશનલ ટ્રાફિકમાં 2% નો વધારો જોવા મળ્યો છે.

આજના ટોપ ‘Stocks in Focus’

Reliance Industries: રિલાયન્સ અને રોલ્સ-રોયસ વચ્ચે ભારતના સ્વદેશી કોમ્બેટ એન્જિનના ડેવલપમેન્ટ અને મેન્યુફેક્ચરિંગ માટે મોટી ભાગીદારીની જાહેરાત થઈ છે.

PB Fintech: વીમા નિયામક IRDAI દ્વારા પોલિસીબજારના ઈન્સ્પેક્શન બાદ કંપનીને શો-કોઝ નોટિસ (Show-cause notice) ફટકારવામાં આવી છે.

Dr Reddy’s Laboratories: અમેરિકન દવા નિયામક FDA એ કંપનીના બાચુપલ્લી પ્લાન્ટની તપાસ કર્યા બાદ 4 ઓબ્ઝર્વેશન સાથે 'ફોર્મ 483' ઈશ્યુ કર્યું છે. આની અસર શેર પર પડી શકે છે.

Juniper Green & CESC: જુનિપર ગ્રીન અને CESC ની પેટા કંપની પૂર્વા ગ્રીન પાવરને SECI તરફથી અનુક્રમે 230 MW અને 70 MW ના રિન્યુએબલ એનર્જી પ્રોજેક્ટ્સ માટે Letter of Award (LoA) મળ્યો છે.

Texmaco Rail: કંપનીએ તેની સબસિડિયરી અને કેલ્ક્યુલસ ફંડ સાથે મળીને 200 કરોડના રોકાણ માટે મોટો કરાર કર્યો છે.

Kitex Garments: કંપનીના બોર્ડે ક્યુઆઈપી (QIP) અથવા અન્ય માધ્યમોથી 3,000 કરોડ સુધીનું ભંડોળ એકત્ર કરવાની મંજૂરી આપી છે.

Bank of India: બેંકે 14 ઓગસ્ટથી વિનીત શ્રીવાસ્તવને પોતાના નવા CFO તરીકે નિયુક્ત કર્યા છે.

BEML: કંપનીને આફ્રિકન માર્કેટ માટે મોરેશિયસ તરફથી $66.5 કરોડનો મસમોટો ઓર્ડર મળ્યો છે.

બલ્ક અને બ્લોક ડીલ્સની હલચલ

WeWork India: યુકેની સહયોગી કંપનીએ 35 લાખ શેર 697.55 ના ભાવે વેચ્યા છે, જે HDFC લાઈફ અને ICICI મ્યુચ્યુઅલ ફંડ સહિતના દિગ્ગજોએ ખરીદ્યા છે.

Sudarshan Chemical: પ્રમોટર્સ રાહુલ રાઠી અને પ્રદીપ રાઠીએ કંપનીમાં પોતાની 1.84% ભાગીદારી 148.22 કરોડમાં વેચી દીધી છે.

Rolex Rings: મિરે એસેટ મ્યુચ્યુઅલ ફંડે કંપનીના 9.3 લાખ શેર 16.61 કરોડમાં ખરીદ્યા છે.

LEAP India & Indigo Paints: વિદેશી ફંડોએ લીપ ઈન્ડિયામાં મોટો હિસ્સો ખરીદ્યો છે. જ્યારે HDFC મ્યુચ્યુઅલ ફંડે 68.16 કરોડમાં ઈન્ડિગો પેન્ટ્સના 5.8 લાખ શેર (1.2% હિસ્સો) ખરીદ્યા છે.

Menon Bearings: પ્રમોટર્સે 9.96 લાખ શેર વેચ્યા છે, જેમાંથી મોટો હિસ્સો પર્સિસ્ટન્સ કેપિટલ ફંડે ખરીદ્યો છે.

આજની એક્સ-ડેટ અને F&O પ્રતિબંધ

આજે બંધન બેંક, ડેલ્ટા કોર્પ, હુડકો , મણપ્પુરમ ફાઇનાન્સ, NBCC (ઈન્ડિયા), SKF ઈન્ડિયા સહિતના ઘણા શેરો એક્સ-ડિવિડન્ડ તરીકે ટ્રેડ કરશે. જ્યારે ફ્યુચર અને ઓપ્શન્સ (F&O) સેગમેન્ટમાં આજે બંધન બેંક, LIC, મણપ્પુરમ ફાઇનાન્સ અને SAILમાં નવી પોઝિશન પર પ્રતિબંધ રહેશે.

આ પણ વાંચો- Dividend Stocks: શેરબજારના રોકાણકારો માટે ખુશખબર! RVNL અને HUDCO સહિત આ 4 સરકારી કંપનીઓ આપશે મોટું ડિવિડન્ડ, ફટાફટ નોંધી લો Ex-Date

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.