Closing Bell : સેન્સેક્સ 889 પોઈન્ટ ઉછળ્યો, નિફ્ટી 24250 પાર, IT અને મેટલ શેરોએ કરાવી બમ્પર કમાણી

Closing Bell : 29 જુલાઈના રોજ ભારતીય શેરબજારમાં શાનદાર ઉછાળો જોવા મળ્યો છે. માર્કેટ ખુલતાની સાથે જ જે પોઝિટિવ માહોલ બન્યો હતો, તે બજાર બંધ થવા સુધી જળવાઈ રહ્યો. IT, મેટલ, ફાર્મા અને બેન્કિંગ શેરોમાં જોરદાર ખરીદીના કારણે બજારમાં ફરીથી રોનક પાછી ફરી છે.

સેન્સેક્સ અને નિફ્ટીની મજબૂત ક્લોઝિંગ

આજના કારોબારના અંતે મુખ્ય ઇન્ડેક્સ જબરદસ્ત મજબૂતી સાથે બંધ થયા છે. સેન્સેક્સ 88.68 પોઈન્ટ (1.16 ટકા) ના જંગી ઉછાળા સાથે 77,654.60 ના સ્તર પર બંધ થયો. નિફ્ટી 50 264.85 પોઈન્ટ (1.10 ટકા) ની મજબૂતી સાથે 24,250.20 ના આંકડા પર બંધ રહ્યો. ઓવરઓલ બજારની વાત કરીએ તો આજે રોકાણકારોએ સારી એવી કમાણી કરી છે. માર્કેટમાં લગભગ 2460 શેરો લીલા નિશાનમાં (નફા સાથે) બંધ થયા છે, જ્યારે 1597 શેરોમાં વેચવાલી જોવા મળી હતી. આ ઉપરાંત 177 શેરોના ભાવમાં કોઈ જ ફેરફાર થયો ન હતો.

નિફ્ટી 50 ના ટોપ ગેનર્સ અને લુઝર્સ

Top Gainers

જીયો ફાઇનાન્શિયલ સર્વિસિસ, હિન્દુસ્તાન યુનિલિવર, ઇન્ફોસિસ, હિંડાલ્કો ઇન્ડસ્ટ્રીઝઅને લાર્સન એન્ડ ટુબ્રોના શેરોમાં સૌથી વધુ તેજી જોવા મળી હતી.

Top Losers

અદાણી પોર્ટ્સ એન્ડ SEZ , મહિન્દ્રા એન્ડ મહિન્દ્રા, પાવર ગ્રીડ કોર્પોરેશન, આઇશર મોટર્સ અને HDFC લાઇફ ઇન્સ્યોરન્સના શેરોમાં સૌથી વધુ ઘટાડો નોંધાયો હતો.

સેક્ટરલ પર્ફોર્મન્સ: માત્ર રિયલ્ટી સેક્ટરમાં નિરાશા

સેક્ટરની વાત કરીએ તો આજે માત્ર રિયલ્ટી સેક્ટરને બાદ કરતા તમામ ઇન્ડેક્સ વધારા સાથે લીલા નિશાનમાં બંધ થયા છે.IT, મીડિયા, મેટલ, ફાર્મા, ટેલિકોમ, પ્રાઇવેટ બેંક, FMCG અને કન્ઝ્યુમર ડ્યુરેબલ્સ સેક્ટરમાં 1 થી 2 ટકાની શાનદાર તેજી જોવા મળી છે. આ દર્શાવે છે કે બજારના દરેક ક્ષેત્રમાં આજે વ્યાપક ખરીદી થઈ છે.

મિડકેપ અને સ્મોલકેપમાં પણ છવાયો લીલો રંગ

મુખ્ય ઇન્ડેક્સની સાથે સાથે બ્રોડર માર્કેટમાં પણ તેજીનો પવન ફૂંકાયો હતો. નિફ્ટી મિડકેપ 100 ઇન્ડેક્સ 0.8 ટકા અને નિફ્ટી સ્મોલકેપ 100 ઇન્ડેક્સ 1.5 ટકા ઉપર ચઢીને મજબૂતી સાથે બંધ રહ્યા છે.

આ પણ વાંચો-Adani Ports Q1 Results: નફામાં 10%નો જંગી ઉછાળો, 3650 કરોડની કમાણી સાથે અદાણીએ રજૂ કર્યો 2030નો મેગા પ્લાન